Sechs Pack உம் Body mass powder உம்.

Sechs Pack உம் Body mass powder உம்.

ப்ரொட்டீன் பவுடருடன்,body mass powder, பாலைக் கலந்து பாவிப்பதை, Protein milkshakes என்று சொல்கிறார்கள். 6 Pack வர வேண்டும் என்று நினைப்பவர்களை விட,வேறு சிலர் மிகவும் மெலிந்த உடலை உடையவர்கள், இந்த Bodymass powder ஐக் பாலில் கலந்து பாவிக்கிறார்கள். இது பற்றி ஒரு நண்பரின் கேள்வி,இன்று இந்தக் கட்டுரையாகியது.

எதை நாம் செய்தாலும் இயற்கைக்கு மாறாக செய்யும் போது பல எதிர்விளைவுகள் வரவே செய்கிறது. இந்தத் தளத்தில் இயற்கையாக ப்ரொட்டீன் உள்ள உணவுகள் பற்றி வந்திருந்தது. அப்படியான இயற்கை உணவுகள் எந்தத் தீங்கையும் தரமாட்டாது.

ஒருவருக்கு எப்படி நீர் அவசியமோ அப்படி Protein உம் அவசியம் தேவைப்படுகிறது.Sunlight ஐயும் Water ஐயும் வைத்து நான் பல ஆண்டுகளாக வாழ்கிறேன் என்று இணையத்தில் வேண்டுமானால் சொல்லிப் பெருமைப் படுத்திக் கொள்ளலாம். ஆனால் அது நடைமுறையில் சாத்தியமாகாது. உடலுக்குத் தேவையான எதுவும் கிடைக்காது போகும் போது, நமது உடல் தன் தேவையைப் பூர்த்தி செய்ய, உடலில் உள்ள கொழுப்பு,தசை போன்றவற்றில் இருந்து பெற்றுக் கொள்கிறது. அதன் பின்,சில நாட்கள்,வாரங்கள்,மாதங்கள்,அப்புறம் மெல்ல மறைவிடத்திற்குச் சென்று பூனை போல் உள்ளே தள்ளியாக வேண்டும்.

அதை விட்டு விட்டு இந்தப் ப்ரொட்டீன் பவுடருக்கு வந்தால், protein அளவுக்கு அதிகமாகும் போது பக்க விளைவுகளை எதிர்நோக்க வேண்டும் என்பது உண்மையே. Protein Powder பாவிப்பதால் உண்டாகும் மேலதிகமான கலோரிகள் எரிக்கப்பட,அதற்கேற்ற உடற்பயிற்சி வேண்டும். சாதாரண உடற்பயிற்சி நிலையங்களால் வரும் குறுகிய நேரப் பயிற்சி, இதற்குப் போதுமானதல்ல.

மேலதிக புரொட்டின், sulphates ,phosphates காரணமாக, அதிக அளவில் அமிலத்தை உருவாக்கி விடுகிறது.அதை சரிசெய்ய சிறுனீரகம் முயற்சித்தாலும்,முடியாத நிலையில் கல்சிய இழப்பு காரணமாக, osteoporosis என்ற எலும்பு நோய், சிறுநீரக பிரச்சனைகள்,எலும்பு பலவீனம், மற்றும் அஜீரணத்தையும் ஏற்படுத்தி விடுகிறது. சிறுநீரகம் ketones,ketosis களை சமனிலைப்படுத்தும் இந்த செயற்பாட்டினால் பாதிப்படைகிறது. அத்துடன் மேலதிக புரொட்டின் களால் immune system த்தைப் பாதிப்பதுடன்,அறுவை சிகிச்சை,காயங்கள் போன்றவை குணமடைய அதிக காலம் எடுக்கலாம். carbohydrates போல் ப்ரொட்டீங்கள் உடலில் சேமிக்கபடாது வீணாக வேளியேறி விடும். இன்னும் சொல்லப்போனால் வெளியேறும் ப்ரொட்டீன்,கால்சியம் சிறுநீரகத்திற்கு சென்று,அங்கிருந்து சிறுநீருடன் வெளியேறுகிறது. அப்படி நிகழும் போது, அந்த கால்சியத்தால், சிறுநீரக கற்கள் உருவாக முடியும்.

ப்ரொட்டின் பவுடர் எடுப்பவர்கள் அவர்களின் வயது ,உடல் எடை, செய்யும் வேலை உடற்பயிற்சி இவற்றைக் கருத்தில் கொண்டு, எடுக்கும் அளவை தீர்மானிக்க வேண்டும். ஒரு சுகதேகி ஒரு கிலோ உடல் எடைக்கு 0.75 g புரொட்டின் எடுக்கலாம்.இதன் அளவு ,(உடற்பயிற்சி எடுப்பவர்கள்,உடற்தசைகளை அதிகரிக்க விரும்புவோர்) 0.9 g ற்கு மேல் போகக் கூடாது என்பதைக் கவனத்தில் கொள்ள வேண்டும். எடுக்கும் அளவிற்கு ஏற்ப உடல் பயிற்சி, வேலைகள் செய்யப்பட்டு கலோரிகள் எரிக்கப்படுமானால், பக்க விளைவுகள் ஏற்படாது தடுக்கலாம்.புரொட்டின் பவுடர் பாவிப்பவர்கள், அதிகம் பழங்கள் மரக்கறி வகைகளை சேர்த்துக் கொள்ள வேண்டும்.

அடுத்து தேவையற்ற பாதிப்பைத் தரக்கூடிய contaminants /toxins தசைகளை அதிகப்படுத்த இதில் கலக்கப்பட்டுள்ளது.இது இந்தியாவைப் பொறுத்தளவில்,நோய் தீர்க்கும் மருந்துகளையே அரசு கண்காணிக்காத போது,இவற்றைக் கண்காணிப்பார்களா?

ஆனாலும் இவற்றை விட நாளாந்த உணவில் அதிக அளவு புரொட்டிங்களை சேர்த்துக் கொண்டால் போதுமானதாகும். ஓமக்குச்சியாக இருந்தால் பிரச்சனை கிடையாது. நோயற்ற வாழ்வே முக்கியம்.

எதையும் அளவுக்கு மீறினால் நஞ்சு ஆகிடும்