வைகோவை வெற்றிபெற வைக்க வேண்டியது தமிழர்களின் கடமை - யஷ்வந்த் சின்ஹா

by **அருள்** Mon Mar 17, 2014 7:26 am

மனித உரிமைகள் கருத்தரங்கில் நான் உரையாற்ற வேண்டும் என்று என் நண்பரும் அன்பு சகோதரருமான வைகோ அவர்கள் அழைத்த போது நான் ஒப்பு கொண்டேன் இந்த ஒரு நிகழ்ச்சிக்காக மட்டுமே இன்று சென்னை வந்தேன் ,மனித உரிமைகள் குறித்து எத்தனை அரசியல் கட்சிகளுக்கு புரிதல் இருக்கிறது என்று எனக்கு தெரியாது ஆனால் வைகோவிற்கு அதன் புரிதல் நன்றாகவே இருக்கிறது ,அதை பற்றி பேசும் தகுதியும் அவருக்கு இருக்கிறது

ஈழ தமிழர் பிரட்ச்சனையை நான் ஏதோ இன்று தான் பேசுகிறேன் என்று நினைக்க வேண்டாம் ,போர் நடந்த 2009 ஆம் ஆண்டும் பாராளுமன்றத்தில் இதை பற்றி பேசினேன் ,அப்போதும் வைகோ வின் பெயரை குறிப்பிட்டு தான் பேசினேன் ,இலங்கையில் நடைபெறும் போருக்கு ஐக்கிய முற்போக்கு கூட்டணிக்கு கூட்டு பங்கு இருக்கிறது என்று குறிப்பிட்டேன் ,அப்போது அவையில் இருந்த சோனியாவோ ,வெளியுறவு துறை அமைச்சரோ மறுக்கவில்லை விடுதலை புலிகளின் கடற்படையை இந்திய ராணுவம் தான் அழித்தது ,இது தான் புலிகளை பலவீன படுத்தியது ,நமது ராணுவம் யாருடைய உத்தரவில் இப்படி செய்தது ராஜபக்சேவின் உத்தரவில் இல்லை சோனியா வின் உத்தரவில்

ஒரு வலிமையான தலைமை இந்தியாவில் இல்லாத காரணத்தால் தான் இலங்கை போன்ற நாடுகள் நம்மை மதிப்பது இல்லை ,சமீபத்தில் மியான்மரில் ராஜபக்சேவை மன்மோகன் சிங் சந்தித்தார் ஆனால் ராணுவ ஆக்கிரமிப்பில் உள்ள தமிழர் பகுதிகளை மீட்பது ,தமிழக மீனவர் பிரட்ச்னை இவைகள் குறித்து என்ன உத்தரவாதம் பெற்று வந்தார் ?? , ராஜபக்சே சொல்லும் சாக்கு போக்குகளை நொண்டிவாத்தை போல கேட்டு கொண்டு வந்தார் ... இருவரும் கைகுலுக்கி கொண்டார்கள் அதில் எந்த கையில் ஈழ தமிழர்களின் ரத்தம் அதிகம் என்பது தான் என்னுடைய கேள்வி

இன்று மதியம் என் நண்பர் வைகோ அவர்கள் channel 4 வெளியிட்ட காட்சிகளை என்னிடம் காட்டினார் 10 வினாடிகளுக்கு மேல் என்னால் அதை பார்க்க முடியவில்லை ,இறந்தவர்களின் உடலை சிதைப்பது மிக கொடூரமான செயல் மிருகங்கள் கூட இப்படியான வக்கிரமான செயல்களை செய்யாது ,அங்கு நடந்தது இனப்படுகொலை என்பதற்கு வேறு சாட்சியங்களை தேவை இல்லை

இனப்படுகொலையில் ராஜபக்‌ஷேவிற்கு சமமான பங்கு ஐக்கிய முற்போர்க்கு கூட்டணிக்கு உண்டு அதில் தமிழத்தில் இருந்து அங்கம் வகித்தவர்களுக்கு உண்டு ,அப்போது அமைதியாக இருந்துவிட்டு இப்போது முதலைக்கண்ணீர் வடிப்பதால் எந்த பயனும் இல்லை

எங்கு இருந்தாலும் என் இனிய நண்பர் வைகோ வெற்றிபெற வேண்டும் என்று தான் நினைப்பேன் அவர் இப்போது எங்கள் கூட்டணியில் இருப்பது இரட்டிப்பு மகிழ்ச்சி ... நாடாளும் மன்றத்தில் வைகோவின் குரலை கேட்க ஆவலாக உள்ளேன் அவர் நாடாளுமன்றத்தில் இல்லாத குறையை பலமுறை உணர்ந்து உள்ளேன் அவரை வெற்றி பெற வைக்க வேண்டியது உங்களின் கடமை தமிழர்களின் கடமை .... வைகோ வெற்றி பெற்று நாடாளு மன்றம் வரவேண்டும் அவருக்கு உறுதுணையாக நான் இருப்பேன் இன்னும் சொல்லப்போனால் நாங்கள் இருவரும் இணைந்து தமிழர் உரிமைக்காக போராடுவோம்

இறந்த உடல்களை சிங்களவர்கள் சிதைத்தது எப்படி மனித தன்மையற்ற செயலோ அதற்கு சமமான செயல் இந்த தேர்தலில் நம் அண்ணன் தங்கைகளின் மரணத்திற்கு துணை போன காங்கிரசுக்கு ஓட்டு போடுவது.... இந்த நிலமை இன்னமும் மூன்று மாதத்திற்கு தான் அதற்கு பின்பு மத்தியில் ஒரு வலிமையான தலைமை அமையும் அப்போது பல மாற்றங்கள் நிகழும் தமிழர்களின் உரிமைகள் நிலைநாட்டப்படும்

எப்போதும் சென்னை என் நெஞ்சுக்கு நெருக்கமான இடமாக இருக்கிறது ... வைகோ போன்ற நண்பர்கள் அதை மேலும் நெருக்கமாக்குகிறார்கள்....