நாட்டின் புதிய மாநிலமாக தெலுங்கானா உதயமாகிறது.- காங்கிரஸ் ஒப்புதல்

அரை நூற்றாண்டு காலத்துக்கும் மேலான தெலுங்கானா மக்களின் கோரிக்கையை ஏற்று தனி மாநிலம் அமைப்பதற்கு காங்கிரஸ் கட்சி மற்றும் அதன் கூட்டணிக் கட்சிகள் இன்று ஒருமனதாக ஒப்புதல் தெரிவித்துள்ளன. இதன் மூலம் ஆந்திராவைப் பிரித்து 10 மாவட்டங்களை உள்ளடக்கி தனித் தெலுங்கானா மாநிலம் அமைக்க வேண்டும் என்ற நீண்ட கால போராட்டம் முடிவுக்கு வந்துள்ளது.

டெல்லியில் இன்று மாலை ஐக்கிய முற்போக்குக் கூட்டணியின் ஒருங்கிணைப்புக் குழுக் கூட்டம் நடைபெற்றது. இந்தக் கூட்டத்தில் தேசியவாத கட்சித் தலைவர் சரத்பவார், ராஷ்டிரிய லோக் தளத் தலைவர் அஜீத்சிங் ஆகியோர் இப்புதிய மாநில உருவாக்கத்துக்கு ஆதரவு தெரிவித்தனர். பின்னர் காங்கிரஸ் கட்சியின் காரியக் கமிட்டிக் கூட்டம் நடைபெற்றது. இக்கூட்டத்தின் தெலுங்கானா தனி மாநிலம் அமைப்பதற்கு ஒருமனதாக ஆதரவு தெரிவிக்கப்பட்டது.காங்கிரஸ் காரிய கமிட்டி கூட்டத்தில் ஒப்புதல் பெறப்பட்டதையடுத்து, ராயல சீமா பகுதி காங்கிரஸ் எம்.எல்.ஏ.க்கள் நாளை ஆலோசனை நடத்தி அடுத்த கட்ட நடவடிக்கை தொடர்பாக முடிவெடுக்க உள்ளனர்
இதற்கிடையே மத்திய அமைச்சரவையின் சிறப்பு கூட்டம் டெல்லியில் நாளை நடைபெறும் என்று தகவல் வெளியாகி உள்ளது. இக்கூட்டத்தில் விவாதிக்கப்படும் அம்சங்கள் குறித்து தெரிவிக்கப்படவில்லை. ஆனால், தெலுங்கானா மாநிலம் குறித்து விவாதிக்கப்படும் என எதிர்பார்க்கப்படுகிறது. வழக்கமான அமைச்சரவை கூட்டம் வியாழக்கிழமை நடைபெறும் என்று அறிவிக்கப்பட்டிருக்கிறது.
Congress gives nod, Telangana set to be a separate state
**************************************************************************
elangana is all set to be the 29th state of India. The Congress Working Committee on Tuesday gave the green signal for the formation of a separate state in a crucial meet that was held in the national capital.

தகவலுக்கு நன்றி