சேரன் மகள் காதலை தர்மபுரி சம்பவத்தோடு தொடர்பு படுத்தாதீர்: அமீர் வேண்டுகோள்!

சேரன் மகள் தாமினி, தனது காதலனுடன் செல்வதில் உறுதியாக இருந்தாலும், அவருடைய காதலரான சந்துரு மற்றும் அவருடைய குடும்பம் பணம் பறிக்கும் நோக்கத்தில் செயல்படுகிறது என்று சேரன் குற்றம் சாட்டி வந்தார். மேலும் தமிழகம் முழுவதும் அவர்கள், பல்வேறு மோசடி செயல்களில் ஈடுபட்டுள்ளதாகவும் தெரிவித்தார்.இந்த நிலையில், சந்துரு மற்றும் அவருடைய குடும்பத்தினர் இஸ்லாமிய மதத்துக்கு மாறி, தொழிலதிபர் ஒருவரிடம் பணம் பறிக்கும் செயலில் ஈடுபட்டுள்ளதாக இயக்குநர் அமீர் அறிக்கை வெளியிட்டுள்ளார். மேலும் அது சம்மந்தமான பல்வேறு ஆதாரங்களையும் வெளியிட்டுள்ள அமீர், சந்துரு அக்கா சம்மந்தமான பத்திரிகை ஒன்றில் வெளியான கட்டுரை ஒன்றையும் வெளியிட்டுள்ளார்.மேலும் தமிழகத்தில் இருக்கும் வசதியானவர்களை, புகழ் பெற்றவர்களைக் குறிவைத்து அவர்களைப் பின் தொடர்ந்து சென்று, அவர்களது குடும்பப் பெண்களை காதல் என்ற பெயரில் வீழ்த்தி பணம் பறிக்கும் ஒரே நோக்கத்தை இந்தக் கும்பல் தொடர்ந்து செய்து வருகின்றது. இதற்காக அவர்களுக்கு களங்கம் ஏற்படுத்தி, அல்லது புகழை கெடுத்து விடுவதாக கூறி பணம் பறித்திருக்கின்றனர்.நிச்சயமாக, உறுதியாக இது பணம் பறிக்கும் கும்பல் தான். அதில் எந்த மாற்றமும் இல்லை. அதற்கான அனைத்து ஆதாரங்களும் எங்களுக்கு கிடைத்திருக்கிறது” என்றும் தன் அறிக்கையில் தெரிவித்துள்ளார்.

