காதல் என்பது எல்லோருக்கும் வருவது தான்.ஆனால் காதல் திருமணம் என்பது எல்லோருக்கும் பொருத்தமானதா?

காதல் என்பது எல்லோருக்கும் வருவது தான்.ஆனால் காதல் திருமணம் என்பது எல்லோருக்கும் பொருத்தமானதா?

ஏதோ ஒரு தைரியத்தில் காதலித்து விட்டு பிறகு பிரச்சனைகளை எதிர்கொள்ள தெரியாமல், பிரிய வேண்டிய கட்டாயம் பலருக்கு ஏற்படுகிறது. இதைவிட தற்கொலை,கொலை,கடத்தல்,ஆசிட் வீச்சு,பாலியல் துன்புறுத்தல்கள் இப்படிப் பல காதல் தோல்விகளால் ஏற்படுவதைக் காண்கிறோம். உண்மை என்னவென்றால்,இரண்டு உள்ளங்கள் உண்மையான அன்புடன் இணையுமானால், மேற்சொன்ன எந்த கொடுமைகளையும் மற்றவர் மேல் பயன்படுத்த முனைய மாட்டார்கள். அப்படிப் பயன்படுத்தினால்,அவர்கள் இடையே ஏற்பட்டது காதல் அல்ல. ஆசைகளினால், கவர்ச்சியினால், infatuation இனால், ஏற்படுவதால் தான் விரைவில் முறிவும்,விவாகரத்தும் ஏற்பட்டு, காதல் கானல் நீர் போல் காணாமல் போய் விடுகிறது.இது venereal appetite, infatuation, மாயையால் நிகழும் மயக்கவுணர்ச்சி, காம மயக்கம் எனலாம்.

அதனால் காதலிக்கு முன்னர், அல்லது காதலைத் தொடருவதற்கு முன்னர் சிலவற்றை எண்ணிப் பார்க்கலாம்.

காதல் உண்மையாய் இருப்பினும், திருமணத்தில் இணைய, காதல் ஒன்று மட்டும் போதாது. ஏனெனில் காதல் என்பது இருவர் சார்ந்தது. ஒருவரை ஒருவர் புரிந்து, கருத்து வேறுபாடுகள் சகஜம் என்பதை உணர்ந்து, என்ன நடந்தாலும், இறுதி மூச்சு வரை இணைந்து வாழ வேண்டிய மனவுறுதி. அவ்வுறுதி இல்லாமல் போனால், காதல் காணாமல் போய் விடும் அபாயம் உண்டு.

பொதுவாக எப்போதுமே பெற்றோர்கள், குடும்பத்தினர் மற்றும் சமூகம் காதல் திருமணங்களை ஆதரிப்பதில்லை. பல போராட்டங்களுக்கு பிறகே அவர்களிடமிருந்து சம்மதம் கிடைக்கிறது. சம்மதம் கிடைக்க போராட முடியாமலும் போகலாம். அவ்வாறு நடக்கும் பட்சத்தில்,பெற்றோரை, குடும்பத்தினரை, சமூகத்தை எதிர்த்து திருமணம் செய்யவாவது, திறமை இருக்க வேண்டும். திருமணத்திற்கு உண்டான சட்ட நெறிமுறைகளை பின்பற்றி, சரியானவர்களின் உதவியை பெற்று திருமணம் செய்துகொள்ள தெரிந்திருக்க வேண்டும்.

ஆகவே பெற்றோரை, குடும்பத்தினரை, சமூகத்தை ஆதரவு தரச்செய்ய அல்லது அவர்களை எதிர்த்து திருமணம் செய்ய-இந்த இரண்டில் ஏதாவது ஒரு திறமை இருக்க வேண்டும். மேலும் காதல் திருமணங்களைப் பற்றிய சமூகப்பார்வையும், அதன் நிறைகுறைகளை அறிந்து இருத்தலும் அவசியம்.

