அரச இராணுவ பிரச்சாரத்திற்கு நியூஜவ்னா (NEW JAFFNA . COM)கொள்வனவு- கோடிக்கணக்கினில் கைமாறிய பணம்!!The military campaign niyujavna (NEW JAFFNA. COM) Purchase - acquired money!

by **ஜனனி** Wed May 07, 2014 1:41 pm

அரச இராணுவ பிரச்சாரத்திற்கு நியூஜவ்னா (NEW JAFFNA . COM)கொள்வனவு- கோடிக்கணக்கினில் கைமாறிய பணம்!!

யாழ்ப்பாணத்தினை மையமாக கொண்டு செய்திகளை வழங்கி வந்த

நியூஜவ்னா (http://newjaffna.com/)

இணையத்தளம் பாதுகாப்பு அமைச்சின் செயலாளரது ஆசீர்வாதத்துடன் இலங்கை இராணுவத்தினது பிரச்சார நடவடிக்கைகளிற்காக தமிழ்சிஎன்என் கண்ணன் எனப்படும் நபரால் விலைக்கு வாங்கப்பட்டுள்ளது.

சுமார் மூன்று கோடி மதிப்பினில் இக்கைமாறல் நடந்துள்ளதாக தெரியவருகின்றது.

தற்போது பிரான்ஸினில் வசித்துவரும் சந்திரதேவன் பிரசாத் எனும் நபரின் பெயரிலுள்ள குறித்த இணையம் கிசுகிசு செய்திகள் போன்ற மலினமான செய்திகளால் பிரசித்தி அடைந்ததாகும்.

வடக்கினில் அதிலும் குறிப்பாக யாழ்ப்பாணத்தினில் படையினருக்கு ஆட்சேர்ப்பு நடவடிக்கைகளினை நேரினில் நின்று முன்னெடுத்து வரும் குறிப்பிட்ட தமிழ்சிஎன்என் கண்ணனாலேயே குறித்த இணையம் கொள்வனவு செய்யப்பட்டுள்ளது. அதற்கான பணம் பிரான்ஸினில் வசித்துவரும் சந்திரதேவன் பிரசாத் என்பவரிற்கு இந்நடவடிக்கைகளிற்கு இடைத்தரகராக செயற்பட்ட டானியல் என்பவர் மூலம் வழங்கப்பட்டுள்ளது.யாழ்ப்பாணம் குருநகரை சேர்ந்த இந்நபர் அண்மையினிலேயே பிரான்ஸிற்கு இலங்கை அரசால் அனுப்பப்பட்டதாக தகவல்கள் வெளியாகியுள்ளது.

இராணுவத்திற்கான ஆட்சேர்ப்பினை நியாயப்படுத்தி வருவதுடன் அதற்கென பிரச்சாரங்களை குறித்த இணையமூடாக முன்னெடுக்கும் பணிகளும் ஆரம்பமாகியுள்ளது.மறுபுறம் கூட்டமைப்பினை கடுமையாக சாடும் பிரச்சாரங்களும் வெளியிடப்படுகின்றது.இதனில் பணியாற்ற குடாநாட்டு ஊடகவியலாளர்கள் பலரிடம் பேரம்பேசப்படுவதாகவும் தகவல்கள் வெளியாகியுள்ளது.

தமிழ் தேசியத்திற்கு குரல் கொடுத்து வந்த குறித்த இணையம் தற்போது அரச கும்பலின் கைகளினில் வீழ்ந்துவிட்ட போதும் அதனை புரியாது பலரும் விட்டில் பூச்சிகளாக வலையினில் வீழ்வதாகவும் அதிலும் அரச இரகசியங்கள் மற்றும் ஊழல் அம்பலங்களை நம்பிக்கையுடன் மின்னஞ்சல் மூலம் அனுப்பி வைத்தவர்கள் அகப்பட்டு வருவதாகவும் தெரியவருகின்றது.

இலங்கை இராணுவத்திற்கான ஆட்சேர்பபினை சுமுகமாக முன்னெடுக்க ஏதுவாக பயன்படுத்தப்பட்டுவரும் தமிழ்சிஎன்என் கண்ணன் என்றழைக்கப்படும் குணரட்ணம் கண்ணன் மற்றும் சோமசுந்தரம் யாதவன் ஆகிய இருவரிற்கும் இலங்கை அரசு கோடி ரூபா பெறுமதியுடைய கார்கள் மற்றும் சாராயபார்கள் சட்டவிரோத மண் அகழ்வு அனுமதி மற்றும் பெருமளவு பணம் என்பவற்றினை வழங்கியிருப்பதாக கூறப்படுகின்றது.

by **அருள்** Thu May 08, 2014 7:09 am

எதிரி கூட சமாளித்து விடலாம் ..அனால் துரோகிகளை கருவருத்திட வேண்டும்