ஜெனிவா தீர்மானத்துக்கு முன்னர் சர்வதேச விசாரணைப் பொறிமுறை ஏற்படுத்த வேண்டும்! – அமெரிக்க காங்கிரசில் பிரேரணை.

by **மாலதி** Mon Feb 10, 2014 7:24 am

ஜெனிவா தீர்மானத்துக்கு முன்னர் சர்வதேச விசாரணைப் பொறிமுறை ஏற்படுத்த வேண்டும்! – அமெரிக்க காங்கிரசில் பிரேரணை.
ஜெனிவா தீர்மானத்துக்கு முன்னர் சர்வதேச விசாரணைப் பொறிமுறை ஏற்படுத்த வேண்டும்! – அமெரிக்க காங்கிரசில் பிரேரணை. 1619366_713577798682219_412073494_n

ஜெனிவா தீர்மானத்துக்கு முன்னர் சர்வதேச விசாரணைப் பொறிமுறை ஏற்படுத்த வேண்டும்! – அமெரிக்க காங்கிரசில் பிரேரணை. 1619366_713577798682219_412073494_n

இலங்கைக்கு எதிராக ஜெனிவாவில் தீர்மானம் கொண்டுவர முன்னதாக சர்வதேச ரீதியான பொறுப்புக் கூறக்கூடிய பொறிமுறை ஒன்று ஏற்படுத்தப்பட வேண்டும் அமெரிக்க காங்கிரசில் தீருமானம் ஒன்று முன்வைக்கப்பட்டுள்ளது. இலங்கை தொடர்பான தீர்மானம் ஒன்றை கடந்த 6 ம் திகதி காங்கிரசில் சமர்ப்பித்துள்ள செனட்டர் ரிச்சர்ட் பூர் இந்த கோரிக்கையை விடுத்துள்ளார்.இலங்கையில் நடைபெற்ற போரிலும் போருக்கு பின்னரும் இரு தரப்பினராலும் இழைக்கப்பட்ட போர் குற்றங்கள், மனித உரிமை மீறல்கள், மனிதாபிமானத்திற்கு எதிரான குற்றங்கள் குறித்து விசாரணை நடத்த அமெரிக்காவும் சர்வதேச சமூகமும் இணைந்து பொறுப்புக் கூறும் சுயாதீனமான சர்வதேச பொறிமுறை ஒன்றை ஏற்படுத்த வேண்டும் என அவர் கேட்டுக்கொண்டுள்ளார்.

ரிச்சர்ட் பூர் உள்ளிட்ட ஐந்து செனட்டர்கள் சமர்ப்பித்துள்ள இந்த யோசனையை அமெரிக்க காங்கிரஸ், அதன் வெளிவிவகார குழுவிற்கு அனுப்பியுள்ளது. அதேவேளை இலங்கையில் நீடித்த அமைதியை உறுதி செய்ய தேவையான உள்ளக மறுசீரமைப்பு, மீள்குடியேற்றம், நல்லிணக்கம் ஆகியவற்றை ஆதரிப்பதாகவும் அதில் தெரிவிக்கப்பட்டுள்ளது.

அத்துடன் இலங்கை அரசாங்கம், ஊடகங்கள், சர்வதேச அரச சார்பற்ற நிறுவனங்கள், மனித உரிமை அமைப்புகளுக்கு பிரவேசிப்பதற்கான அனுமதியை வழங்க வேண்டும்.அரசியல் கைதிகள், போர் கைதிகள் தடுத்து வைக்கப்பட்டுள்ள இடங்களுக்கு ஊடகங்கள் செல்ல இலங்கை அரசாங்கம் அனுமதி வழங்க வேண்டும்.வடக்கு,கிழக்கில் ஊடக அலுவலகங்கள் மற்றும் ஊடகவியலாளர்கள் மீதான தாக்குதல்களுடன் தொடர்புடையவர்கள் சட்டத்திற்கு முன் கொண்டு வரப்பட வேண்டும்.

அத்துடன் ஜனநாயகம், சட்ட ஒழுங்கும், மனித உரிமைகள், பொருளாதார நலன்கள், பாதுகாப்பு நலன்கள் தொடர்பிலான அமெரிக்காவின் அக்கறைகளை மேம்படுத்த இலங்கை ஜனாதிபதி நடவடிக்கை எடுக்க வேண்டும் எனவும் அந்த யோசனையில் தெரிவிக்கப்பட்டுள்ளது.