விரும்பத்தகாத வார்த்தைகளால் மு.க.அழகிரி பேசினார்: கருணாநிதி பேட்டி.

by **மாலதி** Tue Jan 28, 2014 2:36 pm

சென்னை, ஜன. 28–
தி.மு.க. தென் மண்டல அமைப்பு செயலாளர் மு.க.அழகிரி கட்சி கட்டுப்பாட்டை மீறியதாக சமீபத்தில் கட்சியில் இருந்து நீக்கப்பட்டார்.
இது பற்றி தி.மு.க. தலைவர் கருணாநிதி அண்ணா அறிவாலயத்தில் இன்று நிருபர்களுக்கு பேட்டி அளித்தார். அப்போது அவர் கூறியதாவது:–
மு.க.அழகிரி கட்சி கட்டுப்பாட்டை மீறி தொலைக்காட்சிகளுக்கும், பத்திரிகைகளுக்கும் பேட்டி கொடுத்தது தவறு. அவர் தி.மு.க. செயற்குழு மற்றும் பொதுக் குழு முடிவுக்கு எதிராக செயல்பட்டார். செயலாளர் பொறுப்பை மறந்து செயல்பட்டதால் அவர் மீது நடவடிக்கை எடுக்கப்பட்டது.
நியாயம் கேட்டு வருபவர் காலை 7 மணிக்கா வீட்டுக்கு வருவார்? அவர் என்னை சந்தித்த போது விரும்பத்தகாத வார்த்தைகளை பேசினார். அதை எந்த தந்தையாலும் ஏற்றுக் கொள்ள முடியாது. யாராலும் பொறுத்து கொள்ள முடியாது.
மு.க.ஸ்டாலின் பற்றி ஏற்கமுடியாத, வெறுக்கத்தக்க வார்த்தைகளை பேசினார். இப்போது அதை நினைத் தாலும் என் இதயம் நின்று போவதுபோல் இருக்கிறது.
அவர் என்னிடம் கூறிய குற்றச்சாட்டு கட்சியில் அவருக்கு வேண்டிய சிலருக்கு பொறுப்பு கொடுக்கவில்லை என்பதும் அவர்களை நீக்கியதும் மன உளைச்சலை ஏற்படுத்தியதாக கூறினார்.
ஆனால் மதுரை மாவட்ட செயலாளர் மூர்த்தி மீது பி.சி.ஆர். சட்டப்படி நடவடிக்கை எடுக்க தூண்டுதலாக இருந்தார். கட்சி தலைமை அதை தண்டிப்பது தவறா என்பதை உங்கள் பார்வைக்கே விட்டு விடுகிறேன்.
தனக்கு வேண்டிய ஆதரவாளர்கள் கூட்டத்தை வைத்து கொண்டு சுவரொட்டி ஒட்டியது எப்படி முறையாகும்? ஸ்டாலின் ஆனாலும் அழகிரி ஆனாலும் என் மகன்கள் என்ற உறவை விட கட்சி உறுப்பினர்கள் என்பதுதான் முக்கியம்.
அண்ணா காலத்தில் இருந்து இதுவரை எத்தனையோ சோதனை களை சந்தித்து இன்னமும் வாழ்ந்து கொண்டிருக் கிறேன். தமிழக மக்கள் வளத்தோடு வாழ வேண்டும் என்பதற்காக 16 வயது முதல் இந்த சமுதாயத் திற்காக என்னை அர்ப்பணித்து உள்ளேன்.
நான் இந்த சமுதாயத்து பாடுபட்டவன் என்ற முறை யில் இந்த உண்மைகளை தமிழ் மக்களுக்கு தெரிவிக்க வேண்டும் என்பதற் காகவே இன்று பத்திரிகையாளர் களிடம் இந்த செய்திகளை தெரிவித்துள்ளேன்.
இவ்வாறு கருணாநிதி கூறினார்.
பின்னர் நிருபர்கள் காங்கிரசுடன் கூட்டணி உண்டா? என்று கேட்ட போது, "கூட்டணி இல்லை என்றும் வேறு எந்த கட்சியுடனும் கூட்டணி இல்லை" என்றும் தெரிவித்தார்.
தே.மு.தி.க.வுடன் கூட்டணி உண்டா என்று கேட்ட போது நாங்கள் கூட்டணிக்கு அழைத்தது அப்படியே இருக்கிறது. அவர்கள் தான் முடிவு செய்ய வேண்டும் என்றார்.

by **sakthy** Wed Jan 29, 2014 1:06 am

பொய் சொல்லத் தெரியாத கருணானிதியின், பொய் எவ்வளவு தூரம் செயல்படும்.போலி உண்ணாவிரதம்,முதலைக் கண்ணீர். பொய்யில் வளர்ந்து வாழ்பவராயிற்றே!

ஸ்ராலினின் பலத்தை தென்மண்டலத்தில் பரீட்சிக்க, கருணானிதியின் காய் நகர்த்தல் அழகிரியின் பிறந்த நாளில் தெரிந்து விடும். மோத விட்டுப் பார்க்கும் தந்தை.மோதிக் கொள்ளும் அண்ணன் தம்பி. யாருடைய தூண்டுதலாக இருக்கும்?

by **மாலதி** Wed Jan 29, 2014 7:21 am

sakthy wrote:பொய் சொல்லத் தெரியாத கருணானிதியின், பொய் எவ்வளவு தூரம் செயல்படும்.போலி உண்ணாவிரதம்,முதலைக் கண்ணீர். பொய்யில் வளர்ந்து வாழ்பவராயிற்றே!

ஸ்ராலினின் பலத்தை தென்மண்டலத்தில் பரீட்சிக்க, கருணானிதியின் காய் நகர்த்தல் அழகிரியின் பிறந்த நாளில் தெரிந்து விடும். மோத விட்டுப் பார்க்கும் தந்தை.மோதிக் கொள்ளும் அண்ணன் தம்பி. யாருடைய தூண்டுதலாக இருக்கும்?

by **மாலதி** Wed Jan 29, 2014 7:39 am

Press meet reg Alagiri - Kalaignar Karunanidhi (28-01-2014)

by Sponsored content

விரும்பத்தகாத வார்த்தைகளால் மு.க.அழகிரி பேசினார்: கருணாநிதி பேட்டி.

விரும்பத்தகாத வார்த்தைகளால் மு.க.அழகிரி பேசினார்: கருணாநிதி பேட்டி.

Re: விரும்பத்தகாத வார்த்தைகளால் மு.க.அழகிரி பேசினார்: கருணாநிதி பேட்டி.

Re: விரும்பத்தகாத வார்த்தைகளால் மு.க.அழகிரி பேசினார்: கருணாநிதி பேட்டி.

Re: விரும்பத்தகாத வார்த்தைகளால் மு.க.அழகிரி பேசினார்: கருணாநிதி பேட்டி.

Re: விரும்பத்தகாத வார்த்தைகளால் மு.க.அழகிரி பேசினார்: கருணாநிதி பேட்டி.