யாழ். மாவட்டம் முழுமையாக இராணுவ மயப்படுத்தப்பட்டுள்ளது- முகாம்­க­ளுக்குள் முடக்­கப்­ப­டுமா இரா­ணுவம்?

 யாழ். மாவட்டம் முழுமையாக இராணுவ மயப்படுத்தப்பட்டுள்ளது- முகாம்­க­ளுக்குள் முடக்­கப்­ப­டுமா இரா­ணுவம்?


யாழ்ப்பாணம் மாவட்டம் முழுவதும் இராணுவ மயப்படுத்தப்பட்டுள்ளது என்றும் போருக்கு பின்னர், இராணுவம் சிவில் நிர்வாகத்தில் தலையிட்டு வருவதாகவும் ஜே.வி.பியின் மத்திய குழு உறுப்பினரும் சோசலிச .இளைஞர் சங்கத்தின் தலைவருமான பிமல் ரத்நாயக்க தெரிவித்தார்.
கொழும்பில் இன்று செய்தியாளர்களிடம் அவர் மேலும் தெரிவிக்கையில்,

வடக்கு மாகாண ஆளுநரும் முன்னாள் இராணுவ அதிகாரியாக உள்ளார்.

வடக்கில் நடைபெறும் வைபங்கள், பாடசாலைகளில் நடைபெறும் வைபவங்கள் போன்றவற்றை நடத்த அருகில் உள்ள இராணுவ முகாம்களில் அனுமதி பெறுவது கட்டாயமாகும்.

காணி பிரச்சினைகள் உட்பட பல பிரச்சினைகளில் இராணுவத்தின் தலையீடு உள்ளது. கைது செய்யப்படுவோம் அல்லது காணாமல் போக செய்யப்படுவோம் என்ற அச்சமான மனநிலையில் வடபகுதி மக்கள் வாழ்ந்து வருகின்றனர்.

அதேவேளை எவ்விதமான குற்றச்சாட்டுக்கள் சுமத்தப்படாத நிலையில், பல இளைஞர்கள் பொலிஸ் அல்லது இராணுவத்தின் தடுப்பு காவலில் வைக்கப்பட்டுள்ளனர்.

அத்துடன் வடக்கில் உள்ள பாடசாலைகளுக்கு மின்சார வசதிகள் இல்லை. உதாரணமாக கிளிநொச்சியில் உள்ள சில பாடசாலைகளில், மின்சார கட்டணத்தை செலுத்தாத காரணத்தினால் மின் விநியோகம் துண்டிக்கப்பட்டுள்ளது.

சில குழுக்கள் இந்த விடயங்களை பயன்படுத்தி, வடக்கில் மக்கள் மத்தியில் இன பேதங்களை ஏற்படுத்த முயற்சிப்பார்கள் என்றார்.

...................................


முகாம்­க­ளுக்குள் முடக்­கப்­ப­டுமா இரா­ணுவம்?

கடந்­த­வாரம், தேர்தல் ஆணை­யாளர் மஹிந்த தேசப்­பி­ரி­ய­வுடன் நடத்­திய சந்­திப்பின் போதே, தமிழ்த் தேசி யக் கூட்­ட­மைப்பு இந்தக் கோரிக்­கையை விடுத்­துள்­ளது.

ஆனால், தேர்தல் ஆணை­யா­ளரோ, இரா­ணு­வத்­தி­னரை முகாம்­க­ளுக்குள் முடக்கி வைக்கும் அதி­காரம் தனக்கு இல்லை என்றும், அதனை தீர்­மா­னிக்க வேண்­டி­யவர் ஜனா­தி­பதி மஹிந்த ராஜபக்‌ஷவே என்றும் பதி­ல­ளித்­துள்ளார்.

வடக்கில் இரா­ணு­வத்­தினர் செறி­வாக நிலை கொண்­டுள்ள போது தேர்தல் நியா­ய­ மாக நடத்­தப்­பட வாய்ப்­பில்லை என்ற கருத்தை, தமிழ்த் தேசியக் கூட்­ட­மைப்பு மட்டும் முன்­வைக்­க­வில்லை.
அவ்­வாறு தமிழ்த் தேசியக் கூட்­ட­மைப்பு மட்டும் இந்தக் கோரிக்­கையை விடுத்­தி­ருந் தால், அதற்கு வேறு அர்த்தம் கற்­பிக்­கப்­பட்­டி­ருக்கும்.

ஆனால், ஜே.வி.பி.யும் கூட, இரா­ணு­வத்­ தினர் செறி­வாக நிலை­கொண்­டுள்ள நிலையில், அவர்­களின் தலை­யீ­டுகள் இருக்கும் நிலையில், நியா­ய­மான தேர்தல் நடக்க வாய்ப்­பில்லை என்றே கூறியுள்ளது.

