"தாது மணல் கொள்ளை " நூல் வெளியீட்டு நிகழ்வு

by **Tamil** Wed Apr 23, 2014 2:48 pm

"தாது மணல் கொள்ளை " நூல் வெளியீட்டு நிகழ்வு
======================================

கடந்த 19.04.2013 அன்று சென்னை பத்திரிக்கையாளர்
மன்றத்தில் நான் எழுதிய "தாது மணல் கொள்ளை "
நூல் வெளியீட்டு நிகழ்வு பூவுலகின் நண்பர்கள்
அமைப்பின் ஒருங்கிணைப்பில் நடைபெற்றது .
நிகழ்வு காலை 11.30 மணிக்கு தொடங்கி
மதியம் 1.15 மணி வரை நடைபெற்றது.
அரியானா மாநில முன்னாள் தலைமை செயலாளரும்,
அணுசக்திக்கு எதிரான மக்கள் இயக்கம் அமைத்த
நிபுணர் குழுவின் தலைவருமான எம்.ஜி.தேவசகாயம் இ.ஆ.ப.
(பணி நிறைவு ) அவர்கள் ''தாது மணல் கொள்ளை''
நூலை வெளியிட்டு உரையாற்றினார் .
திராவிடர் விடுதலைக் கழகம் அமைப்பின் தலைவரும்,
அணு உலை எதிர்ப்பு மக்கள் கூட்டமைப்பின் ஒருங்கிணைப்பாளரும், பல்வேறு சுற்றுசூழல்
பிரச்சினைகளை கையில் எடுத்து தொடர்ந்து போராடி வரும்
தோழர் . கொளத்தூர் மணி அவர்கள் சிறப்புரையாற்றினர் .
மே பதினேழு இயக்கத் தோழர் .உமர் ,
சேவ் தமிழ்ஸ் இயக்கத் தோழர் .வினோத்
ஆகியோர் நூலைப் பற்றி உரையாற்றினர்.
தாது மணல் கொள்ளை நூலை இடிந்தகரையை சேர்ந்த பெனிலா, வழக்கறிஞர் வெற்றிசெல்வன் ஆகியோர் பெற்றுக் கொண்டனர் .
இடிந்தகரை, கூத்தங்குளி, உவரி ஆகிய ஊரை சேர்ந்தவர்களும்,
முனைவர் ஆறு.அழகப்பன், திராவிடர் விடுதலைக் கழகம் சென்னைப் பொறுப்பாளர்தோழர் . தபசி.குமரன் உட்பட பல தோழர்களும்,பூவுலகின் நண்பர்கள் வழக்கறிஞர். சுந்தர்ராஜன், தோழர் .ஜார்ஜ், மாணவர் லட்சுமணன், மேகலா சண்முகம், சுற்றுசூழல் ஆர்வலர்கள் கார்த்தி உட்பட பலரும், புரட்சிகர தொழிலாளர் முன்னணி சீராளன், தமிழ்செழியன் உட்பட
பல தோழர்களும், தோழர் .தன்மானன்,தோழர் . பச்சைமால், பத்திரிக்கையாளர்கள் சாவித்திரி கண்ணன், கவிதா முரளிதரன், மகா தமிழ் பிரபாகரன், விஸ்வா, பாரதி, உட்பட பலரும் நிகழ்வில் பங்கேற்று சிறப்பித்தனர்.
"தாது மணல் கொள்ளை " நூலை ஐந்திணை பதிப்பகம் சார்பில் வெளியிட்ட தோழர். தமிழ்வேங்கை அவர்களும் பங்கேற்றார்.
நூல் வெளியீட்டு நிகழ்வை பூவுலகு இதழ் ஆசிரியர் தோழர். சீனிவாசன் அவர்கள் மிக சிறப்பாக ஒருங்கிணைத்தார் .
கடந்த செப்டம்பர்'2012 8 ஆம் தேதி சென்னையில் பூக்கடை காவல்நிலையத்தில் நிபந்தனைப் பிணையில் கையெழுத்து
இட்டு விட்டு; செப்டம்பர்'2012 9 ஆம் தேதி அணுஉலை முற்றுகைப் போராட்டத்தில் பங்கேற்ப்பதற்க்காக இடிந்தகரை
வந்த நான், இடிந்தகரை ஊர் சிறையில் இருந்து சுமார் 20 மாதம் கழித்து "தாது மணல் கொள்ளை " நூல் வெளியீட்டு நிகழ்வில் கலந்து கொண்டு ஏற்புரை நிகழ்த்தினேன் .
நூல் வெளியீட்டு நிகழ்வில் கலந்து கொண்டு விட்டு,
மீண்டும் இன்று இடிந்தகரை போராட்டக் களத்திற்கு
வந்துள்ளேன்.
============================================
இந்த நூல் சென்னையில் பூவுலகு, பனுவல், ஓலைசுவடி, தமிழம்மா ஆகியவற்றில் கிடைக்கும்.
தற்போது சென்னை ராயப்பேட்டை ஒய் எம் சி ஏ
வளாகத்தில் ஏப்ரல்-27 வரை நடைபெறும் புத்தக சங்கமத்தில்
பூவுலகின் நண்பர்கள் (எண்: 91) அரங்கில் கிடைக்கும்.
நூல் கிடைக்குமிடம் :
ஐந்திணை பதிப்பகம் (கா.தமிழ்வேங்கை )
முகம்மதியர் தெரு ,
மந்தக்கரை, விழுப்புரம் (அஞ்சல் )
அலைபேசி :9442170011, 7871357575.
நூலை மிக மிக சிறப்பாக வடிவமைத்தவர்.
தமிழ் அலை இசாக் அவர்கள் .
===================================