கோலாகலமாக நடைபெற்ற சீமான்- கயல்விழி திருமணம்

by **Tamil** Sun Sep 08, 2013 7:28 pm

நாம்தமிழர் கட்சி தலைவர் சீமானுக்கும் மறைந்த முன்னாள் சபாநாயகர் காளிமுத்துவின் மகள் கயல்விழிக்கும் இன்று திருமணம் கோலாகலமாக நடைபெற்றது.

ஈழ உணவரவால் மலர்ந்த இவர்களது காதல் பின்பு இரு வீட்டு சம்மதத்துடன் திருமணம் நிச்சயிக்கப்பட்டது.
இவர்கள் திருமணம் நந்தனம் ஒய்.எம்.சி.ஏ. திடலில் இன்று காலையில் நடந்தது. தமிழர் தேசிய இயக்க தலைவர் பழ.நெடுமாறன் தலைமை தாங்கி திருமணத்தை நடத்தி வைத்தார்.
சீமான் பட்டுவேட்டி, பட்டு சட்டை அளிந்து இருந்தார். மணப்பெண் கயல்விழி தங்கநிற பட்டு சேலை அணிந்து இருந்தார்.
இவர்கள் திருமணம் தமிழ்முறைப்படி சீர்திருத்த முறையில் நடந்தது. தமிழ் முதல் எழுத்தான ‘அ’ பொறிக்கப்பட்ட டாலருடன் கூடிய தாலியை 10 மணியளவில் பழ.நெடுமாறன் எடுத்து கொடுத்து அதை சீமான் கயல்விழி கழுத்தில் அணி வித்தார்.
பின்பு இருவரும் மாலை மாற்றிக் கொண்டனர். மேடையில் இருந்த முக்கிய பிரமுகர்களும் திருமணத்துக்கு வந்திருந்த உற்றார் உறவினர்கள், நண்பர்கள் மணமக்களுக்கு வாழ்த்து தெரிவித்தனர்.
தமிழக வாழ்வுரிமை கட்சி தலைவர் வேல்முருகன், இந்திய கம்யூ. முன்னாள் எம்.எல்.ஏ. மகேந்திரன், கவிஞர் தமிழச்சி தங்கபாண்டியன், ம.தி.மு.க. துணை பொது செயலாளர் மல்லை சத்யா, பாலவாக்கம் சோமு, திருச்சி வேலுசாமி, தமிழருவி மணியன், புதிய பார்வை ஆசிரியர் ம.நடராஜன்.
நடிகர்கள் சத்யராஜ், ஜெயம்ரவி, ராஜேஷ், டைரக்டர் பாரதிராஜா மகன் மனோஜ், விக்னேஷ், இயக்குனர்கள் பாலுமகேந்திரா, ஆர்.கே.செல்வமணி, சேரன், அமீர், ஜெயம்ராஜா, புகழேந்தி, ஸ்டண்டுமாஸ்டர் ஜாக்குவார் தங்கம், வாகை சந்திரசேகர், வையாபுரி, தயாரிப்பாளர் ஆர்.பி.சவுத்ரி, கவிஞர் காசி ஆனந்தன், வணிகர் சங்க பேரவை தென் சென்னை மாவட்ட தலைவர் சவுந்தரராஜன் உள்பட பலர் கலந்து கொண்டு வாழ்த்தினார்கள்.
திருமண மேடையில் விடுதலைப்புலி தலைவர் பிரபாகரன் அவரது மனைவி மதிவதனி ஆகியோர் திருமண கோலத்தில் இருக்கும் படம் பொறித்த பிரமாண்ட பேனர் வைக்கப்பட்டு இருந்தது.
மேடையின் இடது புறத்தில் பெரியார் புகைப்படமும், வலது புறத்தில் திருவள்ளுவர் படமும் வைக்கப்பட்டு இருந்தது. திருமண அரங்கில் பாவேந்தர் பாரதிதாசன், பகத்சிங், பட்டுக்கோட்டை கல்யாண சுந்தரம், இரட்டை மலை சீனிவாசன், முத்து ராமலிங்கம் தேவர், மறைந்த சபாநாயகர் காளிமுத்து, டைரக்டர் மணிவண்ணன், உள்ளிட்ட தமிழர் அறிஞர்கள் பலரது படங்கள் வைக்கப்பட்டிருந்தது.
மேலும் சீமான் பிரபாகரனுடன் ஒன்றாக இருக்கும் புகைப்படங்கள் விழா அரங்கிலும், வெளியிலும் ஏராளமாக வைக்கப்பட்டு இருந்தன.
சீமான் கயல்விழி கழுத்தில் தாலி கட்டுவதற்கு முன்னர் திருமண மேடையில் வைக்கப்பட்டு இருந்த பிரபாகரனின் தந்தை திருவேங்கடம் வேலுப்பிள்ளை, தாயார் பானுமதி அம்மாள், காளிமுத்து, மணிவண்ணன் ஆகியோர் படங்களுக்கு பழ.நெடுமாறன் தலைமையில் மாலை அணிவித்தார்.
அப்போது மணமக்களும், நாம் தமிழர் கட்சியினரும் ஈழ போரில் உயிர் நீத்த தமிழர்களுக்கு அஞ்சலி செலுத்தும் வகையில் உறுதி மொழி எடுத்து கொண்டனர்.
அப்போது தமிழர்களும், தமிழும் வாழ நாம் தமிழராக இணைவோம் என்று சூளுரைத்தனர்.
திருமணத்துக்கு வந்திருந்தவர்களை நாம் தமிழர் கட்சி நிர்வாகிகள் சட்டத்தரணி தடா சந்திரசேகரன், தமிழ் முழக்கம் சாகுல் அமீது, அன்பு தென்னரசன், ஆவல் கணேசன் உள்ளிட்ட நிர்வாகிகளும் மணமக்களின் பெற்றோரும் வரவேற்றனர்.

கோலாகலமாக நடைபெற்ற சீமான்- கயல்விழி திருமணம் Seeman_kayalvizhui_marrage_003

கோலாகலமாக நடைபெற்ற சீமான்- கயல்விழி திருமணம் Seeman_kayalvizhui_marrage_004

கோலாகலமாக நடைபெற்ற சீமான்- கயல்விழி திருமணம் Seeman_kayalvizhui_marrage_005

கோலாகலமாக நடைபெற்ற சீமான்- கயல்விழி திருமணம் Seeman_kayalvizhui_marrage_006

கோலாகலமாக நடைபெற்ற சீமான்- கயல்விழி திருமணம் Seeman_kayalvizhui_marrage_007