தற்­போ­தைய சூழலில், வடக்கில் நியா­ய­மான தேர்தல் நடத்­தப்­ப­டு­வ­தற்கு வாய்ப்பு.இல்லை என்ற ஐ.தே.க.வின் நிலைப்­பாடும், கிட்­டத்­தட்ட இது­வா­கவே உள்­ளது.

கடற்­படை, விமா­னப்­படை என்­ப­ன­வற்றுக்குப் புறம்­பாக, இலங்கை இரா­ணு­வத்தில் உள்ள மொத்தம் 288 பற்­றா­லி­யன்­களில், 150 வரை­யி­லான பற்­றா­லி­யன்கள் வரை வடக்­கி­லேயே நிறுத்­தப்­பட்­டுள்ள சூழலில், வடக்கில் நியா­ய­மான தேர்­த­லுக்கு வாய்ப்­பில்லை என்ற கருத்தே வலு­வாக உள்­ளது.

இந்த சந்­தே­கத்­துக்கு பல கார­ணங்கள் உள்­ளன. போர் முடி­வுக்கு வந்த பின்னர், கடந்த நான்கு ஆண்­டு­களில் வடக்கில் சிவில் நிர்­வாகம் ஏற்­ப­டுத்­தப்­பட்­ட­தாக கூறப்­பட்­டாலும், எல்­லா­வற்­றிலும் இராணுவத் தலை­யீடே காணப்­பட்­டது.

ஜன­நா­யக வழி­யி­லான போராட்டம் ஒன்று நடத்­தப்­படும்போது, தாக்­குதல் நடத்­தப்­ப­டு­வது, குழப்பம் விளை­விப்­பது, அச்­சு­றுத்­து­வது போன்ற சம்­ப­வங்கள் சாதா­ர­ண­மா­கவே இடம்­பெற்­றன.

சீருடை தரித்த படை­யினர் மட்­டு­மன்றி, சிவி­லு­டையில் செயற்­படும் இரா­ணுவப் புல­னாய்வுப் பிரி­வி­னரும், இயல்பு வாழ்வில் தலை­யி­டு­வது, தமது கட்­டுப்­பாட்­டுக்கு அப்பால் செல்ல முற்­படும்போது அடக்க முற்­ப­டு­வது போன்ற செயற்­பா­டு­களில் ஈடு­பட்டு வந்­துள்­ளனர்.

அதை­விட, கடந்­த­கால தேர்­தல்­களில் இரா­ணு­வத்­த­ரப்பு நடு­நி­லை­யுடன் செயற்­பட்­டதும் இல்லை. இந்தத் தேர்­தலில் கூட, அர­ச­த­ரப்பு வேட்­பா­ளர்­களைத் தீர்­மா­னிப்­பதில் யாழ்.படை­களின் கட்­டளைத் தள­பதி மேஜர் ஜெனரல் மஹிந்த ஹத்­து­ரு­சிங்க முக்­கிய பங்கு வகித்­த­தா­கவும் குற்­றச்­சாட்டு உள்­ளது.

அதனை அவர் நிரா­க­ரித்­துள்ள போதிலும், அது எந்­த­ள­வுக்கு உண்­மை­யா­னது என்ற கேள்வி உள்­ளது. விடு­தலைப் புலி­களின் அர­சி­யல்­துறை முன்னாள் ஊடகப் பேச்­சா­ள­ரான தயா மாஸ்டர் அரச தரப்பு வேட்­பா­ள­ராக கள­மி­றக்­கப்­ப­டு­வதன் பின்­ன­ணியில் கூட இரா­ணுவப் புல­னாய்­வுத்­து­றையே இருப்­ப­தான கருத்து உள்­ளது.

பாது­காப்­புச்­செ­யலர் கோத்­தா­பய ராஜபக்‌ஷ கடை­சி­யாக யாழ்ப்­பாணம் சென்­றி­ருந்தபோது, தயா மாஸ்­டரை வர­ணியில் உள்ள 52வது டிவிஷன் தலை­மை­ய­கத்­துக்கு அழைத்துப் பேசியே அவரைப் போட்­டியில் நிறுத்தும் முடிவு எடுக்­கப்­பட்­டது.

தமிழ்த் தேசியக் கூட்­ட­மைப்பு வடக்கு மாகாண சபையில் ஆட்­சியைப் பிடிக்கும் என்ற உண்­மையை அர­சாங்கம் விளங்கிக் கொண்­டாலும், அதை இரா­ணுவப் புல­னாய்­வுத்­து­றையால் ஏற்றுக்கொள்ள முடி­யாது என்­பதே யதார்த்தம்.

