வடக்கில் தமிழர்களின் மாபெரும் வெற்றி! மகிந்தவுக்கு பெரும் அவமானத்தை ஏற்படுத்தும் அடையாளம்... தனி நாடு அல்லது ஐக்கிய இலங்கைக்குள் அதிகார பகிர்வு வழங்கப்பட வேண்டும் தமிழர்கள் : அல்-ஜெசீரா

by **மாலதி** Mon Sep 23, 2013 7:34 am

தமிழ் பிரிவினைவாத போராளிகளுக்கும் அரச படையினருக்கும் இடையிலான 26 வருடகால போர் முடிவுக்கு வந்த பின்னர் இலங்கையின் பிரதான சிறுபான்மை இனமன தமிழர்களின் கட்சி மாகாண சபைத் தேர்தலில் பெற்றுள்ள மிகப்பெரிய வெற்றியானது அரசாங்கத்திற்கும் தமிழர்களுக்கும் இடையில் விரோத்தை கட்டியெழுப்பும் அச்சத்தை ஏற்படுத்தியிருப்பதாக அல்-ஜெசீரா தெரிவித்துள்ளது.
வடக்கில் தமிழர்களின் மாபெரும் வெற்றி! மகிந்தவுக்கு பெரும் அவமானத்தை ஏற்படுத்தும் அடையாளம்... தனி நாடு அல்லது ஐக்கிய இலங்கைக்குள் அதிகார பகிர்வு வழங்கப்பட வேண்டும் தமிழர்கள் : அல்-ஜெசீரா 544900_636994666340533_844425346_n

வடக்கில் தமிழர்களின் மாபெரும் வெற்றி! மகிந்தவுக்கு பெரும் அவமானத்தை ஏற்படுத்தும் அடையாளம்... தனி நாடு அல்லது ஐக்கிய இலங்கைக்குள் அதிகார பகிர்வு வழங்கப்பட வேண்டும் தமிழர்கள் : அல்-ஜெசீரா 544900_636994666340533_844425346_n

வடக்கு மாகாண சபையில் மொத்தமுள்ள 38 ஆசனங்களில் தமிழ்த் தேசியக் கூட்டமைப்பு 30 ஆசனங்களை கைப்பற்றியுள்ளது. ஜனாதிபதி மகிந்த ராஜபக்ஷவின் ஆளும் கூட்டணி 7 ஆசனங்களையும் முஸ்லிம் காங்கிரஸ் கட்சி ஒரு ஆசனத்தையும் கைப்பற்றியுள்ளது.

ஜனநாயகத்தை ஸ்தாபிக்குமாறு சர்வதேச ரீதியில் இலங்கை அரசுக்கு கொடுக்கப்பட்ட நெருக்குதல் காரணமாக வடக்கில் 25 வருடங்களுக்கு பின்னர் முதல் முறையாக மாகாண சபைத் தேர்தல் நடத்தப்பட்டது.

எனினும் 2005 ஆம் ஆண்டு ராஜபக்ஷ அரசாங்கம் பதவியேற்ற பின்னர் ஏற்பட்டுள்ள இந்த தோல்வி அவருக்கு பெரும் அவமானத்தை ஏற்படும் அடையாளமாகும்.

எனினும் கூட்டமைப்பின் வெற்றியானது, 2009 ஆம் ஆண்டு போராளிகள் தோற்கடிக்கப்பட்டாலும் இலங்கையின் 20 மில்லியன் மக்கள் தொகையில் 14 வீதமான தமிழர்களின் தன்னாட்சி கோரிக்கைக்கு தாக்கத்தை ஏற்படுத்தவில்லை என்பதை காட்டுகிறது.

தமிழர்களுக்கு அரசியல் தீர்வு வேண்டும் என்பதை வடக்கு மக்கள் சர்வதேச சமூகத்திற்கு அழுத்தமாக தெரிவித்துள்ளதாக யாழ்ப்பாணத்தை சேர்ந்த கணனி ஆசிரியரான ரி. சிவரூபன் கூறினார்.தனி நாடு அல்லது ஐக்கிய இலங்கைக்குள் அதிகார பகிர்வு வழங்கப்பட வேண்டும் எனவும் அவர் கூறினார்.

ஆறு தசாப்த காலமாக அமைதியான போராட்டங்கள் மற்றும் இரத்தம் சிந்திய ஆயுதப் போராட்டம் ஆகியவற்றின் மூலம் தன்னாட்சி அதிகாரத்தை தமிழர்கள் கோரியது போதும் அது வெற்றியளிக்கவில்லை.

இந்த நிலையில் போர் நடைபெற்ற போது தமிழர்களுக்கு அதிகாரத்தை பரவலாக்குவதாக ராஜபக்ஷ வழங்கிய உறுதிமொழிகள் தொடர்பில் சர்வதேசம் கொடுத்த கடும் அழுத்தங்கள் காரணமாக அவர் தேர்தலை அறிவித்தார்.

கொழும்பில் எதிர்வரும் நவம்பர் மாதம் நடைபெறவுள்ள பொதுநலவாய நாடுகளின் உச்சி மாநாடும் தேர்தல் நடத்தப்படுவதில் பெரும் அழுத்தங்களை ஏற்படுத்தியிருந்தன.

இறுதிக்கட்ட போரில் இராணுவத்தினால் குற்றங்கள் இழைக்கப்பட்டமை தொடர்பில் உரிய விசாரணைகள் நடத்தப்படவில்லை என சர்வதேசம் சுமத்திய குற்றச்சாட்டுகளை இலங்கை மறுத்தது. இறுதிக்கட்ட போரில் 40 ஆயிரம் பொதுமக்கள் கொல்லப்பட்டதாக ஐ.நா அறிக்கையில் குறிப்பிடப்பட்டுள்ளது.

இந்த நிலையில் நடந்து முடிந்த தேர்தல் முடிவுகள் உட்கட்டமைப்பு அபிவிருத்திகளையும் தாண்டி தன்னாட்சி அதிகாரம் வேண்டும் என்பதை வெளிகாட்டியுள்ளது.

எவ்வாறாயினும், மாகாண சபைகள் பெரிய அதிகாரங்கள் இல்லை. புதிய மாகாண அரசுக்கு தலைமையேற்க உள்ள முன்னாள் நீதியரசர் சி.வி. விக்னேஸ்வரன், மாகாணத்தில் அதிக துறைகளை கட்டுப்பாட்டில் கொண்டிருக்கும் மத்திய அரசினால் நியமிக்கப்பட்டுள்ள ஆளுநருடன் போட்டியிட வேண்டியிருக்கும்.

இது மத்திய அரசுக்கும் மாகாண அரசுக்கும் இடையில் முரண்பாகளை ஏற்படுத்தலாம். இவ்வாறான நிலையில் மாகாண சபையில் தமக்குள்ள நான்கில் மூன்று பெரும்பான்மை பலத்தை கொண்டு ஆளுநருக்கு எதிராக நம்பிக்கையில்லா பிரேரணையை கொண்டு வரலாம் என அதில் தெரிவிக்கப்பட்டுள்ளது.

தேர்தலுக்கு முந்தய காணொளி அல்-ஜெசீரா

by **மாலதி** Mon Sep 23, 2013 7:35 am

by **மாலதி** Mon Sep 23, 2013 7:36 am

by Sponsored content