படிக்க முடியாத கடிதம்.invisible ink

படிக்க முடியாத கடிதம்.invisible ink

நாம் சில சமயம் சில செய்திகளை நமக்கு வேண்டியவருக்கு எழுதுவோம்.அந்தச் செய்தியை மற்றவர்கள் படிக்கக் கூடாது என்று நினைப்போம்.உதாரணமாக காதல் கடிதம்,பிள்ளைகளுக்கு தெரியக் கூடாது என்று பெற்றோர் (கணவன் மனைவி) எழுதும் கடிதம்...இப்படி ஏதாவது. இதற்காக invisible ink வெவ்வேறு நிறங்களில் கிடைக்கின்றன.இதன் மூலம் எழுதினால் மை காய்ந்ததும், நாம் எழுத்துக்களை அழுத்தி எழுதினால் தவிர, படிக்க முடியாது. எழுதியவற்றைப் படிக்க சிறிது சூடாக்கினால், எழுத்துக்கள் தெரிய ஆரம்பிக்கும்.

இது தவிர சிலர் இரண்டு வெவ்வேறு மைகளைப் பாவிக்கிறார்கள். ஒன்றை எழுதுபவர் பாவித்து எழுதுவார். மறு பக்கத்தில் உள்ளவர் இரண்டாவது மையை அதன் மேல் தடவினால் எழுத்துக்கள் தெரிய ஆரம்பிக்கும். ஒரு மையினால் எழுதியதை மட்டும் வைத்துப் படிக்க முடியாது. இரண்டு மைகளுக்கும் இடையே வேதியியல் மாற்றம் (இரசாயணத் தாக்கம்-chemical reaction) ஏற்பட்டு தெரிய ஆரம்பிக்கிறது.

பொழுதுபோக்குப் பூங்காக்கள்(amusement parks ) சிலவற்றில் வேறொரு முறை பாவிக்கப்படுகிறது. உள்ளே போகும் போது கையில் கண்ணுக்குத் தெரியாத அடையாளத்தை, மை ஒன்றினால் இடுவார்கள்.நம்மால் அந்த அடையாளத்தைப் பார்க்க முடியாது. திரும்பிப் வரும் போது மின் ஒளியில் நம் கைகளை வைத்தால் அந்த அடையாளம் கண்களுக்குத் தென்படும். இது இலவச அனுமதிக்காக பாவிக்கப்படுகிறது.

இப்படியான invisible ink முறையை நாம் பள்ளிகளில் எலுமிச்சை சாறைப், lemon juice,பாவித்து எழுதி இருப்போம்.அது தவிர clear soda,  apple juice, onion juice, milk, soapy water, sugar water,  vinegar இப்படிப் பலவற்றைப் பாவித்தும் எழுத முடியும்.

இதைவிட சொல்லக் கூடாத ஒரு முறையும் உண்டு. அதாவது படிக்காமல் பள்ளிகள், கல்லூரிகளுக்கு பரீட்சையின் போது, பிட் -bit- கொண்டு போகும் திறமைசாலிகள்,ஒரு தாளில் வேண்டிய அனைத்தையும் எழுதி,சாதாரண தாள் போல் கொண்டு சென்று எழுத முடியும்.யாராலும் எழுதியவற்றைக் கண்டு கொள்ள முடியாது. கட்டைவிரலை எழுத்தின் மேல் அழுத்துவதன் மூலம் படிக்கலாம். ஒருமுறை படித்து விட்டாலோ மீண்டும் அதைப் படிக்க முடியாது.இரசாயண மாற்றம் காரணமாக (colored - colorless)  எழுத்துக்கள் மறைந்து விடும்.

வெற்றுத்தாளைக் கொண்டு செல்ல அனுமதிப்பார்களா?

உண்மைதான்