தோழர் தியாகுவின் உடல் நிலை கவலைக்கிடம்

by **Tamil** Tue Oct 15, 2013 6:41 am

தோழர் தியாகுவின் உடல் நிலை கவலைக்கிடம்

இலங்கையில் இடம்பெறும் பொதுநலவாய மாநாட்டில் இந்தியப் பிரதமர் பங்கேற்கக் கூடாது போன்ற கோரிக்கைகளை வலியுறுத்தி தோழர் தியாகு அவர்கள் சென்னையில் தொடர்ச்சியாக உண்ணாவிரதம் இருந்து வருகின்றார்.

இன்று 14 ஆவது நாளாகவும் தோழர் தியாகு உண்ணாவிரதப் போராட்டத்தினை தொடர்ந்து வருகின்றார்.
[You must be registered and logged in to see this link.]watch?v=8CzLRpP7x0M

சாகும் வரையான உண்ணாவிரதத்தை கைவிட திரு.தியாகு அவர்கள் மறுத்து வருகின்றார்.

இனியும் உண்ணா நிலைப் போராட்டத்தை தொடர்ந்தால் அவருடைய உறுப்புகள் செயலிழக்கும் நிலை ஏற்படுவதுடன் இனி எந்த நொடியிலும் அவருக்கு திடீர் மரணம் ஏற்படலாம் என்று மருத்துவர்கள் கவலை வெளியிட்டுள்ளனர்.

இனியும் பொறுமையுடன் இருந்தால் தமிழனுக்காய் குரல் கொடுக்கும் ஒவ்வொருவரையும் இழந்துவிட வேண்டிய துர்ப்பாக்கிய நிலைக்கு நாம் தள்ளப்பட்டு விடுவோம்.

எந்த நேரமும் தோழர் தியாகு கைது செய்யப்படும் நிலை

கொமன் வெல்த் மாநாட்டை இந்தியா புறக்கணிக்க கோரி 14 நாட்களாக உண்ணா விரதப் போராட்டத்தில்

ஈடுபட்டு வரும் தோழர் தியாகுவின் உண்ணா விரத போராட்ட பந்தலை காவல் துறையினர் முற்றுகையிட்டுள்ளனர். எந்த நேரமும் தமிழனுக்காய் குரல் கொடுக்கும் தோழர் கைது செய்யப்படும் நிலையே காணப்படுகின்றது. இதனால் தோழரின் ஆதரவாளர்கள் பதற்றத்துடன் காணப்படுகின்றனர்.

தோழருக்கு ஆதரவு வழங்கி வருகின்றது மக்கள் இயக்கங்களின் தேசிய கூட்டமைப்பு.இவர்கள் தோழர் தியாகுவின் தியாகத்தை மதித்து கடிதம் மூலம் தொடர்பும் கொண்டுள்ளனர்.

