அன்றாடம் நாம் உண்ணும் காய்கறிகள் சிலவற்றின் மருத்துவம்

அப்படியே கேரட்டை சாப்பிடலாமா?
பச்சையாகவே
கேரட்டை சாப்பிடுவது பழக்கமாகி விட்டது. ஆனால், அப்படி சாப்பிடுவதை விட,
வேகவைத்த கேரட்டாக உணவில் சேர்க்கும் போது, அதில் உள்ள சக்தி
அதிகரிக்கிறது என்பது நிபுணர்களின் லேட்டஸ்ட் தகவல்.

கேரட்
மட்டுமின்றி, ஆரஞ்சு, மக்காச் சோளம், மஞ்சள் மிளகு, மாம்பழம் போன்ற
மஞ்சள், ஆரஞ்சு நிற காய்கறிகள், பழங்களில் கரோடினாய்ட்ஸ் என்ற
ஆன்டிஆக்சிடெண்ட் ரசாயன சத்து தொகுப்பு உள்ளது. இதில் ஒன்று தான் பீடா
கரோடின்; கேரட்டில் இந்த ஆன்டி ஆக்சிடெண்ட் தான் உள்ளது.இதய நோய், கேன்சர்
போன்ற பிரச்னைகள் எதிர்கா லத்தில் வராமல் இருக்க, கேரட்டை கண்டிப்பாக
உணவில் அடிக்கடி சேர்த்துக்கொள்ளுங்கள்.




பூண்டு சேர்க்காத உணவு ருசிக்காதே
பூண்டு
என்றாலே சிலருக்கு காரணம் புரியாமல் பிடிப்பதில்லை. ஆனால், அதில் உள்ள
சத்துக்கள் கணக்கிலடங்கா. இதயத்துக்கு வலு சேர்ப்பது முதல் உடலில்
ஒட்டுமொத்த வளர்ச்சிக்கு பெரிதும் கைகொடுக்கிறது; எதிர்ப்புச்சக்தியையும்
அள்ளித்தருகிறது. உணவில் கண்டிப்பாக பூண்டை சேர்க்க வேண்டும். ரசத்தில்
அடிக்கடி சேர்க்க வேண்டும். மேலும், நாலைந்து விழுதுகளை அப்படியே கூட
சாப்பிடலாம். கொலஸ்ட்ரால் குறையும். பூண்டு குழம்பு, ரசம், சூப் என்று
எதுவும் செய்து சாப்பிடலாம்.








சிவப்பு திராட்சை கொழுப்பை நீக்கும்
இதயம்
மற்றும் மூளைக்கு செல்லும் ரத்தக்குழாய்களில் அடைப்பு
ஏற்பட்டால்,மாரடைப்பு ஏற்படுகிறது. இதற்கு காரணம், ரத்தக்குழாய்களில்
கொலஸ்ட்ரால் என்ற கொழுப்பு படர்ந்து விடுகிறது. இப்படி படர விடாமல் சீரான
ரத்த ஓட்டத்துக்கு வழி செய்கிறது இந்த சிவப்பு திராட்சை. குவார்செடின்
என்ற பயோப்ளேவனாய்டு சத்து இதில் உள்ளது. வைட்டமின் சி யும் சேர்ந்து
கொள்வதால், உடலின் ஆரோக்கியத்துக்கு கேரண்டி தான். எந்த வித தொற்றுநோயும்
வராமல் தடுக்க கண்டிப்பாக அவ்வப்போது சிவப்பு திராட்சை சாப்பிடுங்க.







