தமிழீழம் பற்றிய இந்தியாவின் நிலைப்பாட்டில் மாற்றம் வரும் - உருத்திரகுமாரன் பேட்டி..

தமிழீழம் பற்றிய இந்தியாவின் நிலைப்பாட்டில் மாற்றம் வரும் - உருத்திரகுமாரன் பேட்டி..

நாடு
கடந்த தமிழீழ அரசின் சர்வதேச இணைப்பாளராக உள்ள உருத்திரகுமாரன்
தமிழகத்தில் இருந்து வெளிவரும் குமுதம் பத்திரிகைக்கு அளித்துள்ள பேட்டி
இது..

புலம்பெயர்ந்த தமிழர்கள், தமிழீழ ஆதரவாளர்கள் மத்தியில் எக்சைல் கவர்ன்மெண்ட் என்ற வார்த்தை இப்போது மிக பிரபலம்.

தனித்
தமிழீழ கோரிக்கையை முன்வைத்து இலங்கையில் தொடர்ந்து போராட முடியாத
இன்றையச் சூழலில் போராட்டத்தை முன்னெடுத்துச் செல்ல புலம் பெயர்ந்த
தமிழர்கள் உருவாக்கியுள்ள அமைப்புதான், எக்சைல் கவர்ன்மெண்ட் எனப்படும்
நாடு கடந்த தமிழீழ அரசாங்கம்.

இதன் சர்வதேச இணைப்பாளராக உள்ள உருத்திரகுமாரனைத் தொடர்பு கொண்டோம்.

நாடு கடந்த தமிழீழ அரசாங்கத்தின் நோக்கம் என்ன..?

தமிழீழ
மக்கள் தமது முழுமையான அரசியல் அபிலாஷைகளையும், கோரிக்கைகளையும்,
உணர்வுகளையும் வெளிப்படுத்துவதற்கும், அதற்காகச் செயல்படுவதற்கும் இப்போது
எவ்வித வாய்ப்புகளும் தாயகத்தில் இல்லை.

இலங்கைத் தீவுக்கு
வெளியேதான் தமிழீழத்தை வென்றெடுப்பதற்கான வேலைத்திட்டங்களை நாம்
முன்னெடுக்க வேண்டியுள்ளது அதைத்தான் செய்து கொண்டிருக்கிறோம்.

மக்கள்
மத்தியில் இருந்து தேர்வு செய்யப்படும் பிரதிநிதிகளைக் கொண்டே
இவ்வரசாங்கம் அமைக்கப்படுகிறது. இதற்காக, தமிழ் மக்கள் புலம் பெயர்ந்து
வாழும் நாடுகளில் மே மாதம் 2-ம் நாள் தேர்தல்கள் நடத்தப்படுகின்றன.

இந்த அரசாங்கத்தின் முக்கிய நோக்கம் சுதந்திரமும் திறமையும் உடைய தமிழீழத் தனியரசை அமைப்பதற்காகப் பாடுபடுவது.

உங்கள் முயற்சிகளை சீர்குலைக்க இலங்கை அரசு முயற்சித்திருக்குமே..?

ஆமாம்..
ஆனால் சிறீலங்கா அரசு எவ்வளவு முயற்சித்தபோதும் நாடு கடந்த தமிழீழ
அரசாங்கத்தினை அமைக்கும் முயற்சிக்குத் தடைபோட எந்த நாடுமே
முயற்சிக்கவில்லை. மாறாக பல்வேறு வகைகளில் நாங்கள் ஆதரவுகளையே பெற்று
வருகிறோம்.

இந்திய அரசின் ஆதரவு இல்லாத நிலையில் இந்தியாவைத் தவிர்த்துவிட்டு ஈழத்தில் தனி அரசு அமைப்பது சாத்தியமா..?

அரசியல்
இராஜதந்திர நடைமுறையில் நிரந்தர நண்பனும் இல்லை. பகைவனும் இல்லை. நலன்களே
நிரந்தரமானவை என்பது ஒரு பிரபலமான கூற்று. இந்திய நலன்களும், ஈழத் தமிழர்
தேசத்தின் நலன்களும் இணையும்போது தமிழீழத் தனியரசுக்கான ஆதரவினை நாம்
இந்திய அரசிடமிருந்து எதிர்பார்க்க முடியும்.. இந்தியாவின் நிலைப்பாட்டில்
மாற்றங்கள் வருவதற்கான வாய்ப்புகள் உண்டு என்றே நாங்கள் கருதுகிறோம்.

இப்போது தமிழக அரசியல் சக்திகளை, ஈழத் தமிழர்களும் அவர்களின் தலைவர்களும் புறக்கணிப்பதாகச் சொல்லப்படுகிறதே..?

இது
உண்மை என நான் கருதவில்லை.. தமிழக மக்களும், தமிழக அரசியல் சக்திகளும்
தமது பலத்தின் மூலம் இந்திய அரசின் தமிழீழம் குறித்த நிலைப்பாட்டில்
மாற்றத்தை ஏற்படுத்தக்கூடிய வல்லமை படைத்தவர்கள். இதை உணர்ந்து தமிழகம்
இயங்கும்போதுதான் தமிழீழ விடுதலைக்கான வாசல் திறக்கும் வாய்ப்பு வரும்.

பிரபாகரன் உயிருடன் உள்ளார் எனத் தொடர்ந்து செய்திகள் வந்து கொண்டேயிருக்கின்றன. உண்மையில் பிரபாகரன் இருக்கிறாரா..? இல்லையா..?

காலம்தான் சில கேள்விகளுக்குப் பதிலளிக்கக் கூடியது.

நன்றி : குமுதம் - 28-04-10