ஒரு வேளை கருணாநிதி முதல்வராக இருந்து சினிமா 100 விழா நடந்திருந்தால் எப்படி இருக்கும்? ஒரு சின்ன கற்பனை .

by **mmani** Sun Sep 29, 2013 6:48 am

ஒரு வேளை கருணாநிதி முதல்வராக இருந்து சினிமா 100 விழா நடந்திருந்தால் எப்படி இருக்கும்?

ஒரு சின்ன கற்பனை .
[You must be registered and logged in to see this image.]
முதல் நாள் காலை ராசாத்தி அம்மாள் குத்து விளக்கு ஏற்றி விழாவை தொடங்கி வைத்திருப்பார். காலை 10 மணியளவில் கடந்த 100 வருடங்களில் சிறந்த படம் பராசக்தியா அல்லது மனோஹராவா என்ற பட்டி மன்றம் சாலமன் பாப்பையா தலைமையில் நடந்திருக்கும்.முதல் வரிசையில் துரைமுருகன் கயல்விழி அழகிரி,கனிமொழி துரை தயாநிதி உதயநிதி ஸ்டாலின் போன்ற திரையுலக ஜாம்பவான்கள் அமர்ந்து பட்டிமன்றத்தை ரசித்திருப்பார்கள்.

மதியம் மூன்று மணியளவில் தமிழ் திரையுலகத்தை வாழ வைத்த பாடலாசிரியர் கருணாநிதியா? கண்ணதாசனா? பட்டுக்கோட்டையாரா? என்ற பட்டி மன்றம் நடந்திருக்கும்.கண்ணதாசன் என்ற அணியில் ப.விஜயும் பட்டுக் கோட்டையார் என்ற அணியில் வைரமுத்துவும் கலந்து கொண்டு பேசி கருணாநிதியே சிறந்த பாடலாசிரியர் என்று கூறி தங்கள் அணியின் தோல்வியை பெரிய மனதோடு ஒப்புக் கொண்டிருப்பார்கள்.

மாலை கருணாநிதி தலைமையில் நடக்கும் விழாவில் வாழ்நாள் சாதனையாளர் விருது மு.க.முத்துவிற்கு கொடுத்திருப்பார்கள்.அதை கொடுக்கும் பாக்கியம் தனக்கு கிடைத்த பெரிய கவுரவம் என்று விருதினை கொடுத்து கமல் பேசியிருப்பார்.ஒரு கல் ஒரு கண்ணாடி படத்தில் நடித்ததன் மூலம் கோடிக்கணக்கான ரசிகர்களை பெற்றிருக்கும் உதயநிதி ஸ்டாலினுக்கு ஸ்டைல் கிங் பட்டத்தை ரஜினி கொடுத்து தன்னை விட சூப்பராக இருந்தது உதயநிதியின் ஸ்டைல் என்று மனதார பாராட்டியிருப்பார்.

சூடா தின்னு வடகறி எங்க அப்பா பேரு அழகிரி நான் ஓட்ட போறேன் குதிரை என் சொந்த ஊரு மதுரை என்ற அற்புதமான கவிதை மழை பொழிந்து புதுக்கவிதைக்கு புத்துயிர் தந்தவர் என்ற பட்டத்தை கயல்விழி அழகிரி பெற்றிருப்பார்.பாரதியாரின் பேரன் ராஜ்குமார் பாரதி இந்த விருதை கொடுத்து அதன் மூலம் அவருக்கு ஒரு கவுரவத்தை பெற்றிருப்பார்.

தன்னுடைய அம்மா திகாரில் களி தின்ற பொழுது அம்மா வேணும் அம்மா வேணும் என்று அழுது அனைவரின் மனதையும் உருக்கிய ஆதித்தியாவிற்கு சிறந்த குழந்தை நடிகர் என்ற பட்டத்தை ஆந்திர முதல்வர் தனது பொற்கரங்களால் கொடுத்திருப்பார்.

பயித்தியமாக நடித்து சி.பி.ஐ யை ஏமாற்றும் தயாளு அம்மாவிற்கு கண்ணாம்பா விருது கொடுத்து பாராட்டியிருப்பார் பாரதிராஜா.

ஏன் லண்டன் போகிறார்? என்ன வியாதி? என்பதை மர்மமாக வைத்திருக்கும் ஸ்டாலினுக்கு ஹிச்காக் விருதை ரன்தீர்கபூர் வழங்கி கவுரவித்திருப்பார்.

முதலாளியோ பார் டனரோ இல்லாமலே கோடிக்கணக்கில் கடன் வாங்கிய டி.வி யாக கலைஞர் டி.வி. தேர்ந்தெடுக்கப்பட்டு அந்த விருதை யார் வாங்குவது என்று தெரியாமல் கலைஞர் டி.வியில் மட்டுமே நிகழ்ச்சி நடத்தும் லியோனி அதை மத்திய செய்தி ஒலிபரப்பு துறை அமைச்சரிடமிருந்து பெற்றிருப்பார்.

அதை தொடர்ந்து கலை நிகழ்ச்சிகள் கலா மாஸ்டர் தலைமையில் நடக்க முன் வரிசையில் அமர்ந்து சக்கர நாற்காலியின் அளவை குறைத்து கீழே அமர்ந்து கருணாநிதி ரசிக்க மாங்கா மாங்கா ரெண்டு மாங்கா மார்கட்டு போகாத குண்டு மாங்கா என்ற பாடலுக்கு குஷ்பு நடனம் ஆட கலை நிகழ்ச்சி களை கட்ட தொடங்கியது.

