எனக்குத் தெரியுமே! DEJA VU மன நோயா?

எனக்குத் தெரியுமே! DEJA VU மன நோயா?

நாம் போகாத ஒரு இடத்திற்குப் பொவோம்,ஆனால் அங்கே முன்னர் எப்போதோ சென்றதாக அல்லது பார்த்ததாக நம் அடி மனத்தில்,மூளையில் ஒரு உணர்வு. நண்பர்களுடன் அரட்டை அடிப்போம்.அப்போது ஏதாவது ஒரு விசயம்,அறிவியல்,அரசியல் சம்பவம்,படம்.....இப்படி ஏதாவது பற்றி முதல் தடவையாக பேசுவோம்.ஆனால் எங்கோ இதைக் கேட்டிருக்கிறோம் என்ற உணர்வு,நினைவு ஏற்படும்.ALREADY SEEN....முன்னரே பார்த்திருக்கிறேன், கேட்டிருக்கிறேன்,சந்தித்திருக்கிறேன்.....இப்படியான உணர்வு,எண்ணம் நம் மனத்தில் எழுவதை கண்டிருக்கிறோம். சிலருக்கு அடிக்கடி,வேறு சிலருக்கு எப்போதோ இப்படி ஏற்படுகிறது. இதை பிரெஞ்ச் மொழியில் DEJA VU (Deja Vu -already seen) என்று சொல்லப்படுகிறது.

ஒரு செயல்,சம்பவம்,இடம்,நபர் என ஏதாவது ஒன்று முன்னரே நமக்குப் தெரிந்த பழக்கப்பட்டதாக இருப்பது போன்ற உணர்வு, இதே மாதிரி முதலிலேயே நடந்திருக்கிறது, நினைவிருக்கிறது என்று மனம் சொல்வதை deja vu என்கிறார்கள்.

வேறு சிலருக்கோ இந்த மாதிரி எண்ணங்கள் கனவில் தோன்றும்.கடவுள் கனவில் தோன்றி இப்படிச் செய் என்று சொன்னது போல், போகாத இடங்களுக்கு போனது போல், பார்க்காத ஒருவரைப் பார்த்தது போல்,இப்படிப் பல ஏற்படும். இந்த மாதிரியான உணர்வை, மற்ற வயதினரை விட 15 -25 வயதிற்கு உட்பட்டவர்களிடத்தில் அதிகமாக இருந்தது அவதானிக்கப்பட்டுள்ளது. (Deja Vu என்ற பெயரில் சினிமா, எழுத்து, விளையாட்டு போன்றவையும் வந்துள்ளன)

இந்த மாதிரியான நிலையை மருத்துவர்கள் சில நோய்களின் தாக்கமாக இருக்கலாம் என்றும்,மனோதத்துவவியலாளர்கள் மூளையின் ஒன்றுபட்டுப் போகாத நிலை (mismatching in the brain), simple fantasy or wish fulfillment என்றும் சொல்கிறார்கள். ஆனாலும் முற்றான முடிவு இன்னமும் கண்டறியப்படவில்லை.இந்த நிலைக்கு காரணம்,மூளையில் உள்ள memory and hallucination க்குப் பொறுப்பான temporal lobe என்ற பகுதியே காரணமாகிறது.

இந்த நிலைக்கு எதிரான உணர்வுடன் மூளையைக் குழப்பிக் கொண்டிருந்தவர்கள் பலர் இருக்கவே செய்கின்றனர்.ஒரு இடத்திற்குப் போயிருப்போம்,ஒரு பாடலைக் கேட்டிருப்போம்,ஒருவரைப் பார்த்திருப்போம், ஏதாவது ஒன்றை(சொல்,இடம்,நபர்) பல முறை பார்த்துக் கேட்டு இருந்தும் கூட நினைவுக்கு வர முடியாது தவித்திருப்போம். எங்கேயும் பார்த்ததாக,கண்டதாக நினைவில் இல்லாது மூளை குழம்பிய நிலையை
Jamais Vu - never seen ( Deja Vu க்கு எதிரான நிலை) என்கிறார்கள்.

ஆம் இது போல் நமக்கு நிறிய தடவை நடந்துள்ளது