இந்திய டிரைவர் மீது துபாய் ஆசாமி தாக்குதல்: வீடியோ எடுத்து வெளியிட்டவர் கைது!

துபாயில் கடந்த சில தினங்களுக்கு முன் ஒரு சிறிய கார் விபத்து நடந்தது. அப்போது இந்திய டிரைவர் ஒருவரை துபாய் நாட்டுக்காரர் தாக்கியுள்ளார். இந்த காட்சியை வீடியோ எடுத்து அதனை இணையதளத்தில் வெளியிட்ட ஆசிய நாட்டுக்காரரை போலீசார் கைது செய்துள்ளனர்.
அண்மையில் துபாய் நெடுஞ்சாலையில் சென்று கொண்டிருந்த அரபி ஒருவரின் காரை, இந்திய ஓட்டுனரின் வேன் ஒன்று உரசியது. இதனால் கோபம் கொண்ட அந்த அரபி நடுரோட்டில் இந்திய ஓட்டுனரை தாக்கிய சம்பவம் இணையத்தில் வீடியோவாக வெளியாகி பரபரப்பை ஏற்படுத்தியுள்ளது.

இதனை தொடர்ந்து இந்தியரைத் தாக்கிய அரபி மீது துபாய் காவல்துறை வழக்கு பதிவு செய்துள்ளது. இது குறித்து கருத்துத் தெரிவித்த துபாய் காவல்துறை அதிகாரி காமிஸ், ”ஐக்கிய அரபு அமீரகச் சட்டப்படி சகமனிதனைத் தாக்குவது தண்டனைக்குரிய குற்றமாகும்.அதன்படி, சம்பந்தப்பட்ட அரபு அலுவலரைக் தேடிக்கண்டுபிடித்து விசாரித்தபோது அவர் தனது தவறை ஒப்புக்கொண்டதுடன், தனது செயலுக்காக வருத்தமும் தெரிவித்தார். எனினும் வெளிநாட்டு ஊழியரைத் தாக்குவது சட்டப்படி குற்றம் என்பதால் அவர்மீது வழக்குப்பதிவு செய்யப்பட்டது.
மேலும் தனிநபரின் அனுமதியின்றி அவர்களைப் படம்பிடிப்பதும், சமூக வலைத்தளங்களில் பரப்புவதும் உரிமைமீறல் என்ற வகையில் இணையத்தில் பரப்பிய நபர்மீதும் சட்ட நடவடிக்கை எடுக்கப்படும் என்பதுடன் சம்பந்தப்பட்ட நபரின் குடும்பத்தினர் கொடுத்த புகாரின் அடிப்படையில் வீடியோ எடுத்த ஆசிய நாட்டவரை கைது செய்துள்ளோம்” என்றார். ஆனால் தாக்குதலில் காயமடைந்த இந்திய டிரைவர் புகார் எதுவும் கொடுக்கவில்லை என்பதும் இருப்பினும் ஆன்லைன் மூலம் அந்த வீடியோவைப் பார்த்த அதிகாரிகள், தாக்குதல் நடத்திய துபாய் நாட்டவரை கைது செய்துள்ளதாக ஊடக தகவல்கள் தெரிவிப்பதும் குறிப்பிடத்தக்கது.

Asian arrested for filming UAE man beating Indian driver
************************************************************************
An Asian man has been arrested for filming a video that has gone viral on the Internet showing a UAE citizen beating up an Indian delivery van driver in Dubai, local media reported today.The Asian, whose nationality was not known, was arrested for defaming the UAE man who beat up the Indian driver, the reports said.