இந்திய ஊடகங்களின் பொய் பிரச்சாரம்

by **mmani** Thu Feb 20, 2014 7:31 pm

* ராஜீவ் கொலையாளிகள் என்றே சொல்கிறார்கள்.
- இவர்கள் கொலையாளிகள் அல்ல. கொலையாளிகளுக்கு மறைமுகமாக உதவியுள்ளதாக குற்றம்சாட்டப்பட்டவர்கள். நேரடி கொலையாளிகள் இறந்துவிட்டார்கள்.

* ராஜீவ் கொலை ஒரு தீவிரவாதச் செயல் என்றே குறிப்பிடுகிறார்கள்.
- உச்சநீதிமன்றம் தனது தீர்ப்பில், இது பழிக்கு பழியான செயல் என்றே குறிப்பிடுகிறது. தீவிரவாதத்தின் எந்த ஒரு வரையறைக்குள்ளும் இவை வருவதில்லை.

* ஒரு நாட்டின் பிரதமரை கொன்றவர்கள் என்கிறார்கள்.
- ராஜீவ் ஒரு முன்னாள் பிரதமர். சொல்லப்போனால் ஒரு சாதாரண தேர்தல் வேட்பாளர்.

* நாட்டின் விருப்பத்திற்கு (Nations Interest) எதிரானது என்கிறார்கள்.
- சட்டத்தின் அடிப்படையில் ஆட்சி நடைபெறும் நிலையில், நாட்டின் ஒட்டுமொத்த மனசாட்சி அல்லது நாட்டின் விருப்பம் என்று சொல்வது இந்திய அரசியலமைப்புச் சட்டத்தையே அவமதிப்பதாகும்.

* மரண தண்டனை குற்றத்தின் தன்மையின்படி அவசியம் என்கிறார்கள்.
- குற்றத்தின் தன்மையை பொறுத்து தீர்ப்பு வேறுபட்டாலும், ராஜீவ் கொலை வழக்கு என்பதை தவிர, குற்றம் மிகத்தீவிரமானது அல்ல. குற்றத்தின் தன்மையில், கொலைக்கான காரணிகளும் கணக்கில் எடுத்துக்கொள்ளப்பட வேண்டும். அவ்வாறு பார்த்தால், கொலையை ஒரு வகையில் நியாயப்படுத்தக்கூட முடியும்.

* ராஜீவ் என்னும் முக்கிய நபர் கொலையில் அனைவரும் விடுவிக்கப்படுவதில் நீதி இல்லை என்கிறார்கள்.
- சட்டத்தின் முன் அனைவரும் சமம் என்ற நிலையில் ராஜீவ் என்ற நபருக்காக தண்டனை கொடுத்தாக வேண்டிய கட்டாயம் இல்லை. நீதியின் அடிப்படையில் தான் அவர்கள் குற்றவாளிகள் ஆக்கப்பட்டார்கள்.

* ராஜீவ் கொலைக் குற்றவாளிகள் தண்டிக்கப்பட வேண்டும் என்கிறார்கள்.
- நாமும் அதையே தான் கேட்கிறோம். நீதியின் அடிப்படையில் இவர்கள் குற்றவாளிகளாக ஆக்கப்பட்டார்கள் என்றாலும், நீதி விசாரணை பலமுறை கேள்விக்குள்ளாக்கப்பட்டுள்ளது. சு.சாமி போன்ற உண்மைக் குற்றவாளிகள் வெளியே தைரியமாக சுற்றி வரும் நிலையில், மறுவிசாரணை ஏன் கூடாது?

* ராஜீவ் கொலைக்கு ஒருவர் கூட தண்டிக்கப்படவில்லை என்கிறார்கள்.
- 23 சிறைவாசம் இருந்த பின்பும் தண்டிக்கப்படவே இல்லை என்பது அறிவீனம். அதுவும் 14 வருடங்களுக்கு மேலாக மரணத்தின் நிழலில்.

* தமிழக அரசின் முடிவு சட்டத்திற்கு எதிரானது.
- சட்டத்தின் அடிப்படையில் தான் அறிவிப்பு வெளியிடப்பட்டுள்ளது. நீதிபதி சதாசிவம் தனது தண்டனையை குறைத்து வெளியிட்ட தீர்ப்பில், இவர்களை விடுவிக்கும் முடிவு மாநில அரசிடமே விடுவதாக கூறியுள்ளார்.

இன்னும் நிறைய சொல்லலாம்....

@அசோக்குமார் தவமணி