அப்படியே சாப்பிடலாம் ஸ்ட்ராபெர்ரியை...
கருஞ்சிவப்பு
பழம் என்றால், ஸ்ட்ராபெர்ரி தான். ஓட்டல்களில் சாலட்டில் இதுவும்
அலங்கரிக்கிறது. கேன்சர் செல்களை அறவே தலை தூக்காமல் செய்யும் வைட்டமின்
சி "ப்ளேவனாய்ட்ஸ்` மற்றும் எலாஜிக் ஆசிட் சத்து உள்ளது. எல்லாருக்கும்
பிடித்தமானது என்றாலும், இப்போதெல்லாம், பதப்படுத்தப்பட்ட பெர்ரியாகவும்,
ஜூஸ் ஆகவும் சாப்பிடுவது தான் இளைய வயதினருக்கு பிடித்ததாக உள்ளது. ஆனால்,
ஒரு உண்மை தெரியுமா? அப்படியே கடித்து சாப்பிட்டால் தான் அவ்ளோ நல்லதாம்.







தானியங்கள், கடலைகள்
நம்
உணவில் சேர்க்கப்படும் மிளகு , வெந்தயம் முதல் எல்லாவற்றிலும் தனி
சத்துக்குணம் உள்ளது. முக்கியமாக எதிர்ப்பு சக்திக்கு பயனளிக்கும். ஆனால்,
இளைய வயதினருக்கு மிளகு என்றால் கடுப்பு; பூண்டு என்றால் சிலருக்கு
பிடிக்காது.
மக்காச்சோளம், பார்லி, ஓட்ஸ் போன்ற தானிய வகை பானங்கள்
மிகவும் நல்லது. இதில் உள்ள நார்ச்சத்து தான், பீட்டா க்ளூகான் என்ற
கொலஸ்ட்ரால் குறைக்கும் சத்து உள்ளது. தானியங்களில் பைடோ கெமிக்கல்,
கனிமச்சத்துக்கள் அதிகம். இவை எல்லாம் உடலில் பல வைட்டமின்கள் சேர்க்கும்.





கீரையை மறக்காதீங்க
சைவ
உணவு பிரியர்களாக இருந்தாலும், கீரை வகைகளை சாப்பிடவே பலரும் மறந்து
விடுகின்றனர். கடைத்தெருவுக்கு போனால், வெங் காயம், உருளையை மறக்காத
இவர்கள், கீரை யை மட்டும் மறந்து விடுகின்றனர். அதை சீராக இலைகளை
பிரித்து, தண்ணீரில் கழுவி சுத்தம் செய்து முழுமையாக சமைக்க
வேண்டும்.ஆனால், கீரைகளில் உள்ள சத்துக்களை, மருந்துகளில் கூட பெற
முடியாது. குறிப்பாக, பசலைக்கீரையில் ஆன்டிஆக்சிடெண்ட்டுக்கு குறைவே
இல்லை. கண்களில் பாதிப்பு வராமல் தடுக்கவும், எதிர்ப்பு சக்தியை
அள்ளித்தரவும் இதை விட சிறந்த உணவு இல்லை.





தக்காளியை எப்படியும் சாப்பிடலாம்
தக்காளியை
இப்படித்தான் சாப்பிட வேண் டும் என்றில்லை; எப்படியும் சாப்பிடலாம்.
அப்படியே சுத்தம் செய்து கடித்து சாப்பிட்டாலோ, சாலட்டாக சாப்பிட்டாலோ
சற்று கூடுதல் பலன் கிடைக்கும். ஆனாலும், உணவில் சேர்த்து சாப்பிடும்
போதும் அதன் சத்துக்கள் வெகுவாக குறைவதில்லை.

கேன்சர் செல்களை
அழிப்பதும், கண் பாதுகாப்புக்கும் துணையாக உள்ள பீடா கரோடின் கூட்டாளியான
லிகோபின் ரசாயன சத்து இதில் உள்ளது. முழுமையான வைட்டமின் சி சத்து
கிடைக்கிறது என்றால் அது தக்காளியில் தான். சமைத்த தக்காளியில் வைட்டமின்
ஏ இருக்காது; அப்படியே சாப்பிட்டால், வைட்டமின் ஏ, சி, லிகோபின் ரசாயனம்
ஆகியவை இருக்கும்.