அ.தி.மு.க.வுக்கு ஆதரவாக வாக்கு சேகரிப்பது ஏன்?: சீமான்..

by **மாலதி** Wed Apr 16, 2014 9:32 am

கோவை, ஏப். 15–

கோவை ராஜ வீதி தேர்நிலை திடலில் நாம் தமிழர் நாடாளுமன்ற தேர்தலும் நமது நிலைப்பாடும் என்ற தலைப்பில் நாம் தமிழர் கட்சி மாநில ஒருங்கிணைப்பாளர் சீமான் பேசினார். அப்போது அவர் கூறியதாவது:–

பாரதீய ஜனதா கட்சி மதவாத கட்சி இல்லை என்று விஜயகாந்த் சொல்கிறார். பா.ஜனதா கட்சி ஏன் மதவாத கட்சி இல்லை என்றால் அது அப்துல்கலாமை ஜனாதிபதிபதியாக்கியதாம். அப்துல்கலாமை ஜனாதிபதியாக்கியது பா.ஜனதா கிடையாது.

குஜராத் கலவரம் சர்வதேச அளவில் இந்தியாவுக்கு பெரும் தலைகுனிவை ஏற்படுத்தியது. அதை நிவர்த்தி செய்யத் தான் ராம்விலாஸ் பஸ்வானும், சந்திரபாபு நாயுடுவும் சேர்ந்து அப்துல்கலாமை ஜனாதிபதியாக்கினார்கள்.

இலங்கை நம் நட்பு நாடு என்று சொல்கிறது பாரதீய ஜனதா. இலங்கை நம் நட்பு நாடு. ராஜபக்சே நமது நண்பர் என்கிறது காங்கிரஸ் கட்சி. இலங்கை பகை நாடு என்று அறிவிக்க வேண்டும் என்கிறார் அ.தி.மு.க. பொதுச்செயலாளர் ஜெயலலிதா.

ராஜபக்சே ஒரு போர் குற்றவாளி. அவரையும் அவருடைய சகாக்களையும் பன்னாட்டு நீதிமன்றத்தில் நிறுத்தி உரிய தண்டனை வாங்கி தர வேண்டும் என்று கூறுகிறார் ஜெயலலிதா. கச்சத்தீவு கொடுத்தது கொடுத்தது தான் என்கின்றன இரண்டு தேசிய கட்சிகளும். அதை எடுத்தால் என் இன மீனவ மக்களுக்கு வாழ்வாதாரத்தை பாதுகாக்க முடியும் என்று உறுதியாக நினைப்பவர் அம்மையார் ஜெயலலிதா.

இலங்கையில் ஒரு அரசை அமைக்க மறுக்கிறது இலங்கை அரசு. அதற்கு நெருக்கடி கொடுக்கும் வகையில் இலங்கை மீது பொருளாதார தடை விதிக்க வேண்டும் என்று நட்புறவை துண்டிக்க வேண்டும் என்று அழுத்தம் கொடுத்து தீர்மானம் நிறைவேற்றி இருப்பவர் அம்மையார் ஜெயலலிதா. இதையெல்லாம் மனதில் கொண்டு நீங்கள் வாக்களிக்க வேண்டும்.

முள்ளி வாய்க்கால் முற்றத்தை இடித்து விட்டார்களே. அவர்களை போய் சீமான் ஆதரிக்கலாமா? என்று கேட்கிறார்கள். முள்ளி வாய்க்கால் முற்றத்தை இடித்து விட்டார்கள். அதை எதிர்த்து நீதிமன்றத்தில் வழக்கு தொடர்ந்திருக்கிறோம். சத்தியமாக அதை திருப்பி கட்டி விடுவோம். அதில் எந்த மாற்றமும் இல்லை.

அழிவின் விளிம்பில் இருக்கிற தமிழ் சமுதாயத்துக்கு ஒரே தீர்வு தனி ஈழ சோசலிச குடியரசு. இலங்கை ஒரு நாடு அல்ல. அங்கு தமிழர்களும், சிங்களர்களும் வாழ்கிறார்கள். அவர்கள் இணைந்து வாழ்வதற்கு வாய்ப்பே இல்லை. எனவே அங்கு பொது வாக்கெடுப்பு நடத்த வேண்டும். இலங்கையும், ஈழமும் பிரிய ஒரே வழி பொது வாக்கெடுப்பு தான் என்று தீர்மானம் நிறைவேற்றிய இந்தியாவின் ஒரே தலைவர் ஜெயலலிதா தான்.

அ.தி.மு.க. தேர்தல் அறிக்கையில் தான் இலங்கையில் நடந்தது திட்டமிட்ட இனப்படுகொலை என்றும் அதற்கு ஒரே தீர்வு தனி ஈழம் தான். இந்த நிலைப்பாட்டை ஏற்கிறோம். அதனால் இரட்டை இலைக்கு வாக்கு கேட்கிறோம்.

ராஜீவ்காந்தி படுகொலையில் குற்றம் சாட்டப்பட்டவர்களின் தூக்கு தண்டனையை நிறுத்தியவர் இந்த மாநில முதல்–அமைச்சர் ஜெயலலிதா. தமிழகத்தில் உள்ள இலங்கை தமிழர் சிறப்பு முகாம்களை மூட வேண்டும் என்று கேட்டுக் கொள்கிறேன். இவற்றையெல்லாம் சாத்தியமாக்க ஒரே வழி இரட்டை இலைக்கு வாக்களிப்பது தான்.

தேசிய கட்சிகளான பாஜனதா, காங்கிரஸ், மற்றும் தி.மு.க, தே.மு.தி.க. ஆகிய கட்சிகளை எதிர்க்கும் வல்லமை பெற்ற ஒரே கட்சி அ.தி.மு.க. அதன் சார்பில் போட்டியிடும் வேட்பாளர்களுக்கு இரட்டை இலை சின்னத்தில் வாக்களிக்க வேண்டும் என்று கேட்டுக்கொள்கிறேன்.

இவ்வாறு சீமான் கூறினார்.

by **krishnaamma** Thu Apr 17, 2014 7:52 am

பொருத்துஇருந்து பார்போம்

அ.தி.மு.க.வுக்கு ஆதரவாக வாக்கு சேகரிப்பது ஏன்?: சீமான்..

அ.தி.மு.க.வுக்கு ஆதரவாக வாக்கு சேகரிப்பது ஏன்?: சீமான்..

Re: அ.தி.மு.க.வுக்கு ஆதரவாக வாக்கு சேகரிப்பது ஏன்?: சீமான்..