தன் சொந்தக்காலில் நின்று தனது பொருளாதார தேவைகளை பூர்த்தி செய்யும் அளவுக்காவது காதலர்கள் இருக்க வேண்டும். திடீரென பெற்றோரிடமிருந்து பிரிய நேரிட்டால், அந்நெருக்கடி நிலையை சமாளிக்க போதுமான அளவு பொருளாதார ஆதரவு இருப்பது அவசியம்.

வேலைக்குரிய தகுதிகளை பெறாது, படிப்பின் போதே திருமணம் செய்ய முற்படுவது, வேலையில்லாத போது திருமணம் செய்து கொள்வது ஆகியவை ஆழமாய் சிந்தித்து செய்யப்பட வேண்டியவை. ஆணாயினும், பெண்ணாயினும், தன் துணையின் பொருளாதார தேவைகளை அறிந்து, அவற்றையும் பூர்த்தி செய்ய ஆயத்தமாய் இருப்பது மிக நல்லது.

பிரச்சனைகள் வரும் போது, அவற்றை சவாலாய் எடுத்து தீர்வுகாணும் மனவலிமை, மற்றவர்களை விட தன் கையையே அதிகமாக நம்பி இருத்தல், முடிந்தவரை யாரும் புண்படா வண்ணம் தன்னை நிலை நிறுத்திக்கொள்ளல், வாழ்க்கை மீது ஒரு கொள்கைப் பிடிப்பு போன்ற பண்புகளை கொண்ட ஆளுமையை பெற்றிருத்தல் சாலச்சிறந்தது.

இந்த உண்மையை புரிந்துகொள்ளாது, பல காதல்கள் திருமணத்தைக் காணாது காதல்களாய் மட்டுமே நின்று விடுவதையும் காண்கிறோம்.
அதே சமயம், பெண்களும் ஆண்களுக்கு நிகராய் முன்னேறி இருக்கிறார்கள். இந்த உண்மை இந்த காலத்து ஆண்களுக்கும், பெண்களுக்கும் நன்றாகத் தெரியும். அவர்களை பெரியவர்கள் வழி நடத்துகிறேன் என்ற பெயரில், பத்தாம் பசலி ஆக்க முற்பட்டு அவர்களின் வாழ்க்கையை கெடுத்துவிடக் கூடாது. சில இடங்களில் வழிநடத்தலும்,சில இடங்களில் விட்டுக் கொடுத்தலும் இன்றைய சமூகச் சூழ் நிலையில் மிகவும் அவசியமாகிறது.

உலகம் மாறி விட்டதை கருத்தில் கொண்டு, திருமண முறைகளில் சில தேவையான மாற்றங்களை ஏற்படுத்திக்கொள்வதும்,ஏற்றுக்கொள்வதும், விவாகரத்துக்களை குறைக்கவும், மகிழ்ச்சியான திருமண வாழ்வை வாழவும் வகைசெய்யும்! நமது கலாச்சரம்,பண்பாடு,பாரம்பரியம் எனப் பேசிக் கொண்டிருந்தால், நாம் மேடை போட்டு பேசிக் கொண்டே இருப்போம்.சமூகம் அதை உள்வாங்கிக் கொள்ளாது வெகுதூரம் போய்விடும். எண்ணிப் பார்த்து தோல்வி,போராட்டம்,பிரிவு,விவாகரத்துகளை தடுப்பதே,அறிவுள்ளோர் செயலாகும்.

சாதியை,மத வேறுபாட்டை ஒழிக்கலாம் என்பது போலியான வாதம் ஆகும். வெவ்வேறு மதங்களில் மணம் முடித்தவர்கள், மதமாற்றத்திற்குப் போனதை நாம் தினமும் காண்கிறோம்.
எடுத்துக்காட்டுகள் எல்லாம் சமூகத்தின் பிரதிபலிப்பல்ல.

அருமையான கட்டுரை

ஒரு சிலர் மதம் மாறி கல்யாணம் செய்து ஒன்றாக வாழ்கின்றனர்