பெண்ணே! நீ வயதுக்கு வந்துவிட்டாயா?

பெண்ணே! நீ வயதுக்கு வந்துவிட்டாயா?

ஒரு பெண் குழந்தை, தனது முதல் மாதவிடாய் உண்டான நாளை,பூப்படைதல், puberty ,first period, எனக் கொண்டாடுவது பல நாடுகளிலும், முக்கியமாக தமிழர்களிடம் அதிகமாகவும் உள்ள வழக்கம் ஆகும்.இந்தக் கொண்டாட்டம், சில இடங்களில் கலாச்சாரமாகவும்,வேறு சில இடங்களில் மத சம்பந்தமான சமயச் சடங்காகவும் உள்ளது. இது பற்றி சில நாடுகளில் உள்ளதும்,அருகி வரும் வழக்கம் என்னவென்று பார்க்கலாம்.

கானா போன்ற ஆபிரிக்க நாடுகள் சிலவற்றில், Elima ceremony -First Period- எனக் கொண்டாடப்படுகிறது.அப்போது வயதில் கூடிய ஒரு பெண்,அந்த சிறுமியை வேறு இடத்திற்கு அழைத்துச் சென்று,அவர்கள் குலமரபு,மாதவிடாய்,கருத்தரித்தல்,திருமணம் பற்றியும்,ஆண்களுடன் பழகும் முறை,எச்சரிக்கையாக இருப்பது போன்றவற்றையும் விளக்கமாக சொல்லிக் கொடுப்பார். அதைத் தொடர்ந்து இரண்டு மாதங்கள் தொடர்ந்து ஆடல் பாடல் என விழாக்கோலம் களைகட்டும்.

வட அமெரிக்காவில்,Mascalero என்ற பெயரில் கொண்டாடப்படும் விழா வேறுவிதமாக இருக்கும்.கடந்த வருடம் பூப்பெய்திய அனைத்து பெண் குழந்தைகளும்(first blood of all girls) இணைந்து நான்கு நாள் விழாவாக கொண்டாடுவார்கள்.அப்போது தங்கள் குலப் பண்புகள்,கலாச்சாரம் பற்றியும்,64 விதமான கதைப் பாடல்களையும் பாடி கொண்டாடுவார்கள்.ஆடல் பாடல் மற்றும் அந்தப் பெண்களுக்கு பரிசுகளும் கொடுக்கப்படும்.
Apache இனத்தவர்களுக்கு இந்த Mascalero என்ற விழாக் கொண்டாட்டம் மிகவும் முக்கியமானதாக கருதப்பட்டது.ஆனாலும் 1911 அளவில் இந்தக் கொண்டாட்டங்களுக்கு அமெரிக்கா தடை விதித்தது.

Navajo குலத்தவர்கள்(அமெரிக்க இந்தியர்கள்) Kinaalda என்ற பெயரில் பருவமடைந்த பெண்களுக்காக -puberty-மதச் சடங்காக,நான்கு நாட்கள் இரவு பகலாக கொண்டாடினார்கள். Navajo பெண் கடவுளைக் கருத்தில் வைத்து, Kinaalda ceremony- girl became Changing Woman-கொண்டாடப்பட்டது. பிறப்பு,வளர்ச்சி,இறப்பு,மீள்பிறப்பு எனவும்,(new beginnig, growth, death and rebirth) நான்கு காலங்களையும் ,நான்கு தலைமுறை எனவும் கூறி,நான்கு நாட்கள் கொண்டாடப்பட்டது.காலையில் சூரிய உதயத்திற்கு முன்னர் எழ வேண்டும் என்பதையும்,உறவு முறை,ஆண்பெண் தொடர்புகள்,சமூக அமைப்பு போன்றவற்றையும் சொல்லிக் கொடுப்பார்கள்.

Urubu-Kaapor என்ற பிரேசீலிய இனத்தவர்கள்,கிராமத்தில் இருந்து விலக்கி,உண்ணாமல் விரதம் இருந்து,மற்றும் கல்வியில் பயிற்சியும் கொடுத்து,தனியாக பிரித்து வைப்பார்களாம். தலைமயிர் தோளுக்குக் கீழ் வரை வளர்ந்ததும்,அவர்கள் சமூகத்தில் உள்ளவர்களுடன் பழக அனுமதிப்பதும், அனுபவ அறிவைப் பெற்றதும்,திருமணம் செய்யவும் அனுமதிப்பார்கள்.

யூத இனத்தில் பெண்களுக்கு மட்டுமல்லாது சிறுவர்களுக்கும் இந்த சடங்கு உண்டு. சிறுமிகளின் 12 வது வயதில் பொதுவாக வரும் இந்த விழா, bat mitzvah -daughter of the commandment-என அழைக்கப்படுகிறது. Bar Mitzvah என்பது சிறுவர்களுக்கான பருவம் அடைந்த விழாவாகும்.(Bat-daughter, Bar-son)

இஸ்லாமியர்களிடம் இந்த வழக்கம் காணப்படவில்லையானாலும்,மாதவிடாய் காலங்களில் -keep away from women during menses-பள்ளிவாசலுக்கு செல்ல,வழிபாடு செய்ய,நோன்பு கடைப்பிடிக்கவும் அனுமதிப்பதில்லை.

இங்கிலாந்தின் சில பகுதிகளில் முன்னர் இருந்த வழக்கப்படி,இப்படிப் பருவமடைந்தவர்கள்,
தனித்திருக்க விடப்பட்டதும்,நிலத்தை மிதிக்கக் கூடாது எனவும்,சூரியனைப் பார்க்க கூடாது எனவும் கட்டாயப்படுத்தப்பட்டார்கள்.இது அப்போதய ஸ்கொத்லாந்து மத வழக்கமாக இருந்து வந்தது.

