இந்த உலகில் வாழாத பிரபலங்கள்.

இந்த உலகில் வாழாத பிரபலங்கள்.

இந்த உலகில் பல பிரபலங்களைப் பார்த்திருக்கிறோம்.புத்தகங்களில் படிதிருக்கிறோம். கேள்விப்பட்டிருக்கிறோம்.ஆனாலும் சில பிரபலங்கள் இந்த உலகில் வாழாவிட்டாலும், நம்மிடையே வாழ்ந்து கொண்டிருக்கிறார்கள்,வாழ்ந்ததாக எண்ணிக் கொண்டிருக்கிறோம்.

கிறிஸ்தவர்கள் மட்டுமல்லாது,மற்றவர்களும் கொண்டாடும் கிறிஸ்மஸ் பண்டிகையின் போது, பரிசுகள் தந்து குழந்தைகளை மகிழ்ச்சிப் படுத்தும், Santa Claus ஐ St Nicholas எனக் கூறிக் கொண்டாலும் கூட,இந்த உலகில் வாழவில்லை.

குழந்தைகள் வைத்து விளையாடும் அழகான பெண், Barbie இந்த உலகில் வாழவில்லை. ஆனாலும் இன்றும் குழந்தைகள் மத்தியில் உயிருள்ள பெண்ணாக வாழந்து கொண்டிருக்கிறாள்.

எப்போதும் தப்புக்களையே செய்து,கொள்ளையடித்து ஏழைகளுக்குக் கொடுத்ததாக கூறப்படும்,Robin Hood என்ற கதாநாயகன் உண்மையில் வாழவில்லை. அவன் ஒரு கதையின் கதாநாயகன் மட்டுமே.இன்றும் சினிமாவில் ரோபின் ஹூட்,ஏன் நம் தமிழ் சினிமாவில் -நான் சிவப்பு மனிதன்- எல்லாம் கற்பனைக் கதாபாத்திரங்களே.

Cowboys - Red Indians எனப் பல படங்கள் வந்தன. இவை எல்லாம் உண்மையில் நடந்தவை அல்ல. நம் நாட்டு ஆடு மேய்ப்பவன்,மந்தை மேய்ப்பவன் ,இவர்களை வைத்து கதை எழுதியது போல்,உயிரூட்டப்பட்ட கற்பனைக் கதைகளின் கற்பனைக் கதாபாத்திரங்களே.

Marlboro cigarettes களில் வரும் Marlboro Man என்ற மனிதன், உண்மையாக உலகில் வாழ்ந்தவன் அல்ல. முதலில் பெண்களுக்காக உருவாக்கப்பட்டது தான் marlboro cigarettes (Mild As May). பெண்களின் உதட்டில் இருக்கும் சாயம் அழியாமல் இருக்க,Beauty Tips to Keep the Paper from Your Lips என விளம்பரத்தை உருவாக்கி, Marlboro Man ஐயும் உருவாக்கி வாழ வைத்தார்கள்.

இரண்டாவது உலக யுத்தத்தின் போது உருவான கதாநாயகி தான் Rosie the Riveter . We can do it என உருவான இந்தக் கதாநாயகி,உலக யுத்த காலத்தில் ஆண்களுக்கு சமனாக பெண்களும் எல்லா வேலைகளையும் செய்ய முடியும் என ஒரு எழுச்சியை உருவாக்கிய கற்பனைப் பெண்..

George Orwell உருவாக்கிய Big Brother கதாபாத்திரம் இன்று உலக தொலைக்காட்சிகளில், என்னவெல்லாமோ செய்து சீரழிக்கிறது.

Romeo- Juliet ,Sir Arthur Conan Doyle உருவாக்கியSherlock Holmes, Dr.Watson ,Daedalus - Icarus, எவரும் வாழவில்லை.கற்பனைக் கதாபாத்திரங்களே.

ரஜினி நடிக்காமலேயே,ஒரு சில இடங்களில் மட்டும் தலையைக் காட்டி,நவீன தொழில்நுட்பத்தைப் பயன்படுத்தி, வருகிறது கோச்சடையான்.ரஜினிக்குப் புகழ். உருவாக்கியவர்களுக்கோ= 0. இதுதான் இன்றைய நவநாகரீக உலகம்.முக்கியமான எல்லாக் காட்சிகளிலும் ரஜனி கற்பனை.

உலகில் பலரின் வெறுப்பையும் ,எதிர்ப்பையும் பெற நேரிடும் என்ற காரணத்தால், இன்றும் கண்களை மூடிக் கொண்டிருக்கும் வரலாற்று ஆய்வாளர்கள் மத்தியில்,ஜேசு என்பவர் ஒரு சாதாரண மனிதர் தான். பழைய மதக் கொள்கைகளை,மதத் தலைவர்களின் கொடுமைகளை எதிர்த்து குரல் கொடுத்து போராடியவர் தான் ஜேசு.

நம் ஊர்களில் இருக்கும், ஊருக்கு நல்லது செய்தவர்களை ஐயனார்கள் ஆக்கியது போல், சாதாரண சிற்றரசர்களாக இருந்த கண்ணன்(கிருஷ்னன்) ,இராமன்,அனுமன் இவர்கள் கடவுள்களாக ஆக்கப்பட்டது போல், ஜேசுவும் சாதாரண மனிதர்-கடவுளின் குமாரன் ஆக்கப்பட்டார் என்ற கருத்தே இருந்து வருகிறது.

ஒரு மனிதன் கையில் பணமும்,பலமும்,அதிகாரமும் இருந்து விட்டால் உண்மையும் தர்மமும் ஒழிந்து கொள்ளும். நாம் எல்லோருமே சுழியங்கள் தான். வரலாறு சொன்ன கர்த்தர்கள்,இரட்சகர்கள்,அவதாரங்கள் எல்லாம் சாதாரண மனிதர்கள் தான். அவர்கள் வரமாட்டார்கள்.நாம் தான் உண்மையையும் தர்மத்தையும் நிலை நாட்ட கர்த்தர்கள், இரட்சகர்கள்,அவதாரங்களாக மாற வேண்டும்.

நாளை ராஜபக்சேயும் கடவுள் -ரட்சகர் -அவதார புருசர் ஆக்கப்படலாம். யார் அறிவார்? இந்த உலகில் எல்லாமே சாத்தியம் தான்.