தமிழீழ விடுதலைப் புலிகள் பற்றிய முரணான கருத்துக்களுடன் ராவண தேசம் திரைப்படம்!

by **Tamil** Thu Nov 21, 2013 7:39 am

விடுதலைப் புலிகளைப் பற்றி சில முரண்பாடான சில கருத்துக்களுடன் ஈழத்தில் இருக்கும் சராசரி மக்களின் நிலை என்ன என்பதையும் தங்களைக் காப்பாற்றிக் கொள்ள அவர்கள் என்ன செய்கிறார்கள் என்பதையும் காட்சிப்படுத்தி இந்தியாவில் ஒரு திரைப்படத்தை உருவாக்கியுள்ளார்கள்.
"இந்தியா செய்த உதவியை நம் உடன்பிறப்புகள் தவறாக புரிந்துகொண்டது தான் நம் நிலைக்கு காரணம்" என்று ஒரு வசனம். விடுதலைப் புலிகளின் தலைவராக காட்டப்படும் பிரபாகரனின் கதாபாத்திரம் தன்னைத் தானே சுட்டுக்கொண்டு இறந்துவிடுவது போன்ற ஒரு கனவு காட்சியும் உள்ளடக்கப்பட்டிருக்கின்றது.

ஈழப்பிரச்சனை குறித்து நியாயமான பதிவை நம்மிடம் இருக்கும் இயக்குனர்கள் பதிவு செய்யாமல்விட்டதன் காரணமாக, இந்தியர்களிடையே ஈழம் குறித்த தவறான புரிதலே இருந்துவருகிறது. அது போலவே ராவண தேசம் படத்திலும் விடுதலைப் புலிகள் இயக்கத்திற்கு எதிரான கருத்துக்களும் சொல்லப்படுகிறது. தேசத்திற்காக போராடும் இயக்கத்தின் மீது சில முரண்பாடான விமர்சனங்களும் வைக்கப்படுகிறது. ஈழப்போராட்டத்தை சரியான விதத்தில் பதிவு செய்யாமல் விட்ட படைப்பளிகளினால் வந்த விளைவு தான் இது!

இப்படத்தை எழுதி இயக்கி இருப்பவர் அஜய் நுத்தக்கி. இவர் ஒரு தெலுங்கர். உணர்வை சொல்வதற்கு மொழி தேவையில்லை என நிரூபித்திருக்கிறார் அஜய். தமிழோ... தெலுங்கோ... நமக்காக நம் பிரச்சனையை முன்னெடுத்து வைக்கிறவர் நம்மை சேர்ந்தவர் தானே. அதன் அடிப்படையில் அவர் நம்மவர்! என இந்திய ஊடகம் தெரிவித்துள்ளது.

ராவண தேசம் திரைக்கதையின் சுருக்கம் என்னவெனில்,.

ஆயிரமாயிரம் சோகங்கள் அடங்கியிருக்கும் ஈழத்தமிழரின் வாழ்வில் இருக்கும் கதைகள் எண்ணிக்கையில் அடங்காதது. நான் சாவதற்குள் நம் சுதந்திரம் நமக்கு கிடைத்துவிடாதா... என நினைக்கும் மனிதர்கள். காணாமல் போன தன் மகன் தமிழகத்தில் அகதியாய் உயிருடன் இருப்பான் என நினைக்கும் வயதான தாய், தந்தை. அதே இடத்தில் இருந்தும் தமிழர்களுக்கு கிடைக்கும் பிஸ்கெட் பைக்கெட்டுகளை ஆட்டைய போடும் ஒரு மனசாட்சி இல்லாத புரோக்கர். தேசம் அமைதியான பிறகு நாம் திருமணம் செய்துகொள்ளலாமா என நினைக்கும் காதலர்கள். தேசத்திற்காக உயிரை துச்சமாக எண்ணும் மாவீரர்கள். இறக்கம் இல்லாத சிங்களவர்களின் அட்டகாசம். குண்டு மழையில் ஒரே நொடியில் சுக்குநூறாய் சிதறிப்போகும் மக்கள் என பதர வைக்கும் யுத்தக் காட்சிகள், பாதுகாப்பு தருவதாக சொல்லி மக்களை அழைத்துக் கொண்டுபோய் சுட்டுத்தள்ளும் சிங்கள இராணுவம் என உணர்வுபூர்வமான காட்சிகள் முதல் பாதியில் தோன்றுகிறது.

இரண்டாம் பாதியில், தங்களைக் காப்பாற்றிக்கொள்ள வழி தெரியாமல், படகு வழியாக தமிழகம் வந்துசேர நினைக்கிறார்கள் சிலர். கடல் பயணத்தில் இராணுவக் கப்பல் தென்பட, பதற்றத்தில் பயந்து படகில் இருப்பவர்கள் பதுங்கிக்கொள்ள, களைப்பில் அசந்து உறங்கிவிட... எந்த திசையில் பயணம் செய்ய வேண்டும் என்பது தெரியாமல் தவிக்கின்றனர்.

கண்ணுக்கு தெரிகிற தூரம் வரை கடல்! நாம் கரையைப் பார்ப்போமா என உடலில் பலம் இல்லாமல் கண்களில் சந்தேகங்களோடு இருக்கும் மனிதர்களை பார்ப்பதற்கே நமக்கு துணிச்சல் இல்லாமல் போகிறது... படகில் உணவு தீர்ந்துபோக, குழந்தைக்கு பால் கொடுக்க உப்புத்தண்ணீரை குடிக்கும் தாய்... . என படத்தின் இரண்டாம் பாதியின்காட்சிகள் மனதை உலுக்குகிறது.

தமிழீழ விடுதலைப் புலிகள் பற்றிய முரணான கருத்துக்களுடன் ராவண தேசம் திரைப்படம்! Ravanathesam1

தமிழீழ விடுதலைப் புலிகள் பற்றிய முரணான கருத்துக்களுடன் ராவண தேசம் திரைப்படம்! Ravanathesam2

தமிழீழ விடுதலைப் புலிகள் பற்றிய முரணான கருத்துக்களுடன் ராவண தேசம் திரைப்படம்! Ravanathesam3