ஆபிரிக்க சுலு இனத்தவர்கள்,பெண் பருவமடைந்ததும் ,சூரிய அஸ்தமனம் வரை தலையை முற்றாக உடை,புல் போன்றவற்றால் மூடி வைத்திருந்து, சில நாட்கள் ஒரு சிறிய குடிலில் தங்க வைத்து, பின்னரே மற்றவர்களுடன் பழக அனுமதிப்பார்கள்.

New Ireland மற்றும் New Guinea போன்ற நாடுகளில் சில வருடங்கள் வரை,வெளியே வர அனுமதிக்காது, தனிமையில் வீட்டின் உள்ளே வைத்திருப்பார்கள்.

வங்காளத்து பிராமணர்கள் மற்றும் சில வகுப்பினர், ஆண்களை, இனத்தவர்களாக இருந்தாலும் பார்க்க அனுமதிப்பதில்லை.கேரளாவில் சில இடங்களில் பசுவைப் பார்க்க,வேறு ஆண்களைப் பார்க்க,மரங்களைத் தொடவும் அனுமதிப்பதில்லை.

வடமேல் அமேசன் நாடான துகுனாவில்,பருவமடைந்த பெண்ணிடம் அற்புத சக்தி இருப்பதாக கருதி, மூன்று மாதங்கள் வரை தனிமையில் விட்டு,அதன் பின்னர் விழாவாகக் கொண்டாடுவார்கள்.

Nootka (Canada) என்ற இனத்தவர்கள் பெண் பருவமடைந்ததும்,மிகப் பெரிய சமயச் சடங்காக கொண்டாடுவார்கள்.அதன் போது,அந்த சிறுமியை கடலில் நீண்ட தொலைவில் கொண்டு போய் விட்டு விடுவார்கள்.அவள் தானாக திரும்பி வர வேண்டும்.அவள் வருவதை முழுக் கிராமத்தவர்களும் பார்த்துக் காத்திருப்பார்கள்.அவள் வந்ததும் அவளை பெண்ணாக ஏற்றுக் கொள்வார்கள்.

மேற்கு ஆபிரிக்க Dagara இனத்தவர்கள்,எல்லா பருவமடைந்த சிறுமிகளுக்காகவும் ஒரு பெரிய கொண்டாட்டமாக கொண்டாடுவதுடன்,பாலியல்,உறவு முறை,பெண்களுக்கு ஏற்படும் உடற் தொல்லைகளில் இருந்து காக்கும் முறைகள் பற்றியும் எடுத்துக் கூறுவார்கள்.
வேறு சில நாடுகளில் இப்படியான கொண்டாட்டங்களை உடனடியாக கொண்டாடுவதற்குப் பதிலாக,15 வது வயதில் quinceañera -coming of age-என்ற பெயரில்கொண்டாடுகிறார்கள்.
ஸ்பானிய மொழியில்,quince-fifteen; años -year .

இப்படி பல நாடுகளிலும், சிறுமிகள் பருவமடைந்த நாளைக் கொண்டாடி வந்தாலும்,இவை தற்போது அருகி வருகிறது.தமிழர்களிடம் தற்போதும் இந்த முறை இருந்து வருகிறது.

நம் தமிழ் நாட்டு பெண்கள் ஆங்கிலத்தில் பேசுவதை பெருமையாக கௌரவமாக கருதுகிறார்கள். ஆண்கள் தமிழில் அதிகமாக பேசுவதையும்,பெண்கள்,என் தங்கை உட்பட, ஆங்கிலத்தில் பேசுவதையும்,இல்லையேல் ஆங்கிலம் கலந்து பேசுவதையும் காண முடிகிறது. இது கௌரவமா அல்லது தாழ்வு மனப்பான்மையா என்பது தெரியவில்லை.
இந்த ஆங்கில மோகம் நம்மிடம் இருந்துவரும் நிலையில்,இந்தக் கொண்டாட்டம் பற்றி ஒரு தமிழக மாணவி சொன்ன கருத்து …..............ஆங்கிலத்தில் தான்..........

//in olden days this was done to announce the world that there is a marriageable girl at their homes. No-touching was there for hygiene purpose and also was rest for the girl, as she would do major chunk of household work. //
//She announced it to the world that this happened. Yes, it was embarrassing for me, as my neighbors were my classmates, felt bad facing the boys group for sometime later. I was not allowed to enter the kitchen or touch many things in the house. Considered UN-touchable. In fact felt embarrassed when some guest came home, I can’t offer water to them, and had to tell them that I was having my periods, so help yourself and get me also water from my kitchen.
I kept quiet for some time, but more than that I couldn’t tolerate this. //

இப்படியான கொண்டாட்டங்கள் தேவையா என்பதை பெண்களே தீர்மானிக்கட்டும். அதே சமயம் இப்படி கொண்டாட்டங்களை வெறுக்கும் தற்காலப் பெண்கள்,அம்மாக்களாக வந்ததும், இதே கொண்டாட்டங்களை தங்கள் பிள்ளைகளுக்காக கொண்டாட பின் நிற்பதில்லை. இதை வெளி நாடுகளில் காண முடிகிறது.பெண்களும் விரும்பி இதை ஏற்றுக் கொள்கிறார்கள் என்பது என்னவோ உண்மைதான்.

அதுதான் கலாச்சாரம்