Special Jamun -ஸ்பெஷல் ஜாமூன்

by **மாலதி** Fri Nov 01, 2013 9:40 pm

எந்த ஒரு விஷேசம் என்றால் அனைவரும் செய்ய நினைப்பது குலாப்ஜாமூன் தான். எப்பொழுதும் ஒரே மாதிரி செய்யாமல், இப்படி ஒரு முறை செய்து பாருங்கள்..சுவையாக இருக்கும்.

சமைக்க தேவைப்படும் நேரம் : 30 நிமிடங்கள்

தேவையான பொருட்கள் :

· குலாப்ஜாமூன் மிக்ஸ் – 1 சிறிய பக்கட்

· சக்கரை – 2 கப் + 1 தே.கரண்டி

· ஏலக்காய் – 1

· எண்ணெய்/ நெய் – பொரிப்பதற்கு

· கலர் – விரும்பிய நிறத்தில் சிறிதளவு

· பால் – தேவையான அளவு மாவு பிசைவதற்கு

செய்முறை :

v குலாப்ஜாமூன் மிக்ஸில் 3/4 பகுதியினை தனியாக எடுத்து கொள்ளவும். இத்துடன் 1 தே.கரண்டி சக்கரை + தேவையான அளவு பால் சேர்த்து பிசைந்து கொள்ளவும்.

v இதனை பெரிய பெரிய உருண்டைகளாக உருட்டி வைக்கவும்.

v கலர் உருண்டைகள் :மீதன் உள்ள 1/4 பகுதியினை தனியாக வைக்கவும். இத்துடன் நீங்கள் விரும்பிய கலர்(பச்சை, மஞ்சள், சிவப்பு, ஆரஞ்சு எதாவது ஒன்று ) + பால் சேர்த்து பிசைந்து கொள்ளவும்.

v இதனை சிறிய சிறிய உருண்டைகளாக உருட்டி கொள்ளவும்.

v இப்பொழுது பெரிய உருண்டைகளை சிறிது தட்டையாக தட்டவும். சிறிய உருண்டைகளை அதில் வைத்து மூடி விரும்பிய வடிவத்தில் உருட்டி கொள்ளவும்.

v சக்கரை பாகு : ஒரு அகலமான பாத்திரத்தில், சக்கரை + ஏலக்காய் + 2 கப் தண்ணீர் சேர்த்து பாகுகாய்ச்சி வைக்கவும்.

v ஜாமூன்களை பொரிக்க : எண்ணெயினை காயவைத்து, அதில் செய்து வைத்துள்ள ஜாமூன் உருண்டைகளை போட்டு பொரித்து எடுத்து தனியாக வைக்கவும்.

v பொரித்து எடுத்துள்ள ஜாமூன்களை திரும்பவும் எண்ணெயில் போட்டு பொரித்து எடுக்கவும். (இப்படி செய்வதினால் கருப்பு நிறமாகிவிடும். அப்பொழுது தான் சக்கரை பாகில் ஊற்றும் பொழுது , உள்ளே இருக்கும் கலர் நன்றாக தெரியும்.ஜாமூனும் சுவையாக இருக்கும்.)

v பொரித்த ஜாமூன்களை சக்கரைபாகில் சேர்த்து சிறிது நேரம் ஊறவிடவும். சுவையான ஜாமூன் ரெடி.

குறிப்பு :

எண்ணெயில் ஜாமூன்களை பொரிப்பதாக இருந்தால், சக்கரை பாகில் 1 தே.கரண்டி நெய் சேர்த்து எண்ணெயில் பொரித்த ஜாமூன்களை ஊறவைத்தால், நெயில் பொரித்த மாதிரி சுவையாக இருக்கும்.

by **Tamil** Sat Nov 02, 2013 6:15 am

Special Jamun -ஸ்பெஷல் ஜாமூன்

Special Jamun -ஸ்பெஷல் ஜாமூன்

Re: Special Jamun -ஸ்பெஷல் ஜாமூன்