நடமாடும் மலிவுவிலை காய்கறி கடைகள் சென்னையில் அறிமுகமானது: பெண்கள் ஆர்வத்துடன் வாங்கினர்.

by **ஜனனி** Tue Feb 25, 2014 3:27 pm

சென்னை, பிப். 25–
சென்னையில் பண்ணை பசுமை காய்கறி கடைகள் கடந்த ஆண்டு ஜூன் மாதம் முதல்–அமைச்சர் ஜெயலலிதா தொடங்கி வைத்தார்.
ஏழை, எளிய மக்கள் குறைந்த விலையில் பசுமையான காய்கறிகளை வாங்கி பயன்பெற வேண்டும் என்பதற்காக விவசாயிகளிடம் இருந்து நேரடியாக கூட்டுறவுத்துறை கொள்முதல் செய்து விற்பனை செய்கிறது.
இந்த திட்டத்திற்கு பொதுமக்கள் மத்தியில் அமோக வரவேற்பு கிடைத்தது. தொடக்கத்தில் 30 மலிவு விலை கடைகள் தொடங்கப்பட்டாலும் பின்னர் பொதுமக்கள் வசதிக்காக படிப்படியாக கடைகளின் எண்ணிக்கை அதிகப்படுத்தப்பட்டன.
தற்போது சென்னை நகரம் முழுவதும் 40 இடங்களில் மலிவு விலை காய்கறி கடைகள் இயங்கி வருகின்றன.
மேலும், பொதுமக்கள் இருக்கும் பகுதிக்கே காய்கறிகளை கொண்டு சென்று விற்கும் வகையில் நடமாடும் காய்கறி கடைகளும் திறக்கப்படும் என முதல்–அமைச்சர் ஏற்கனவே அறிவித்து இருந்தார்.
அதன்படி 2 நடமாடும் காய்கறி கடைகளை முதல்– அமைச்சர் நேற்று தொடங்கி வைத்தார். 2 புதிய வேன்களில் அனைத்து காய்கறிகளும் தட்டிப் வைக்கப்பட்டு பொதுமக்கள் வசிக்கும் பகுதிகளுக்கு நடமாடும் வாகனம் சென்று வருகிறது.
ராயப்பேட்டை பகுதியில் உள்ள பீட்டர்ஸ் காலனி, அனுராதா குடியிருப்பு, பி.எஸ்.என்.எல்., ரெயில்வே, ரிசர்வ் வங்கி குடியிருப்புகளுக்கு சென்றது.
அங்குள்ள பெண்கள் ஆர்வத்துடன் காய்கறிகள் வாங்கி சென்றனர். காய்கறி வாங்க மார்க்கெட்டிற்கோ, சூப்பர் மார்க்கெட்டிற்கோ செல்லத் தேவையில்லை.
மக்கள் வசிக்கும் இடத்திற்கே நடமாடும் பசுமை காய்கறி கடை வருவதால் பெண்கள் மகிழ்ச்சியுடன் குறைந்த விலையில் வாங்கிச் சென்றனர்.
மற்றொரு நடமாடும் காய்கறி கடை வடபழனி, விருகம்பாக்கம், வேளச்சேரி பகுதியில் வலம் வந்தது. இன்று வந்த இடத்துக்கு நாளை மறுநாள் நடமாடும் காய்கறி கடை மீண்டும் வரும் வகையில் திட்டமிடப்பட்டுள்ளது.
ஒருநாள் விட்டு ஒருநாள் காய்கறிகள் கிடைக்கும் வகையில் ஏற்பாடு செய்யப்பட்டுள்ளது.
டி.யு.சி.எஸ். நிர்வாக இயக்குனர் பாலமுருகன், நடமாடும் காய்கறி கடை விற்பனையை பார்வையிட்டார். காய்கறிகளை தேர்வு செய்து எடுக்கும் வகையில் வசதியாக உள்ளது.
குறுகிய தெருக்களில் இந்த வாகனம் செல்ல இயலாது. அதனால், அகலமான வீதிகளில் நடமாடும் காய்கறி கடை சென்று வருகிறது.
இதேபோல நடமாடும் ரேசன் கடையையும் முதல்–அமைச்சர் ஜெயலலிதா தொடங்கி வைத்தார். ரேசன் பொருட்கள் வாங்க ரேசன் கடைகளுக்கு செல்ல முடியாதவர்கள் தூரம் அதிகம் உள்ளவர்களுக்காக நடமாடும் ரேசன் கடை வீடுகளை தேடி வருகிறது.
முக்கிய தெருக்களின் முன்பகுதியில் நடமாடும் ரேசன் கடை வாகனம் வந்து நிற்கும். அந்த தெருக்களை சேர்ந்த மக்கள் ரேசன் பொருட்களை வாங்கி செல்லலாம். பொருட்கள் வாங்கும்போது அதற்குரிய ‘பில்’லும் வழங்கப்படுகிறது.
காலை 9 மணி முதல் மாலை 6 மணி வரை ரேசன் பொருட்கள் விற்பனை செய்யப்படுகிறது. திருவான்மியூர் மற்றும் அண்ணாநகர் பகுதியில் நடமாடும் ரேசன் கடை இன்று முதல்முதலாக செயல்பட்டது.
மக்கள் எளிதாக பொருட்களை வாங்கி சென்றனர். நடமாடும் கடையில் வாங்காதவர்கள் ரேசன் கடையில் சென்று வாங்கலாம். இந்த பணியில் 2 பணியாளர்கள் இருப்பார்கள். இந்த வாகனம் எங்கு நிற்கிறது என்பதை ஜி.பி.எஸ். கருவி கூட்டுறவு துறை உயர் அதிகாரிகள் கண்காணிப்பார்கள்.
சென்னையில் ஒரேநாளில் நடமாடும் காய்கறிக்கடை மற்றும் ரேசன் கடை பொதுமக்கள் வசதிக்காக அறிமுகம் செய்யப்பட்டுள்ளது.

by **krishnaamma** Wed Feb 26, 2014 7:47 am

மக்களுக்கு பயன்தருமா ? பொருத்து இருந்துதான் பார்க்கணும்

நடமாடும் மலிவுவிலை காய்கறி கடைகள் சென்னையில் அறிமுகமானது: பெண்கள் ஆர்வத்துடன் வாங்கினர்.

நடமாடும் மலிவுவிலை காய்கறி கடைகள் சென்னையில் அறிமுகமானது: பெண்கள் ஆர்வத்துடன் வாங்கினர்.

Re: நடமாடும் மலிவுவிலை காய்கறி கடைகள் சென்னையில் அறிமுகமானது: பெண்கள் ஆர்வத்துடன் வாங்கினர்.