by **Tamil** Tue Oct 15, 2013 7:45 am

by **Tamil** Tue Oct 15, 2013 7:46 am

தோழர் தியாகுவின் உடல் நிலை கவலைக்கிடம் 1379329_1440968742796096_855412129_n

தோழர் தியாகுவின் பட்டினிப் போராட்டம் 14-வது நாளாக இன்று தொடர்ந்து கொண்டிருந்த நிலையில், இன்று பிற்பகல் முதல் காவல் துறையின் நடமாட்டம் அதிகமாக இருந்தது. ஏராளமான காவல்துறை வ்ண்டிகள் போராட்டப் பந்தலுக்கு அருகே அணிவகுத்து நின்றன. காவல்துறை உயர் அதிகாரிகள் போராட்டப் பந்தலுக்கு வந்து தோழர் தியாகுவின் உடல்நிலையைக் கருத்தில் கொண்டு உடனடியாக மருத்துவமனைக்குக் கொண்டு செல்ல வேண்டும் என்று கூறினார்கள். ’அந்தக் கவலை உங்களுக்கு வேண்டாம். அவர் உடல் நிலையில் உங்களைக் காட்டிலும் எங்களுக்கு அதிக அக்கறை உண்டு. இது ஒரு போராட்டம். இதற்கு இந்திய அரசு பதில் சொல்ல வேண்டும்’, என்று போராட்டக் குழுவினரும், தோழர்களும் தெரிவித்தார்கள். ஏற்கெனவே, அக்.7-ம் நாள் இராயப்பேட்டை அரசு மருத்துவமனைக்குக் கொண்டு சென்று அக்.11 அன்று மேலிட உத்தரவுப்படி, அன்று வெளியே செல்லும்படி சொன்ன போது உங்க அக்கறை எங்கே போச்சு, என்று தோழர்கள் கேட்டதற்கு போலீஸிடம் பதில் இல்லை. மீண்டும் மருத்துவமமைக்கு வரப் போவதில்லை என்று தோழர் தியாகு தெரிவித்தார். இதற்கிடையில், போராட்டப் பந்தலில் போலீஸ் குவிப்பை அறிந்த தோழர்கள் போராட்டப் பந்தலில் குவிந்தனர். தொல்.திருமாவளவன் அவர்களும் வன்னியரசு அவர்களும் தங்கள் கட்சித் தோழர்களுடன் போராட்டப் பந்தலுக்கு வந்து சேர்ந்தார். இராஜிவ் காந்தி அரசு பொது மருத்துவமனையில் இருந்து வந்த மருத்துவர்கள் குழு தோழர் தியாகுவை பரிசோதனை செய்தது. உடனடியாக மருத்துவமனையில் சேர்க்க வேண்டும் என்று மருத்துவர் வற்புறுத்தினார். ’அதற்கு அவசியமில்லை. எங்கள் மருத்துவர் தினமும் பரிசோதனை செய்கிறார். த.மு.மு.க தோழர்கள் ஏற்பாடு செய்த ஆம்புலன்ஸ் போராட்டப் பந்தலிலேயே நிற்கிறது. தேவைப்பட்டால், நாங்களே அவரை அழைத்து வருகிறோம் என்று போராட்டக் குழுவினரும், தோழர்களும் தெரிவித்தனர். ஆனால், அவரை விட்டு செல்ல முடியாது. உடனடியாக கொண்டு செல்ல வேண்டும் என்று மருத்துவர் தொடர்ந்து வற்புறுத்தினார். தொடர்ந்து காவல் துறை விடாப்பிடியாக நின்றது. காவல் துறையினர் குவிந்து கொண்டிருந்தனர். பகுதியில் உள்ள கடைகளை அடைக்க வைத்துவிட்டனர். டாக்டர்.வாசுதேவன் சாலையில் தடுப்புகளைப் போட்டு யாரும் உள்ளே நுழையாதபடி தடுத்துக் கொண்டிருந்தனர். இந்நிலையில், தோழர் தியாகுவும் போராட்டக் குழுவினரும்ஆலோசனை நடத்தினர். முடிவில், தோழர் தியாகு மருத்துவமனைக்கு செல்வதென்றும், அவர் மருத்துவமனையில் இருந்தாலும் பட்டினிப் போராட்டத்தைத் தொடர்வதென்றும் அறிவித்தனர். ஆம்புலன்ஸ் மூலமாக இராஜிவ் காந்தி அரசுப் பொது மருத்துவமனைக்கு தோழர் தியாகு கொண்டு செல்லப்பட்டார். தற்போது , மருத்துவமனையில் வலுக்கட்டாயாமாக இருத்தி வைக்கப்பட்டுள்ள தோழர் தியாகு தனது பட்டினிப் போராட்டத்தை 14-வது நாளாகத் தொடர்ந்து கொண்டிருக்கிறார்.

by Sponsored content

தோழர் தியாகுவின் உடல் நிலை கவலைக்கிடம்

தோழர் தியாகுவின் உடல் நிலை கவலைக்கிடம்

Re: தோழர் தியாகுவின் உடல் நிலை கவலைக்கிடம்

Re: தோழர் தியாகுவின் உடல் நிலை கவலைக்கிடம்

Re: தோழர் தியாகுவின் உடல் நிலை கவலைக்கிடம்