நரேந்திர மோடி குஜராத்தில் ஏற்பட்ட மீத்தேன் கசிவிலிருந்து மக்களை காக்கத் தவறியவர். காவிரி படிகையை காப்பாற்றிவிடுவாரோ?

நரேந்திர மோடி முதல்வராக இருந்த போது குஜராத்தில் ஏற்பட்ட மீத்தேன் கசிவிலிருந்து மக்களை காக்கத் தவறியவர். பிரதமர் பதவியில் இருக்கும்போது மட்டும் காவிரி படிகையை காப்பாற்றிவிடுவாரோ?
[You must be registered and logged in to see this image.]
சுற்றுச்சூழல் பாதிப்பை காரணம் காட்டி நாட்டின் வளர்ச்சியைத் தடுப்பதை பாஜக அரசு அனுமதிக்காது என்று மோடி சமீபத்தில் அறிவித்திருக்கிறார். அது காவிரி படிகையில் எடுக்கப்போகும் மீத்தேன் எதிர்ப்பு பற்றிய அறிவிப்புதான்.
கடந்த 2011 சூன் மாதம், குஜராத்தின் சூரத் அருகே 'ஒல்பட்' நகரத்தில், பெரும்பாலான கிணறுகள் மற்றும் ஆழ்துழாய்க்கிணறுகளில் இருந்து தண்ணீர் தானாகப் பொங்கி வழிந்தன.
பல இடங்களில் நிலத்திலிருந்து துர்நாற்றம் வீசும் வாயுக்கள் தன்னிச்சையாக வெளியேறின.
இவ்வாயுக்கள் தீப்பிடித்து எரியும் தன்மை கொண்டதாக இருந்தன. பல இடங்களின் பூமிக்கு அடியில் ஆங்காங்கே வெடிப்பு சத்தங்களும் ஏற்பட்டு அப்பகுதி மக்களை அச்சப்பட வைத்தன. சில இடங்களில் ஆழ்துழாய்க்கிணறுகள் 40அடிக்கும் உயரமாக அதிக அழுத்தத்தில் தண்ணீரை வெளியே பீய்ச்சியடித்தன.
[You must be registered and logged in to see this link.]
தன்னிச்சையாக வெளியேறும் தண்ணீரையும்,முடைநாற்ற வாயுவையும் சோதித்தவர்கள், அதில் 85சதத்திற்கும் அதிகமாக மீத்தேன் வாயு இருப்பதை உறுதி செய்தனர்.
காரணத்தை ஆராய்ந்த வல்லுனர்கள், தண்ணீர் வெளியேற்றத்திற்கும், வாயு வெளியேற்றத்திற்கும் காரணம் அருகில் இருக்கும் ONGC கிணறுகள் என்பதை கண்டறிந்தனர்.
ONGC கிணறுகள் பூமியின் அடிஆழத்தில் எண்ணை மற்றும் வாயு எடுப்பதற்கு பெருமளவில் வெடிப்புகளை ஏற்படுத்தி நிலத்தை உள்ளாக பிளவுபடுத்தியிருந்ததால், ஆழத்தில் ஆங்காங்கே தேங்கியிருந்த உயரழுத்த மீத்தேன் வாயுக்கள் பிளவுகள் ஊடாக வெளியேற முற்பட்டதன் விளைவாக மேலே இருந்த நிலத்தடி நீர்மட்டம் முழுவதுமாக உயர்ந்து தண்ணீர் மொத்தமும் வெளியேற ஆரம்பித்திருக்கின்றன.
பாதிக்கப்பட்ட அப்பகுதிமக்கள் காவல்நிலையத்தில் ONGC நிர்வாகிகள் மீது புகார் அளித்தும் எந்தவித நடவடிக்கையும் எடுக்கப்படவில்லை. மீத்தேன் கிணறுகளில் விபத்தோ அல்லது அசம்பாவிதம் ஏதும் நடந்ததா என்கிற தகவலையும் அளிக்க மறுத்துவிட்டனர். ONGC மட்டுமல்லாது, NIKO Resources Limited எனும் தனியார் நிறுவனமும் பாதிக்கப்பட்ட பகுதிகளில் அதிக அளவில் மீத்தேன் கிணறுகளை அமைத்துள்ளது.
