தமிழ் நாட்டில் என்னதான் நடக்கிறது?

by **sakthy** Tue Mar 04, 2014 10:09 pm

தமிழ் நாட்டில் என்னதான் நடக்கிறது?

பல நாடுகளில் திரில்,திரில் என பல சம்பவங்கள் நினைக்காமலேயே நடந்து விடும்.
உக்ரைனில் ரஷ்ய துருப்புகளின் திடீர் பிரவேசம். சிரியாவில் தன்னை கதனாயகனாக்கிய பூட்டின்,உக்ரைனிலும் கைவரிசையைக் காட்டி கதானாயகனாக காட்ட முயற்சிக்கிறார். ரஷ்ய படைகளை உக்ரேனியப் படைகள் எதிர்த்து நிற்குமா இல்லை மேலை நாடுகளின் உதவி கிடைக்குமா,இது தினமும் உலகத்தை கேள்வி கேட்ட நிலையில், நம் தமிழ் நாட்டின் நிலை இன்னமும் மோசமாக இருக்கிறதாம்.

தி.மு.க கூட்டணியில் இழுபறி. இன்னுமொரு கட்சியை சேர்த்துவிடலாம் என்ற கருனானிதியின் சாணக்கியம் கேள்விக்குறியாகி இருக்கிறது. விஜயகாந்தை நம்பி இருந்தவர், காங்கிரசுடன் சேருவாரா? தனக்குத் தானே சூனியம் வைத்து விட்ட தாத்தாவின் அரசியல் இப்படி முடியுமா?

ராகுல் தமிழ் நாட்டில் பாதயாத்திரையைக் கைவிட்ட நிலையில், சிதம்பரம் தான் கலந்து கொள்ள விரும்பிய சில கூட்டங்களை ரத்துச் செய்து விட்டு,வீட்டில் முடங்கி உள்ளாராம். பண்ணை வீட்டில் வெடிகுண்டு பயமுறுத்தல், அவரை நிலைகுலைய வைத்துள்ளது.
இதற்கிடையில் வீரலெட்சுமியை விடுதலை செய்யக் கூடாது என்று போராட்டம் செய்து வருகிறார்கள் காங்கிரசார். அதே சமயம் உதவிக்கு வந்த வீரலெட்சுமியை பார்க்க செல்லாத,விசாரிக்கவும் செய்யாத தமிழ் அமைப்புகள். எல்லாம் அரசியல்தானா என்று கேட்க வைக்கிறது.

மூன்று பிரதமர்கள் என கருத்துக் கணிப்பு நடத்து வரும் நிலையில்,நான்காவது பிரதமர் வேட்பாளர் வெற்றிபெற பூசைகள் நடைபெறுகிறது. திரினாமுல் காங்கிரஸ் தமிழ் நாட்டில் போட்டியிடப் போவதாகவும்,மம்த பனர்ஜி பிரதமராக வர வேண்டும் என்ற பூசைகள் தான் அவை.
தமிழ் நாட்டில் ஜெனீவா பிரேரணை பற்றி பலரும் பேசிக் கொண்டிருக்க, கவலை வேண்டாம் நாம் இருக்கப் பயம் ஏன், என்று மன்மோஹன் சிங்க் ராஜபக்சேயின் முதுகில் தட்டிக் கொடுத்தாராம். அதன் பின் ராஜபக்சே கூறியது, ஜெனீவாத் தீர்மானத்தை சந்திக்கத் தயார்.

உண்மைதான், ஜெனீவாவில் பிரேரணை புஸ்வாணமாகி விட்டது. அதில் சேர்க்கப்பட்ட அனைத்தும் இலங்கைக்கு சாதகமாக இருப்பதாக ஆய்வாளர்கள் சொல்கிறார்கள்.முதல் நகலே இப்படி என்றால்,வாக்கெடுப்பின் போது,இலங்கையை பாராட்டும் தீர்மானமாகி விடுமா என்ற கவலையுடன் உலகத் தமிழர்கள் இருக்கவே செய்கிறார்கள். சுயநலத்திற்காக இந்த உலகம் எப்படி எல்லாம் தன்னை வினாடிக்கு வினாடி மாற்றிக் கொள்கிறது. நாக்கை எந்தப் பக்கம் வேண்டுமானாலும் திருப்பிக் கொள்ளலாம் என்கிறார்களா?இல்லை நமக்கு நாக்கே இல்லை என்கிறார்களா?

இலங்கையில் நீதிமன்றமே பள்ளிவாசல் கோவிலை இடிக்க உத்தரவு பிறப்பித்துள்ளது. போரின் போது மனித உரிமை மீறல் நடக்கவில்லை,யாரும் கொல்லப்படவில்லை என்கிறது. இது போல், தமிழ் நாட்டிலும்,7 பேரின் விடுதலையை நீதி மன்றமே மாற்றி விடுமா?மீண்டும் தூக்குத் தண்டனையாக மாற்றி விடுமா? நீதிக்கு கண் இருக்கிறது என்று பல வழக்குகளில் கண்டு விட்டோமே! மனிதர்கள் இல்லாத நம் நாட்டில், எதுவும் இங்கு நடக்கலாம்.