பிரான்ஸ் : வரலாற்றில் முதன்முறையாக ஈழத்து கலைஞர்களின் முழுநீளத் திரைப்படங்களின் பெருவிழா !

பிரான்ஸ் : வரலாற்றில் முதன்முறையாக ஈழத்து கலைஞர்களின் முழுநீளத் திரைப்படங்களின் பெருவிழா யாழ்பாணத்தில் உருவாக்கப்பட்ட திரைப்படமொன்றும் பங்கெடுப்பு !! புலம்பெயர் தமிழ்ச் சூழலில் முதன்முறையாக ஈழத்து திரைக்கலைஞர்களின் முயற்ச்சியில் உருவாகிய முழுநீளத் திரைப்படங்களின் பெருவிழாவொன்று பிரென்சு மண்ணில் இடம்பெறுகின்றது.

பரிஸ் தமிழ்த்திரை விழா எனும் முழக்கத்துடன் தலைநகர் பாரிசில் இடம்பெறவுள்ள இந்நிகழ்வில் யாழ்ப்பாணத்தில் உருவாக்கப்பட்ட திரைப்படமொன்றும் பங்கெடுத்துக் கொள்கின்றமை சிறப்பான விடயமாக அமைகின்றது.

புலம்பெயர் தேசங்களில் வளர்ந்து வரும் இளங்கலைஞர்களினால் உருவாக்கப்பட்டு வெளிவந்து கொண்டிருக்கும் குறும்படங்கள் பலவுமi; புகலிட சினிமாவுக்கான நம்பிக்கையினை கவனத்தினையும் சமீபத்திய காலங்களில் ஏற்படுத்தி வரும் நிலையில் அதன் அடுத்ததொரு பாய்ச்சலாக வராலாற்றில் முதன்முறையாக நீள்படங்களில் திரைவிழாவாக இது இடம்பெறுகின்றது.

கனடா - சுவிஸ் - அவுஸ்றேலியா - ஆகிய நாடுகளில் உருவாக்கப்பட்ட உறவு - இனியவளே காத்திருப்பேன் - சில்லு - இருமுகம் - சகாராப் பூக்கள் - என்னுள் என்ன மாற்றமோ - ஸ்ரார் 67 என்ற ஏழு நீள்படங்கள் இத்திரைவிழாவில் காண்பிக்கப்படவிருக்கின்றன.

எதிர்வரும் ஓகஸ்ற் 23ம் நாள் முதல் மூன்று நாள் நிகழ்வாக இடம்பெறும் இத்திரைவிழா 2 bis Passage Ruelle, paris 18 - Metro : La Chapelleஎனும் முகவரியில் உள்ள திரையரங்கில் இடம்பெறுகின்றது.
மூன்று நாள் நிகழ்விலும் திரையிடலுக்கு பின்னர் புகலிட தமிழ்சினிமா தொடர்பிலான கருத்தாடல்களும் இடம்பெறவிருக்கின்றமை இந்நிகழ்வின் சிறப்பானதொரு விடயமாக அமையவுள்ளது.

நாடுகளைக் கடந்து வாழுகின்ற ஈழத் தமிழினம் பல்வேறு துறைகளிலும் தன்னை அடையாளப்படுத்தி வலுப்படுத்திக் கொள்வதன் ஊடாக பலம்மிக்கதொரு இனமாக உலகப்பரப்பில் மிளிர்தோடு அதுவே எமது இலட்சியத்தினை வென்றடைவதற்கான வலுவானதொரு புறச்சூழலாக அமையும் என்பது உறுதியானதொன்றாக அமைகின்றது.

இந்நிலையில் புலம்பெயர் தமிழ்ச்சூழலில் புகலிட தமிழ்சினிமாவினை வளர்தெடுக்க ஆர்வமுள்ள அனைத்து உறவுகளையும் இந்நிகழ்வில் பங்கெடுத்துக் கொள்ளுமாறு அன்புரிமையோடு இப்பெருவிழாவின் ஏற்பாட்டாளர்கள் வேண்டி நிற்கின்றனர்.

[You must be registered and logged in to see this link.]

வாழ்த்துக்கள்