எப்­போ­துமே ஒரு நாட்டின் அர­சியல் அதி­கா­ர­பீ­டத்­தி­னது எண்­ணங்­க­ளையும், விருப்­பங்­க­ளையும் மட்டும் பிர­தி­ப­லிக்கும் ஒன்­றாக புல­னாய்­வுத்­துறை இருப்­ப­தில்லை.

அவ்­வாறு இருக்க வேண்­டிய அவ­சி­யமும் இல்லை. பல சந்­தர்ப்­பங்­களில் சக்­தி­வாய்ந்த நாடு­களின் புல­னாய்­வுத்­து­றைகள், அர­சியல் அதி­கா­ர­பீ­டங்­க­ளையே ஆட்டி வைத்­துள்­ளன. அடக்கி ஆண்டுள்ளன. அமெ­ரிக்க ஜனா­தி­ப­திகள் கூட அதற்கு விதி­வி­லக்­கா­ன­வர்­க­ளில்லை.

இத்­த­கைய நிலையில், இலங்கை அர­சாங்கம் வடக்கில் உள்ள அர­சியல் ரீதி­யான யதார்த்த நிலையைப் புரிந்து கொண்­டாலும், இரா­ணுவப் புல­னாய்­வுத்­துறை அதனை ஏற்றுக் கொள்ளும் பக்குவத்தை சகிப்புத் தன்­மையைக் கொண்­டி­ருக்­கி­றதா? என்ற கேள்வி உள்­ளது.

இந்தக் கேள்வி தான், நியா­ய­மான தேர்தல் நடக்­குமா? – நடத்­தப்­ப­டுமா? என்ற சந்­தேகம் எழு­வ­தற்­கான முக்­கிய காரணம்.

நியா­ய­மான தேர்தல் பற்­றிய கேள்­வி­களும் சந்­தே­கங்­களும், உள்ளூர் அர­சியல் கட்­சி­க­ளுக்கு மட்­டு­மல்ல, உல­கத்­துக்கே இருக்­கி­றது. ஏனென்றால், போர் முடிந்து நான்கு ஆண்­டு­க­ளாகி விட்ட போதிலும் விடு­தலைப் புலிகள் இயக்கம் முற்­றாக அழிக்­கப்­பட்டு விட்ட போதிலும், வடக்கை இரா­ணுவ சூழ்­நி­லையில் இருந்து விடு­விக்க அர­சாங்கம் தவ­றி­யுள்­ளது.

இந்­த­மாத இறு­தி­யுடன் பாது­காப்பு அதி­கா­ரி­களின் பிர­தா­னி­யாக பொறுப்­பேற்­க­வுள்ள இரா­ணுவத் தள­பதி, ஜெனரல் ஜெகத் ஜெய­சூ­ரிய, தனது காலத்தில், போர்க்­கால இரா­ணு­வத்தை, போருக்குப் பிந்திய அமை­திக்­கால இரா­ணு­வ­மாக மாற்­றி­ய­மைப்­பதில் வெற்றி கண்­டி­ருப்­ப­தாக கூறி வரு­கிறார்.

அவ்­வாறு இரா­ணு­வத்தை, போர்க்­கா­லத் தில் இருந்து அமை­திக்­கா­லத்­துக்கு மாற்­றி­ய­மைத்த அர­சாங்கம், வடக்கை போர்க்­கால சூழலில் இருந்து விடு­வித்து அமை­திக்­கால சூழ­லுக்கு மாற்றியமைக்க­வில்லை.

இதனால் தான் உலக நாடு­க­ளுக்­கெல்லாம், இந்தத் தேர்தல் நியா­ய­மாக நடத்­தப்­ப­டுமா? என்ற கேள்­வியை எழுப்­பி­யுள்ளது.

இந்தத் தேர்தல் சுதந்­தி­ர­மா­கவும், நியா­ய­மா­கவும் நடத்­தப்­படும் என்ற உறு­தி­மொ­ழியை அர­சாங்கம் கொடுத்­தி­ருந்­தாலும், அந்த வாக்­கு­றுதி எந்­த­ள­வுக்கு காப்­பாற்­றப்­படும் என்­ப­தற்கு உத்தரவாதமில்லை.

