உலகத் தமிழ்ப்பரப்பின் மென்வலுவில் புகலிட ஈழத்தவர் திரைத்துறையின் நம்பிக்கை தரும் முயற்சிகள் !

பிரான்ஸ் தலைநகர் பாரிசில் இடம்பெற்று வரும் ஈழத்தவர் திரைப்படங்களின் சங்கமமாக பரிஸ் தமிழ் திரைவிழாவும், கனடா மொன்றியல் உலகத் திரைப்பட விழாவில் பங்கெடுத்துள்ள A Gun and Ring திரைப்படமும், புகலிட ஈழத்தவர் திரைத்துறையில் நம்பிக்கை தரும் முயற்சிகளென நாடுகடந்த தமிழீழ அரசாங்கத்தின் ஊடக அமைச்சின் செய்திக்குறிப்பொன்றில் தெரிவிக்கப்பட்டுள்ளது. யாழ்ப்பாணத்தில் தயாரிக்கப்பட்ட என்னுள் என்ன மாற்றமோ எனும் திரைப்படம் உட்பட கனடா, சுவிஸ், அவுஸ்றேலியா ஆகிய நாடுகளில் உருவாக்கப்பட்ட ஈழத்தவர் படைப்புக்களின் மூன்று நாள் நிகழ்வாக பரிஸ் தமிழ்திரைவிழா இடம்பெற்று வருகின்றது.
 

சமவேளை சீனாவின் சங்காய் திரைவிழாவில் பங்கெடுத்து உலகத் தமிழர்களின் கவனத்தினைப் பெற்றிருந்த கனேடிய மண்ணில் உருவாக்கப்பட்ட ஈழத்தவர் படைப்பான A gun and Ring திரைப்படம் கனாடாவின் மொன்றியல் உலகத் திரைப்பட விழாவில் பங்கெடுத்துள்ளது. இவ்விரு முயற்சிகளும் புகலிட ஈழத்தவர்களின் நீண்ட தொரு திரைப்பட முயற்சிகளின் நம்பிக்கை கீற்றுக்களாக அமைந்துள்ளதென ஆர்வலக்களின் கருத்தாக அமைந்துள்ளது.



2009ம் ஆண்டுக்கு பின்னரான தமிழீழ மக்களின் விடுதலைப் போராட்டத்தின் புறச்சூழலில் பிரதானதொரு அரசியல் தளமாக புலம்பெயர் தமிழ்சமூகம் உள்ள நிலையில், இச்சமூகப் பரப்பின் அனைத்து துறைசார் விடயங்களும் முறைசார்ரீயில் வளர்தெடுக்கப்படுவதானது , உலக அரங்கில் ஈழத்தவர்களின் மென்வலு நிலைபெறுமென நாடுகடந்த தமிழீழ அரசாங்கத்தின் ஊடகத்துறை அமைச்சர் சுதன்ராஜ் தெரிவித்துள்ளார்.

வாழ்த்துக்கள்