சாலை விபத்துக்கள் ஏன் ஏற்படுகின்றது?காணொளி+படம்

சாலை விபத்துக்கள் ஏன் ஏற்படுகின்றது?


இன்று சாலை விபத்துக்கள் அதிகரித்து வருவதை தினமும் காண்கிறோம். மேலை நாடுகளில் கட்டுப்பாடு,சட்டம்,பயிற்சி காரணமாக குறைவாக இருந்தாலும்,தமிழ் நாட்டில் தினமும் சாலை விபத்துகளால் உயிரிழப்புகள் அதிகரித்து வருகின்றது. ஏன் இந்த சாலை விபத்துக்கள் நடக்கின்றன.

ஓட்டப்பந்தயத்தில் எதிர்வினையாற்றும் நேரம் வெற்றியை நிர்ணயிக்கிறது.

போதிய பயிற்சியின்மை, சாரதி அனுமதிப்பத்திரம் பெறுவதில் உள்ள சுலபமான முறை, எட்டுப் போட்டால் ஓகே, காவல்துறையின் அலட்சியம்,அரசின் அலட்சியம்,மதுக்கடைகள், சுலபமாக தப்பிக்கும் வழிகள்,கண்டு கொள்ளாத பொதுமக்கள், இப்படிப் பல காரணங்களைச் சொல்லலாம். தமிழ் நாட்டில் சாரதி அனுமதிப்பத்திரம் பெறாததால் மேலதிக விபரங்களை தரமுடியாத நிலையில், சில விஞ்ஞான பூர்வமான காரணிகளை இங்கு தருகிறேன். இவை பயிற்சியின் போது தரப்படுகிறது.

மனித புலனுணர்வு நேரம்,எதிர்வினையாற்றும் நேரம்,வாகன எதிர்வினையாற்றும் நேரம்,வாகன நிறுத்தும் திறன் (Human Perception Time ,Reaction Time ,Vehicle Reaction Time ,Vehicle Braking Capability) போன்ற காரணங்களால் சாலை விபத்துக்கள்  நடக்கின்றன.

மனித புலனுணர்வு நேரம்- Human Perception Time- என்பது விபத்தைக் காணும் ஓட்டுனர், தன் மூளை புலன் உணர்வைக் கொண்டு, உடன் எதிர்வினையாற்றும் நேரத்தை குறிக்கும்.இந்த நேரம் பொதுவாக கால் முதல் அரை வினாடிகள்.இது 1,5 – 2 வினாடிகள் ஆகக் கூடிய நேரமாக இருக்கலாம்.

மூளை ஆபத்தைக் கண்டதும் எதிர்வினையாற்றும் நேரம்- Reaction Time- என்பது,ஓட்டுனர் தன் காலை வேகப்படுத்தியில் இருந்து நிறுத்திக்கு (accelerator to brake pedal) கொண்டு செல்வதாகும்.இதற்கு எடுக்கும் நேரம் கால் முதல் முக்கால் வினாடி.

இவை இரண்டும் மனிதக்காரணிகள் ஆகும். இவை களைப்பு,மது, சோர்வு, கவனம்,வயது இவற்றைப் பொறுத்து அமையும்.இதனால் அதிகளவு 3 முதல் 4 வினாடிகளாக இருக்கலாம். உதாரணமாக இந்த அளவின்படி பார்த்தால் 4 வினாடிகள் புலனுணர்வு+எதிர்வினையாற்றும்(perception+reaction time) நேரம் உள்ள ஒருவர், 100 km/hr வேகத்தில் வாகனத்தை ஓட்டினால்,110 மீட்டர் தூரத்தில் வாகனத்தை நிறுத்த முடியும்.அதாவது மேற்சொன்ன இரண்டையும் செயல்படுத்தும் போது வாகனம் 110 மீட்டர் ஓடி விடும் என்பதாகும்.

அடுத்து நிறுத்தியின் -brake- நிலை,செயல்திறன் (brake pedal free-play, hydraulic - brake oil,working order ) போன்றவற்றைப் பொறுத்து அமையும்.
அத்துடன் முன்னால் வரும் அல்லது முந்தும் வாகனம், எடுக்கும் நடவடிக்கை காரணமாக,அதாவது brake light ,அவர் என்ன செய்யப் போகிறார் என்ற எண்ணம்,ஓட்டுனர் ஒரு வினாடி தாமதமாக நிறுத்தியை-brake- அழுத்த முயலலாம்.இப்படியான நிலை வரும் போது,100கிமீ/மணியில் பயணிக்கும் வாகனம் இன்னும் 28 மீட்டர் வரை சென்று விடுகிறது.

இதனால் தான் நிறுத்தும் தூரம் என்பது, யோசிக்கும் தூரம்+நிறுத்தும் தூரம் (stopping distance = thinking distance + braking distance) என்ற இரண்டிலும் தங்கி உள்ளது.சாதாரண பயணத்தில் இந்த இரண்டு தூரமும் வாகனத்தின் வேகத்தைப் பொறுத்து அமையும். braking distance என்று சொல்லும் போது,சாலை நிலைமை,சக்கரங்கள்-tyres-நிலை,நிறுத்தியின் நிலை,கால நிலை,செல்லும் வேகம் இவற்றினால் மாறுபாடடையலாம்.

ஒரு வாகனம் நிதானமான வேகத்தில் செல்லுமானால்,வானத்தின் இயந்திரமும் காற்றுத்தடையும் சமனாகும் போது,சரியாக நிறுத்த முடிகிறது.நிதானமாக வாகனம் ஓடும் போது, புவிஈர்ப்பு வாகனத்தை கீழ் இழுப்பது,சாலையின் எதிர்வினை சக்கரங்களை தள்ளுவது,வாகன இயந்திரம் தள்ளும் வலிமை,சாலைக்கும் சக்கரத்திற்கும் -tyres-உள்ள பிடிப்பு அல்லது உராய்வு,வாகனத்தின் முன்பகுதியை தாக்கும் காற்றழுத்தம் போன்றவை வாகனத்தில் பிரயோகிக்கப்படுகிறது.
ஓட்டுனர் முடிவெடுப்பது,கவனச்சிதறல்,அப்போதய நிலையைக் கண்டறிவது,மது போதை,ஓட்டுவதில் அல்லது பயிற்சியில் பெற்ற அனுபவம்,வாகனத்துடன் உள்ள தொடர்பு அனுபவம்,களைப்பு,சோர்வு,கவனமின்மை,எதிர்வினையாற்றும் நேரம்,எதிர்பாராத பதில்,ஆபத்தான நடவடிக்கை,மனஅழுத்தம்,பயம் (Decision-making,Demographics, Distraction,Detection Thresholds,Drugs and alcohol ,Driving training and experience ,Familiarity with vehicle and environment ,Fatigue,Inattention,Perception-reaction time, Response to the unexpected ,Risky behaviors,Stress and panic,) மனிதக் காரணிகளாகச் சொல்லலாம்.

ஆக சாலை விபத்துகளுக்கு மனிதனே பல சமயங்களில் காரணமாகிறான் என்பதைத் தெரிந்து கொண்டு ஓட்டினால்,பல உயிர்களைக் காப்பாற்ற முடியும்.

நான் அந்த வீடியோ பார்த்து பயந்து விட்டேன்