இது குறித்து அமீர் வெளியிட்டுள்ள அறிக்கையில்,”இயக்குநர் சேரனின் மகள் தாமினி – சந்துரு காதல் விவகாரம் தொடர்பாக நான் கருத்து தெரிவித்த போது, சந்துருவின் அக்கா பத்மா “யார் இந்த அமீர்?” என்று கேட்டிருந்ததோடு, என்னுடைய புகார்களை முற்றிலுமாக மறுத்திருந்தார்.
நான் ஏற்கனவே, தெரிவித்திருந்த கருத்தை தற்போதும் தகுந்த ஆதாரங்களோடு திட்டவட்டமாக மீண்டும் வலியுறுத்துகிறேன். முழுக்க, முழுக்க பணம் பறிக்கும் நோக்கோடு திட்டமிட்டு செயல்படும் கும்பல் அது. மொத்தக் குடும்பமும், திட்டமிட்டு இதுபோன்ற வேலைகளைத் தொடர்ந்து செய்து வருகின்றனர். சந்துருவின் அக்கா பத்மா ராமநாதபுரத்தைச் சேர்ந்த ஏற்கனவே திருமணமாகியிருந்த இலியாஸ் என்பவரோடு ரகசியமாக குடும்பம் நடத்தி அவரை ஏமாற்றி அவரிடமிருந்து 200 பவுனுக்கும் அதிகமான நகை, ஆந்திராவில் வீடு, லட்சக்கணக்கில் பணத்தை கைப்பற்றியிருக்கின்றனர்.
இதற்காக அவர்களது மொத்தக் குடும்பமும் முஸ்லிமாக மாறியிருக்கின்றனர். இந்த பத்மா பாத்திமா என்ற பெயரிலும், சந்துரு – அப்துல் என்ற பெயரிலும், சந்துருவின் அம்மா ஈஸ்வரி – நபிஸா பீவியாகவும் தங்களை மாற்றிக் கொண்டு இலியாஸின் சொத்துக்களையும் அபகரிக்கத் திட்டம் தீட்டிச் செயல்பட்டிருக்கின்றனர். இது தொடர்பான பிரச்சனையில் உச்சிப்புளி ஜமாத் தலையிட்டு, இந்தக் குடும்பத்தை எச்சரித்து அனுப்பி வைத்திருக்கின்றனர்.
இலியாஸிடமிருந்து பணம் பறிப்பதற்காக, இலியாஸ் தன்னை பாலியல் பலாத்காரம் செய்து விட்டதாக மானாமதுரை போலீஸில் புகார் செய்து, பேரம் படிந்ததும், புகாரை வாபஸ் பெற்றிருக்கிறார் இந்த பத்மா.இந்த சந்துரு என்கிற அப்துல், மானாமதுரையில் ஒரு வசதியான வீட்டுப் பெண்ணை காதலிப்பது போல் நடித்து அவரிடமிருந்து பணம் பறிக்கும் செயலில் ஈடுபட்டு, பின்னர் அவரது குடும்பத்தாரால் துரத்தியடிக்கப் பட்டிருக்கிறார்.
தமிழகத்தில் இருக்கும் வசதியானவர்களை, புகழ் பெற்றவர்களைக் குறிவைத்து அவர்களைப் பின் தொடர்ந்து சென்று, அவர்களது குடும்பப் பெண்களை காதல் என்ற பெயரில் வீழ்த்தி பணம் பறிக்கும் ஒரே நோக்கத்தை இந்தக் கும்பல் தொடர்ந்து செய்து வருகின்றது. இதற்காக அவர்களுக்கு களங்கம் ஏற்படுத்தி, அல்லது புகழை கெடுத்து விடுவதாக கூறி பணம் பறித்திருக்கின்றனர்.

நிச்சயமாக, உறுதியாக இது பணம் பறிக்கும் கும்பல் தான். அதில் எந்த மாற்றமும் இல்லை. அதற்கான அனைத்து ஆதாரங்களும் எங்களுக்கு கிடைத்திருக்கிறது. தமிழகத்தின் பல்வேறு பகுதிகளிலிருந்தும் சந்துருவால், அவரது குடும்பத்தாரால் பாதிக்கப்பட்டவர்கள் தொடர்ந்து எங்களை அணுகி தங்களிடம் இருக்கும் விபர்ங்களை தாங்களாகவே முன்வந்து தந்து கொண்டிருக்கின்றனர்.
கூடிய விரைவில் இந்தக் குடும்பத்தின் பின்னணியை முற்றிலுமாக தமிழகம் கண்டு உணரும் என்று நம்புகிறேன். இது தொடர்பான அனைத்து ஆதாரங்களையும், நீதிமன்றத்திலும், போலீஸாரிடமும் ஒப்படைக்கவிருக்கிறோம். இந்தக் குடும்பத்தின் மொத்த விபரத்தையும், முழுப் பின்னணியையும், குற்ற விவகாரங்களையும் காவல்துறை வெளிக்கொண்டு வந்து நடவடிக்கை எடுக்க வேண்டுமென கோருகிறேன்.
மேலும், என்னைப் பற்றியும், சேரன் மகள் தாமினி பற்றியும் பத்மா தெரிவித்த கருத்துகளுக்காக, தகாத வார்த்தைகளுக்காக, அவதூறுகளுக்காக அவர் மீது மானநஷ்ட வழக்கு தொடரவிருக்கிறேன்.இந்த நிகழ்வுகளை தர்மபுரி சம்ப்வத்தோடு யாரும் தொடர்பு படுத்திப்பார்க்க வேண்டாம் என்றும் கேட்டுக்கொள்கிறேன். இது குறித்து, முற்போக்குவாதிகள், இலக்கியவாதிகள், சமூல நலன் விரும்பிகள் யாரும் அவசரப்பட்டு கருத்து தெரிவிக்க வேண்டாம் என்றும் தாழ்மையுடன் கேட்டுக்கொள்கிறேன்.”என்று அமீர் தனது அறிக்கையில் தெரிவித்துள்ளார்