Privacy ஐப் பாதுகாக்கும் uProxy உம்,பெற்றோர்களுக்கானWeb Protection உம்.

by **sakthy** Thu Oct 24, 2013 11:14 pm

Privacy ஐப் பாதுகாக்கும் uProxy உம்,பெற்றோர்களுக்கானWeb Protection உம்.

இணையத்தில் சென்று தமிழில் தேடுவதற்கு எனக்கு சிறிது தயக்கம். (அ)நாகரீகம் எந்த அளவு வளர்ந்தாலும்,பாலியல் கல்வி எந்த அளவிற்கு வளர்ந்தாலும்,பணக்காரப் பெரு நாட்டில் வாழ்ந்தாலும் அந்த அளவிற்கு என்னை நான் வளர்த்துக் கொள்ள முடியவில்லை. தமிழ் தேடுபொறியில் எதையோ தேடச் சென்றால்,வந்து குவிகிறது அந்தக் குப்பைகள். அனைவரையும் வலிந்து கவர்ந்து இழுக்கும் அவை அருவருப்பைத்தான் எனக்குத் தந்தது. இது ஒருபுறம் இருக்க, வன்முறையை வளர்த்து திசை திருப்பி அழைத்து செல்ல இணையத்தளங்களும்,வலைப்பூக்களும் ஏராளம். தேடும் போது முதலில் மூக்கை நுழைப்பது இவைகள் தான்.என்னைப்போல் பலர் இருக்கலாம்.பல பெற்றோர்கள்,அக்கா தங்கைகள்,அண்ணா தம்பிக்கள் கூட இருக்கலாம்.

இப்படியானவற்றில் இருந்து பாதுகாப்பாக இணையம் செல்லவும்,தனிப்பட்ட விபரங்களை (Privacy) பாதுகாப்பாகப் பகிர்ந்து கொள்ளவும்,சிலர் எண்ணிப் பார்க்க,அதிக கவனம் செலுத்தத் தொடங்கி உள்ளனர்.கணவன் மனைவி படுக்கை அறைக் காட்சிகள், அவர்களுக்குத் தெரியாமலேயே எப்படி இணையத்தில் வலம் வருகிறது? கணினியையும் கைத்தொலைபேசியையும் திருத்தக் கடைக்கு கொண்டு சென்றவர்களின் தரவுகள் திருடப்பட்டனவா? திருத்த வேலைக்கு வீட்டிற்கு வந்த தொழிலாளர்கள் காமெராக்களை பொருத்திச் சென்றனரா? விடை எதுவானாலும்..................

இணைய Privacy பாதுகாப்பிற்காக, விரைவில் கூகிள் அறிமுகப்படுத்த இருக்கும், google Chrome மற்றும் Firefox இலும் பயன்படுத்தக் கூடிய,பிரவுசர் இணைப்பு (extension) uProxy ஆகும். தற்போது Beta Version ஆக உள்ள இதன் மூலம், பாதுகாப்பான இணைய இணைப்பை, peer-to-peer -VPN முறையில், நண்பர்களுக்கு இடையே ஏற்படுத்திக் கொள்ள முடியும். இதைவிட..............

WEB -Protection – இணையத்தில் வைரஸ்,மால்வெயர் கள் மூலம் கணினியை தாக்குவதில் இருந்து காத்துக் கொள்ள, பல மென்பொருட்கள் Web Protection ஆக கொட்டிக் கிடக்கின்றன. ஆனால் திசைமாறும் குழந்தைகளை,இளைஞர்களை காப்பாற்ற அல்லது என்னைப் போல் மனம் சுழிப்பவர்களுக்காக, ஒரு சில முறைகளே உள்ளன.கணினியில் Family Safety, இணையத்தில் சில பாதுகாப்பு முறைகள், பெற்றோர்களுக்கு ஆறுதல் தந்தாலும், வெளி நாடுகளில் உள்ள பல பெற்றோர்களுக்கு இவை போதுமானதாக இல்லை, என்று சொல்வதையே நான் கேட்டிருக்கிறேன்.

இந்த குறையை ஓரளவிற்காவது தீர்க்க உதவுவது k9 webprotection ஆகும்.

குழந்தைகள்,இளைஞர்கள்,ஏன் நம்மைக் கூட எச்சரிக்கும் இந்த பாதுகாப்பு முறை,பல வசதிகளை தருகிறது.தவறான பாலியல் வழிகாட்டல், போதைப்பொருள்,வன்முறை எனப் பல வேறு பிரிவுகளாக பிரித்து,வயதின் அடிப்படையில் பிரிவுகளாக பிரித்தும் கட்டுப்பாட்டை, தடைகளை சிறந்த கடவுச்சொல் மூலம் ஏற்படுத்துகிறது இந்த மென்பொருள். தொழில்நுட்பம் தெரிந்தவர்கள் கூட கடவுச்சொல்லை உடைக்க முடியாத நிலையில் உருவாக்கி இருக்கிறார்கள்.

பாதுகாப்பான தேடல்,குறிப்பிட்ட நேரத்தில் இணையம் செல்லல்,வேறு வழியில் உள்ளே நுழைந்தால் அது பற்றிய விபரங்கள் கொண்ட அறிக்கை-இதன் மூலம் பெற்றோர் உசார் ஆகும் எச்சரிக்கை, இப்படி பல வசதிகளைத் தரும் இந்த மென்பொருளை கணினி மட்டுமல்லாது, ஐ-போன், ஐ-பாட் போன்றவற்றிலும் பயன்படுத்திக் கொள்ளலாம்.

எவ்வளவிற்கு வளரும் தொழில்நுட்பம் வசதிகளையும், நன்மைகளையும் தந்தாலும், கலாச்சார பண்பாட்டுச் சீரழிவையும்,ஆபத்தையும் இந்த சமூகத்திற்கு தரவே செய்கிறது.