தமிழீழப் படுகொலைக்கு பின்னனியிலும், 2009க்கு பின்பு நம் ஈழவிடுதலையை தடுப்பதிலும் பணியாற்றும் கண்ணுக்கு தென்படாத நிறுவனங்கள்

by **mmani** Wed May 14, 2014 12:11 pm

தமிழீழப் படுகொலைக்கு பின்னனியிலும், 2009க்கு பின்பு நம் ஈழவிடுதலையை தடுப்பதிலும் பணியாற்றும் கண்ணுக்கு தென்படாத நிறுவனங்கள்,தனிநபர்கள் பற்றி எழுதவேண்டுமென எண்ணி இருந்தேன்.
தமிழீழப் படுகொலைக்கு பின்னனியிலும், 2009க்கு பின்பு நம் ஈழவிடுதலையை தடுப்பதிலும் பணியாற்றும் கண்ணுக்கு தென்படாத நிறுவனங்கள் 10368276_10203796076245894_723576773407105559_n

தமிழீழப் படுகொலைக்கு பின்னனியிலும், 2009க்கு பின்பு நம் ஈழவிடுதலையை தடுப்பதிலும் பணியாற்றும் கண்ணுக்கு தென்படாத நிறுவனங்கள் 10368276_10203796076245894_723576773407105559_n

அதைப்பற்றிய மிகச்சிறிய தகவலை தோழர் கார்த்திக் Karthick RM எழுதி இருக்கிறார். இந்த வலையையும்-அதன் சிலந்தியையும் புரிந்து கொண்டால் ஈழவிடுதலை அரசியலை உடைக்கும் சதிகளை கொஞ்சம் எளிதில் புரிந்து கொள்ளலாம். (ஐ. சி. ஜீ (ICG - International Crisis Group) இந்த நிறுவனத்தினைப் பற்றி விரிவாக பல சமயங்களில் எங்கள் கருத்தரங்கில் பதிவு செய்திருக்கிறோம். )

ஈழவிடுதலையை நேசிப்பவர்கள் சில மணித்துளிகள் செலவிட்டு இப்பதிவினை நிச்சயம் வாசிப்பார்கள் என நம்புகிறேன்.

ஐ. சி. ஜீ (ICG - International Crisis Group) முன்னால் தலைவரான கரெத் இவான்ஸ் சில நாட்களுக்கு முன்பு ஈழ தமிழருக்கு நடந்தது இனப்படுகொலை இல்லை, மற்றும் இனப்படுகொலைப் பற்றின விவாதம் புலம்பெயர்ந்த தமிழ் மக்களின் பிரச்சாரம் என்று சொல்லியிருக்கிறார். இனப்படுகொலையிலிருந்து பாதுகாப்பதற்காக மக்களுக்கு வழங்கப்பட வேண்டிய இறைமை (remedial sovereignty) தமிழ் மக்களுக்கு உள்ளதா என்ற கேள்விக்கு இவர் 'அதையெல்லாம் இப்பொழுது பேசாதீர்கள்' என்று சொல்லியிருக்கிறார். அவரைப் பொருத்த வரையில், இலங்கை தவறுகள் செய்தது, ஆனால் இப்போதைக்கு இலங்கை அரசாங்கத்தை பொறுப்புள்ள அரசாங்கமாக ஆக்குவது தான் சர்வதேசத்தின் கடமை.
இவான்ஸ் என்பவர் தமிழ் மக்களுக்கு எதிரான போர் நடந்த நேரத்தில் ஐ.சி.ஜீ.யின் தலைமை பொருப்பில் நின்றார். சர்வதேச அரசியல் தத்துவத்தில் (International Political Theory) இவர் ஒரு முக்கிய புள்ளி. ஈழ விடுதலை போராட்டத்துக்கு எதிராக மேற்கத்திய நாடுகளில் ஒரு தவறான கருத்து உருவாக்குவதில் ஐ.சி.ஜீக்கு ஒரு பெரிய பங்கு உண்டு. 'மனித உரிமை', 'குழந்தைகள் உரிமை', 'பெண்ணுரிமை' என்ற போர்வையில், புலிகளுக்கு எதிராக ஒரு அறிவிக்கப்படாத தகவல் போர் (undeclared information war) இதுப்போன்ற அமைப்புகள் நடத்தினார்கள்.
இரண்டு வருடத்துக்கு முன், தமிழ்நெட்டில் வந்த ஒரு பேட்டியில், ஐ.சி.ஜீயின் இலங்கை பொருப்பாளரான அலன் கீனன் சர்வதேச விசாரனை நடந்தால், அதில் இனப்படுகொலை விசாரனையையும் சேர்க்கலாம் என்று சொன்னார். இப்போ, திரு இவான்ஸ் அவர்கள் அதைப்பத்தின பேச்சே இப்போ தேவையில்லை என்று சொல்கிறார்.
இதுபோன்ற சர்வதேச அரசுசாரா அமைப்புக்களின் (International NGOs) சதுரங்க விளையாட்டுகளை நாம் கவனிக்க வேண்டும். அதில் காய்களாக நாம் சிக்க கூடாது.

# இந்த நிறுவனத்தின் கட்டுப்பாட்டிலும், உதவியினாலும், இனப்படுகொலை விசாரனை தேவையில்லை எனும் பலரை நாங்கள் 2011க்கு பின் தமிழகத்திலும் காண்கிறோம். சிலர் இந்த நிறுவனத்தினை நேரடியாக மேற்கோள்காட்டியே பேசுகிறார்கள். சிலர் இந்த நிறுவனத்தினை பல அமைப்புகளுக்கு அறிமுகம் செய்தும் வைக்கிறார்கள்.