ஆனால், அர­சாங்­கத்தைப் பொறுத்­த­வ­ ரையில், வடக்கு மாகாண சபைத் தேர்தல் நியா­ய­மாக நடத்­தப்­பட்­டது என்ற பாராட்டைப் பெறு­வ­தற்கு அதற்கு முக்­கி­ய­மான தேவை­யாக உள்­ளது. சர்­வ­தேச அரங்கில் அடுத்­த­கட்ட சவால்­களை சந்­திப்­ப­தற்கு வடக்கின் தேர்தல் பற்­றிய சாத­க­மான கணிப்­பீடு ஒன்று தேவைப்­ப­டு­கி­றது. இந்த உண்­மையை அர­சாங்கம் உண­ராமல் போயுள்­ளது என்று கருத முடி­யாது.

அதே­வேளை, இரா­ணு­வத்­தி­னரை முகாம்­க­ளுக்குள் முடக்க முடி­யாது, அது தேசிய பாது­காப்­புக்கு அச்­சு­றுத்­த­லா­னது என்ற கருத்தை முன்­வைப்­பதும் அர­சாங்­கத்­துக்குச் சிக்­க­லா­னது. ஏனென்றால், இலங்­கையில், விடு­தலைப் புலிகள் இயக்கம் முற்­றா­கவே அழிக்­கப்­பட்டு விட்­ட­தாக உரிமை கோரி­யுள்­ளது அர­சாங்கம். அதை­விட வடக்கில் இரா­ணுவம் எந்­த­வித தலை­யீ­டு­க­ளையும் மேற்­கொள்­ள­வில்லை, பாது­காப்பைக் கூட பொலி­ஸாரே கவ­னித்துக் கொள்­கின்­றனர் என்றும் கூறி­வ­ரு­கி­றது. இத்­த­கைய நிலையில், வடக்கில் பாது­காப்பை உறு­திப்­ப­டுத்­து­வ­தற்­காக படை­யி­னரை முகாம்­க­ளுக்கு முடக்­கு­வதை மறுப்­ப­தற்கு, அர­சாங்­கத்­துக்கு நியா­ய­மான கார­ணங்கள் இல்லை. ஆனாலும் அர­சாங்கம் அதைச் செய்ய விரும்­புமா? என்­பது சந்­தேகம் தான்.

எவ்­வா­றா­யினும், வடக்கு மாகாண சபைத் தேர்தல் மட்­டு­மன்றி, அடுத்து வரும் காலப்­ப­கு­தியும் கூட அர­சாங்­கத்­துக்கு மிகவும் முக்­கி­ய­மா­னது. ஐ.நா மனித உரி­மைகள் ஆணை­யாளர் நவநீதம்பிள்ளை இன்னும் சுமார் ஒரு மாதத்தில் இலங்­கைக்கு வர­வுள்ளார்.

அதே­போல, நவம்பர் மாதம், கொழும் பில் நடக்­க­வுள்ள கொமன்வெல்த் உச்சி மாநாட்டின் போதும் வடக்கில் சிவில் நிர்­வாகம் நடக்­கி­றது என்­ப­தையும், அமைதி நில­வு­கி­றது என்­ப­தையும் காட்ட வேண்­டிய தேவையும் உள்­ளது.

இதற்­கி­டையில், வடக்கில் நியா­ய­மான தேர்தல் நடத்­தப்­பட்டால் தான், கொமன்வெல்த் மாநாட்டில் இந்­தியா முழு அளவில் பங்கேற்கும் என்று மிரட்டுவதான தகவலும் உள்ளது.

இத்தகைய நிலையில், வடக்கு மாகாண சபைத் தேர்தலை அரசாங்கம் சர்ச்சைக்குரிய தாக மாற்ற விரும்பாது போனால், இராணுவத்தினரின் செயற்பாடுகளை முகாம்களுக்குள் முடக்கி வைக்கும் முடிவை எடுத்தாக வேண்டும். எனினும் இந்த முடிவை எடுக்கும் நிலையில், கொழும்பின் அரசியல் தலைமைகள் மட்டும் இல்லை.

பாதுகாப்புச்செயலர் கோத்தாபய ராஜபக்‌ஷவே இதனை தீர்மானிக்கும் நிலையில் உள்ளவர். அவர் அத்தகைய முடிவுக்கு இணங்கினாலும் கூட, இராணுவப் புல னாய்வுத்துறையின் செயற்பாடுகள் முடக்கப்படும் வாய்ப்புகளை எதிர்பார்க்க முடியாது.

ஏனென்றால், புலனாய்வுத்துறைகள் அர சியல் ரீதியான முடிவுகளுக்கு முற்றாக கட் டுப்பட்டு நடந்து கொள்வதில்லை என்ற வரலாற்று ரீதியான சான்றுகள் அத்தகைய எதிர்பார்ப்புகளுக்கு குறுக்கே உள்ளன.