வின்டோஸ் கணினியில் PSR appஎன்பது என்ன?

by **sakthy** Tue Feb 18, 2014 8:47 pm

வின்டோஸ் கணினியில் PSR appஎன்பது என்ன?

வின்டோஸ் 7 ற்குப் பின்னான கணினியில் PSR- Problem Steps Recorder – என்ற ஒரு வசதி உண்டு. கணினி வல்லுனர்களான உங்களுக்குத் தெரிந்திருந்தாலும், தெரியாவர்களுக்காக தரப்படுகிறது.

கணினியில் சில சமயம் தவறுகள்,error report வரும். என்ன செய்வது என்று தெரியாது தவிப்போம். தெரிந்த நண்பர்கள் இருந்தால், அந்தத் தவறுகளை அவர்களுக்கு மின் அஞ்சல் மூலம் தெரியப்படுத்தி, சரி செய்து கொள்ள உதவும் ஒரு வசதியே psr எனப்படும் tool ஆகும்.சில சமயம் மிகச் சிறிய தவறுகளாகக் கூட இருக்கலாம்.அவற்றை சரியான முறையில் கணினி தெரிந்த ஒருவருக்கு அல்லது ஒரு இணைய forum ற்கு விளங்கப்படுத்தினால்,அவர் தரும் உதவியுடன், சுலபமாக நாமாகவே சரி செய்து கொள்ள முடியும். மின் அஞ்சல் அல்லது வேறு வழியில் அனுப்பி சரி செய்ய,error தகவல்களை screenshot மூலம் எடுக்க உதவும் வசதியே psr எனப்படும்.

இந்த வசதி மூலம் குறிப்பிட்ட ,உதாரணமாக MS Word இல் தவறு வருமாயின்,error code போன்றவற்றை அப்படியே பதிவு record செய்து, வேண்டுமானால் மேலதிக செய்தியையும் இணைத்து, மின் அஞ்சல் மூலம் அல்லது வேறு வழியில் அனுப்ப முடியும். பதிவு செய்யப்பட்ட கோப்பு mhtml கோப்பாக உருவாக்கப்படும்.mht/mhtml file கள் Internet explorer மூலம் திறக்க முடியும்.

Start – search இல் psr எனக் கொடுத்து enter செய்தால், Problem Steps Recorder வரும்.அங்கே start என்பதை அழுத்தி பதிவு செய்து கொள்ளலாம். வரும் தவறுகள் திகதி நேரத்துடன் பதிவு செய்யப்படும். தேவையான இடங்களில் comments ஐயும் சேர்த்துக் கொள்ளலாம்.