புடவை கட்டிக் கொண்டு வந்த ஒரே காரணத்துக்காக மனோரமாவிற்கு மேடையில் இடம் கொடுக்கவில்லை. இத்தனை வருடங்களாக திரையுலகில் இருக்கிறார் இவருக்கு இன்னும் கலைஞரின் ரசனையே புரியவில்லையே என்று வாகை சந்திரசேகர் தன்னுடைய கண்டனத்தை தெரிவித்தார்.

அதை தொடர்ந்து விருது வழங்கும் விழா தொடங்கியது. காலையில் சொன்னதை மாலையில் மாற்றி பேசுவதால் கருணாநிதிக்கு குணா விருது வழங்கப்படிருக்கும்.இலங்கை தமிழர்கள் விஷயத்தில் இவரது நடிப்பை பாராட்டி செவாலியே சிவாஜி விருதை ஞானதேசிகன் கருணாநிதிக்கு வழங்கியிருப்பார்.கருணாநிதியின் உண்ணாவிரத காமெடியை பாராட்டி கலைவாணர் விருதும் கருணாநிதிக்கு பாரதிராஜா மூலம் வழங்கப்பட்டிருக்கும்.

திகாரில் களி தின்ற சாதனையை பாராட்டி செக்கிழுத்த செம்மல் விருதை கனிமொழிக்கு ஜெகத் கேஸ்பர் வழங்கியிருப்பார்.வீரபாண்டிய கட்டபொம்மன் விருதை அஞ்சா நெஞ்சன் அழகிரிக்கு ஹார்லிக்ஸ் க்ரூப் ஆப் கம்பெனியின் பொது மேலாளர் வழங்கியிருப்பார்.

இறுதியாக சிறப்புரை ஆற்ற வரும் கருணாநிதி தமிழ் சினிமா பேச தொடங்கிய காளிதாஸ் படத்திலேயே தன்னுடைய வசனம் இடம் பெற்றது என்ற ரகசியத்தை சொல்லி அனைவரையும் கருணாநிதி ஆச்சிரியத்தில் ஆழ்த்தியிருப்பார்.

கருணாநிதியின் வசனங்களை மட்டும் பாடங்களாக வைத்து ஒரு பல்கலைகழகம் தொடங்க வேண்டும் என்று கோரிக்கை வைத்த வைரமுத்துவின் ஆசையை தான் நிச்சயம் நிறைவேற்றுவேன் என்று கருணாநிதி வாக்கு கொடுத்திருப்பார்.அந்த கோரிக்கைக்கு கமலும் ரஜினியும் எழுந்து நின்று கை தட்டியிருப்பார்கள்.

விஜயை விட சுறுசுறுப்பாகவும் நளினமாகவும் நடனம் ஆடக் கூடிய அருள்நிதியின் தாத்தா தான் என்பதில் பெரும் மகிழ்ச்சி அடைவதாக கருணாநிதி சொல்லி நூறு வருடங்களாக சினிமாவை காப்பாற்றும் பெரிய பொறுப்பை சாந்தாராம் எல்லிஸ் ஆர்.டங்கண் போன்ற இயக்குனர்கள் தன்னிடம் கொடுத்திருப்பதையும் வயதான காரணத்தால் அந்த பொறுப்பை மூவேந்தர்களாகிய உதயநிதி ஸ்டாலின் தயாநிதி அழகிரி அருள்நிதி ஆகியோரிடம் தான் ஒப்படைப்பதாக கருணாநிதி கூறும் போது விஜய் அஜித் ஆரியா போன்ற மூத்த கலைஞ்கர்கள் எழுந்து நின்று ஆனந்த கண்ணீர் பொங்க கை தட்ட பெரியார் பட பாடலோடு விழா நிறைவு பெற்றிருக்கும்

by **mmani** Mon Mar 10, 2014 8:08 pm

நல்ல அருமையான கற்பனை

by **ஜனனி** Tue Mar 11, 2014 7:49 am

mmani wrote: நல்ல அருமையான கற்பனை

by Sponsored content

ஒரு வேளை கருணாநிதி முதல்வராக இருந்து சினிமா 100 விழா நடந்திருந்தால் எப்படி இருக்கும்? ஒரு சின்ன கற்பனை .

ஒரு வேளை கருணாநிதி முதல்வராக இருந்து சினிமா 100 விழா நடந்திருந்தால் எப்படி இருக்கும்? ஒரு சின்ன கற்பனை .

Re: ஒரு வேளை கருணாநிதி முதல்வராக இருந்து சினிமா 100 விழா நடந்திருந்தால் எப்படி இருக்கும்? ஒரு சின்ன கற்பனை .

Re: ஒரு வேளை கருணாநிதி முதல்வராக இருந்து சினிமா 100 விழா நடந்திருந்தால் எப்படி இருக்கும்? ஒரு சின்ன கற்பனை .

Re: ஒரு வேளை கருணாநிதி முதல்வராக இருந்து சினிமா 100 விழா நடந்திருந்தால் எப்படி இருக்கும்? ஒரு சின்ன கற்பனை .