இந்நிலையில், அப்பகுதிமக்களின் எதிர்ப்பையும், சூழல் ஆர்வலர்களையும் சமாளிக்கும் விதமாக, Institute of Seismological Research (ISR) எனும் அமைப்பு,
"சூரத் மற்றும் ஓல்பட் சுற்றியுள்ள இடங்களில் அதிக அளவில் குளங்கள் இருக்கின்றன, இக்குளங்களின் நீர்த்தேக்கம் அழுத்தத்தை ஏற்படுத்தி, விளைவாக கிணறுகளில் நீர் பொங்கச்செய்து இருக்கின்றன"
என்று அயோக்கியத்தனமாக ஒரு பொய்யை ONGC மற்றும் Niko கார்போரேட்டுகளுக்கு ஆதரவாக புழுகியிருக்கிறது. குளங்கள் யாவும் அங்கு பாயும் "சேனா நதி"யை சார்ந்து அமைக்கப்பட்டிருக்கும்போது ஏன் அந்நதியை கணக்கில் எடுத்துக்கொள்ளவில்லை?
[You must be registered and logged in to see this link.]
அங்கே பல ஆண்டுகளுக்கு முன்னரே குளங்கள் செயல்பாட்டில் இருந்துவருவதும் குறிப்பிடத்தக்கது. அரசும் அதன் அடியாள் காவல்துறையும் இந்நிறுவனங்கள் மீது எந்த நடவடிக்கையும் எடுக்கவில்லை. மாறாக, இச்சீர்கேட்டிற்கு விளக்கம் அளித்து, அப்பகுதி குளங்களே காரணம் என்று 'மூன்றாம் பஞ்சாயத்து விளக்கம்' கட்டுவது இந்நிறுவனங்களின் ஈனத்தனத்தை தோலுரிக்கிறது.
இது ஒருவேளை காவேரிப்படுகையில்(புரிதலுக்காக) ஏற்பட்டிருந்தால், நிலத்தடி நீர் மொத்தமும் வெளியேற்றப்பட்டிருக்கும்!
மீண்டும் நிலத்தடி நீரை நிரப்ப காவிரியில் தண்ணீர் இல்லை, மீதமிருக்கும் ஆழ்துழாய்க்கிணறுகளை நம்பியிருக்கும் விவசாயிகளின் கதி?
குடிக்கக்கூட வெளியே இருந்து தண்ணீரை காசு கொடுத்து வாங்க நேரிடும்!
ஓடங்கள் ஓடிய காவிரிப்பகுதியில் மக்கள் காசுக்கு குடிநீர் வாங்கும் அவலம் வரின், அதனினும் கொடுமை நிலை ஏதும் உண்டா?
கார்போரேட்டுகள் மீது அரசு இயந்திரம் பாயாது. காரணம் காட்டி சமாளிக்க இந்த அயோக்கியர்கள் அதே போல்,
"இங்கே இருக்கும் ஆயிரக்கணக்கான குளங்கள் தான் காரணம்" என்று புளுகமாட்டார்களா என்ன?
ஒருவேளை திட்டம் செயல்படுத்தப்பட்டால், ஏகாதிபத்திய இந்திய அரசை சார்ந்து இயங்கும் கங்காணி தமிழக அரசு கடும் ஒடுக்குமுறைகளைக்கையாளும் என்பதில் ஐயமில்லை..
'அம்மா சொல்லிட்டாங்க, அய்யா சொல்லிட்டாங்க, எனவே போராடாதீங்க, ஒன்றினையாதீங்க' என்று வியாக்கியானம் பேசுபவர்கள் அரசு யந்திரத்தின் கைக்கூலிகளாகவே இருக்கமுடியும்..
நாம் ஒன்றிணைந்து களம் காண்பதே நிரந்திரத்தீர்வு தரும். மீத்தேன் திட்டத்திற்கு எதிராக ஒன்றிணைவோம்! வலுவான எதிர்ப்பினை பதிவு செய்து மீத்தேனோ கரியோ எடுப்பதை நிரந்தரமாகத்தடை செய்வோம்!! காவேரிப்படுகயைக்காப்போம் !!!
[You must be registered and logged in to see this link.]