மார்ச் 7: விவியன் ரிச்சர்ட்ஸ் பிறந்த தின சிறப்பு பகிர்வு

by **mmani** Fri Mar 07, 2014 12:42 pm

மார்ச் 7: விவியன் ரிச்சர்ட்ஸ் பிறந்த தின சிறப்பு பகிர்வு
[You must be registered and logged in to see this image.]
விவியன் ரிச்சர்ட்ஸ் எனும் அசுரன் பிறந்த தினம் இன்று. அதிரடி ஆட்டத்துக்கு இலக்கணம் என்னவோ அதன் வரையறைக்குள் கச்சிதமாக பொருந்துபவர் இவர் . இளம் வயதில் இவரின் ஆட்டம் இவர் நாட்டில் எண்ணற்ற ரசிகர்களை பெற்று தந்திருந்தது . ஒரு போட்டியில் பந்து மட்டையில் படாமலே கேட்ச் என அம்பயர் அறிவித்து விட இவர் தான் அவுட் இல்லை என்பதை உணர்த்தும் வகையில் நிற்க ,"நோ விவ் ,நோ மேட்ச் "என கத்திவிட்டார்கள் ரசிகர்கள் .

அவுட்டை மீண்டும் திரும்பப்பெற்றாலும் இவரை இரண்டாண்டுகளுக்கு ஆட விடாமல் தடை விதித்து விட்டார்கள் . முதல் இரண்டு உலககோப்பையை மேற்கிந்திய தீவுகள் வெல்வதற்கு இவர் முக்கிய காரணம் . எல்லா பேட்ஸ்மனும் பின்னங்காலில் ஆடும் பொழுது கிரீசை விட்டு வெளியே வந்து பந்துகளை துவம்சம் செய்யும் இவரின் ஸ்டைல் வெகு பிரசித்தம் . பபிள் கம் மென்று கொண்டு பாய்ந்து வந்து மிரட்டும் வேகப்பந்துகளை சிக்சருக்கு விரட்டும் அவரின் அசட்டையான ஆட்டம் தனிக்கவிதை .

சுழற்பந்து வீச்சையும் மனிதர் துவம்சம் செய்திருக்கிறார் ;இந்தியாவுடன் நடந்த டெஸ்ட் தொடரில் அவரின் ஸ்கோர்களை பாருங்கள் 142, 130, 20 , 177, 23 மற்றும் 64. ஒரு நாள் போட்டிகளில் இவரின் ஸ்ட்ரைக் ரேட் 90.20 ;இவரின் அதிகபட்ச ஒருநாள் ஸ்கோர் 189 !(170 பந்துகளில் ,1984 இல் ).

இந்தியா உலககோப்பையை தூக்க 1983 இல் பெருந்தடையாக இவர் தான் இருந்தார் ;33 ரன்கள் அடித்த மனிதர் அதில் ஏழு பவுண்டரிகளை விளாசி இருந்தார், யார் போட்டாலும் அடித்துக்கொண்டிருந்தார் மனிதர். மதன்லால் பந்தை கபில்தேவிடம் இருந்து பிடுங்கி பந்தை வீசினார் . " ரிச்சர்ட்ஸ் தூக்கி அடித்தார் ; அது மோசமான பந்து ! விட்டு விடு கபில் !" என எவ்வளவோ மதன்லால் கத்தியும் கபில் பின்பக்கம்பந்தை பார்த்தவாறே ஓடிக்கொண்டே மற்ற பீல்டர்களை
நகரச்சொல்லி கத்திக்கொண்டே பந்தை 20 யார்ட் தூரம் பின்பக்கமாக ஓடி கேட்சை பிடித்தார் . உலகக்கோப்பை நம் வசமானது ;தன் காலத்தின் மாபெரும் சிம்மசொப்பனமான ரிச்சர்ட்சுக்கு சொல்வோம் ஹாப்பி பர்த்டே !

-பூ.கொ.சரவணன்