காணமல் போனவர்களுக்கு மரணச்சான்றிதழ்களை பெற்றுக் கொள்ளுமாறு சிறிலங்கா இராணுவத்தினர் வற்புறுத்தல்

by **ஜனனி** Thu Feb 06, 2014 9:48 pm

கிளிநொச்சியில் உள்ள காணமல் போனவர்களுடைய உறவினர்களிடத்தில் காணமல் போனவர்களுக்கு மரணச்சான்றிதழ்களை பெற்றுக் கொள்ளுமாறு சிறிலங்கா இராணுவத்தினர் வர்புறுத்தி வருகின்றனர் என்று வடமாகாண சபை உறுப்பினர் அனந்தி சசிதரன் குற்றம் சுமத்தியுள்ளார்.

காணமல் போனவர்களை தேடும் போது காணமல் போன உறவுகள் அச்சுறுத்தப்பட்டது போன்று, தற்போது மரணச்சான்றிதழ்களைப் பெற்றுக் கொள்ள முறுக்கும் காணமல் போனவர்களுடைய உறவுகள் இராணுவத்தினால் நேரடியாக அச்சுறுத்தப்படுகின்றனர்.

இன்று வியாழக்கிழமை யாழ்.ஊடக அமையத்தில் நடைபெற்ற செய்தியாளர் சந்திபத்பதில் கலந்து கொண்டு கருத்து வெளியிடும் போதே அவர் மேற்கண்டவாறு தெரிவித்துள்ளார்.

இவ்விடையம் தொடர்பாக அவர் மேலும் தெரிவரிக்கையில்.

எங்களுடைய மக்கள் மிகவும் தெளிவாக இருக்க வேண்டும். இவ்வளவு காலம் காணமல் போனவர்களை தேடி அவர்களுடைய உறவுகள் அலைந்து கொண்டு இருக்கின்றார்கள். தங்களுடைய உறவுகளுக்கு என்ன நடந்தது என்பதை அவர்கள் அறிந்து கொள்ள ஆர்வம் கொண்டுள்ள நிலையில் இப்படியான மரண சான்றிதழ்களை பெற்றுக் கொள்வது என்பது எங்களுடைய உறவுகளை நாங்களே கொல்வதற்கான வாய்ப்புக்களை ஏற்படுத்திக் கொடுப்பதாக அமையும்.

நடந்து முடிந்த இரண்டு ஜெனீவாக் கூட்டத் தொடரிலும் இலங்கை அரசாங்கம் தங்களிடம் காணமல் போனவர்களுடைய பட்டியல் இருக்கின்றது என்றும், அதனை தாங்கள் வெளியிடவுள்ளதாகவும் கூறியிருந்தது. ஆனால் பல இடங்களில் உள்ள இரகசிய முகாங்கள் தொடர்பாகவும், காணமல் போனவர்கள் தொடர்பாகவும் இலங்கை அரசாங்கத்தினால் எந்தவிதமான தகவலும் வெளியிடப்படவில்லை.

இந்நிலையில் எதிர்வரும் மார்ச் மாதம் 3 ஆவது முறையாக ஜ.நா மனித உரிமை மாநாடு நடைபெறவுள்ளது. இதனையடுத்து தற்போது புதிது புதிதாக காணமல் போனவர்கள் தொடர்பான அமைப்புக்கள் தோன்றி மக்களை குழப்புகின்ற முயட்சிகளில் ஈடுபட்டுக் கொண்டிருக்கின்றார்கள்.

அண்மையில் கிளிநொச்சியில் நடைபெற்ற காணமல் போனவர்கள் தொடர்பான விசாரணைக் குழுவில் இராணுவத்தினர் வீடு வீடாகச் சென்று தாங்களும் ஜனாதிபதியால் நியமிக்கப்பட்ட ஆணைக்குழுவில் அங்கம் வகிப்பதாக கூறி படிவம் ஒன்றினை மக்களிடம் விநயோகித்துள்ளனர். அந்தப் படிவத்தினை கொண்டுவந்தால்தான் விசாரணைக்குழுவிடம் செல்ல அனுமதிக்கப்படுவீர்கள் என்றும் தெரிவித்துள்ளானர்.

