கோதபயா கொழும்பில் இருந்து டெல்லிக்கு பறந்த மர்ம என்ன?

by **mmani** Fri Mar 07, 2014 12:44 pm

கோதபயா கொழும்பில் இருந்து டெல்லிக்கு பறந்த மர்ம என்ன?
***************************************************
மு.வே.யோகேஸ்வரன்
*********************************

கோதபயா கொழும்பில் இருந்து டெல்லிக்கு பறந்த மர்ம என்ன? 1797591_673159839406929_1925688142_n

இறுதிவரை கோத்தபயாவின் டெல்லி வருகை மிக இரகசியமாக வைக்கப் பட்டது ஏன்? இந்தியா -இலங்கை- மாலைதீவு நாடுகளின் பாதுகாப்பு அம்சம் பற்றிய பேச்சு வார்த்தைக்கு கோதா வந்தார் என்பது உண்மை என்றாலும் ,இந்த வேளையில்,அவரின் வருகை கடைசிவரை மிக இரகசியமாக வைக்கப்பட்டது ஏன்?
அது மட்டுமன்றி,இந்தியப் பாதுகாப்பு ஆலோசகருடன்(சிவசங்கர் மேனன்) மிக அந்தரங்கமாக பலமணி நேரம் அவர் என்ன பேசினார்? ஐ.நா.வில் இலங்கைக்கு சாதகமாக வாக்களிக்கும் படி கேட்டுக் கொண்டார் என்று சில ஊடகங்கள் தெரிவிக்கின்றன.அதற்கு ஏன் நீண்ட நேரம் தனிமையில் ?
இலங்கை ராணுவ அதிகாரிகளுக்கு தொடர்ந்து பயிற்சி அளிக்க இநதியா ஒப்புக் கொண்டுள்ளதாம்.அதாவது,இன்னும் இரண்டு மாதங்களில் உயிரைத் துறக்கவிருக்கும் காங்கிரஸ் அரசு அதை எப்படி கோதபயாவிடம் உறுதிப் படுத்த முடியும்?
ஆனால், இவற்றுக்கும் மேலாக இந்திய நாடாளுமன்ற தேர்தல்மிக விரைவில் நடக்கவுள்ள சூழ்நிலையில், கச்சதீவுக்கு அண்மையில் இலங்கைப் படைகள் அடிக்கடி தமிழ் நாட்டு மீனவர்களை கைது செய்து கொண்டு செல்வது ஏன்? ஒருபாதுகாப்பு அமைச்சின் செயலாளர் நினைத்தால் கடலில் மீனவர்களை இலங்கைப் படை கைது செய்வதை நிறுத்த முடியாதா என்ன?
ஆனால்,அதுபற்றி இந்தியப் பாதுகாப்பு ஆலோசகரோ,அல்லது இலங்கைப் பாதுகாப்பு அமைச்சின் செயலாளரோ பேசியதாகத் தெரியவில்லை.அப்படிஎன்றால் மீனவர்கள் கைது நடவடிக்கையில் இந்தியாவும் சேர்ந்து இலங்கையுடன் சடுகுடு விளையாடுகிறதா? அல்லது அது முக்கியத்துவம் வாய்ந்ததல்ல என்று நினைக்கிறதா? கோத்தபாயாவின் திடீர் வருகையில்
அவிழ்க்கப் படாத முடிச்சுகள் பலவுண்டு....அதுமட்டும் நிச்சயம்.சுயாதீன விசாரணை வேண்டும் என்று கிளிப் பிள்ளைபோல் அமெரிக்கா ஐ.நா. மனித உரிமை அமைப்பில் வருடா வருடம் தீர்மானம் கொண்டுவந்தால், அதை இந்தியா ஆதரித்தாலும் ஒன்றுதான்..ஆதரிக்காவிட்டாலும் ஒன்றுதான் அங்கே புடுங்க என்னவுண்டு? அல்லது விதைக்கத்தான் என்ன உண்டு?
இதற்கிடையில் இந்திய நீர் மூழ்கி கப்பல்கள் அடிக்கடி மும்பையில்
நாசவேலை மூலம் சேதமாக்கப் பட்ட சம்பவங்களில் சீனாவின் கைகள்
இருக்கலாம் என்பதையும் யாராலும் மறுக்க முடியாது.இலங்கையில் சீனாவுக்கான ஓர் சொந்த துறைமுகத்தை சிங்கள அரசு கொடுத்திருக்கிறதே?
கோத்தபயாவின் வருகையில் அது சம்பந்தப் பட்ட பேச்சு வார்த்தையும் இடம் பெற்றிருக்க கூடும்!