கிளிநொச்சி கனிஸ்ரா பாடசாலைக்கும், கரடிப் போக்கு சந்திக்கு அருகில் உள்ள இராணுவ முகாமிற்கும் வருமாறும் மக்களை இராணுவத்தினர் அழைத்திருந்தனர். ஆதனடிப்படையில் கிளிநொச்சி நீதிமன்றத்திறத்கும் மாவட்டச் செயலகத்திற்கும் இடையில் உள்ள இராணுவ முகாமில் விநயோகிக்கப்பட்ட படிவங்களுடன் சென்ற மக்களிடம் மரணச்சான்றிதழ்களை திணிக்க இராணுவத்தினர் முற்பட்டுள்ளனர். இதனால் சுதாகரித்துக் கொண்ட மக்கள் அங்கிருந்து விலகிச் சென்றுள்ளனர்.

தற்போது குறித்த படிவத்தினைப் பெற்றுக் கொண்ட மக்களை இராணுவத்தினர் தேடி வருகின்றனர். இப்படிவங்களைப் பெற்றுக் கொண்ட பெரும்பாலனவர்களிடம் சென்ற இராணுவத்தினர் காணமல் போனவர்களுடைய மரணச்சான்றிதழ்வளைப் பெற்றுக் கொள்ளுமாறு வர்புறுத்தியும் வருகின்றனர். இதுவரை காலமும் தங்களுடைய பிள்ளைகளை பலத்த அச்சுறுத்தலுக்கு மத்தியில் தேடிவந்த உறவுகள் தற்போது மரணச்சாண்றிதழ்களைப் பெற்றுக் கொள்ளுமாறு அச்சுறுத்தல் விடப்படும் நிலையும் காணப்படுகின்றது.

மரணச்சாள்றிதழ்களைப் பெற்றுக் கொண்ட 7 பேருக்கு தலா ஒருஇலட்சம் ரூபா காசோலை வழங்கப்பட்டது என்றும், அவர்களுடைய குடும்பத்தில் கல்விகற்றும் பிள்ளைகள் இருப்பின் அவர்களுக்கு பாடசாலை மாணவர்களுக்கு புத்தகப்வை கொடுக்கப்பட்டது. அரிசியும் வழங்கப்பட்டுள்ளது.

ஜெனிவா மாநாடு நடைபெறவுள்ள நிலையியல் மக்களை குழப்பத்திற்கு உள்ளாக்கி அவர்களை மன உழைசலுக்குள் தள்ளும் நடவடிக்கையே தற்போது இராணுவத்தினால் மேற்கொள்ளப்பட்டு வருகின்றது. இவ்வளவு காலமும் காணமல் போனவர்களை நாம் தேடி களைத்து விட்டோம் இனி எந்த குழப்பத்திற்கும் உட்படாமல் யாரையும் நம்பி ஊர்வலங்கள், உண்ணாவிரதங்களுக்குச் செல்லாமல் மிக அமைதியாக இருந்து ஜெனிவாவின் மாநாட்டின் மூலம் காணமல் போனவர்களுடைய உறவுகளைத் தேடுவதற்கான ஆதரவினை தர வேண்டும்.

by **Tamil** Fri Feb 07, 2014 12:47 am

by **Tamil** Fri Feb 07, 2014 12:50 am

by Sponsored content

காணமல் போனவர்களுக்கு மரணச்சான்றிதழ்களை பெற்றுக் கொள்ளுமாறு சிறிலங்கா இராணுவத்தினர் வற்புறுத்தல்

காணமல் போனவர்களுக்கு மரணச்சான்றிதழ்களை பெற்றுக் கொள்ளுமாறு சிறிலங்கா இராணுவத்தினர் வற்புறுத்தல்

Re: காணமல் போனவர்களுக்கு மரணச்சான்றிதழ்களை பெற்றுக் கொள்ளுமாறு சிறிலங்கா இராணுவத்தினர் வற்புறுத்தல்

Re: காணமல் போனவர்களுக்கு மரணச்சான்றிதழ்களை பெற்றுக் கொள்ளுமாறு சிறிலங்கா இராணுவத்தினர் வற்புறுத்தல்

Re: காணமல் போனவர்களுக்கு மரணச்சான்றிதழ்களை பெற்றுக் கொள்ளுமாறு சிறிலங்கா இராணுவத்தினர் வற்புறுத்தல்