முகத்தை மலர்ச்சியாக்கும் ‘நத்தை மசாஜ்’:சென்னையிலும் பரவிய லேட்டஸ்ட் சிகிச்சை!!வீடியோ

by **logu** Mon Jul 15, 2013 9:18 pm

கி.மு., 1000 ஆண்டுகளுக்கு முன் தோன்றிய மசாஜ் சிகிச்சை இன்று ஐரோப்பியநாடுகளில் நோய் தீர்க்கும் கலையாக பிரபலப்படுத்தப்பட்டு வருகிறது. தசைகளில் இறுக்கத்தை நீக்க, தசை வலியைக் குறைக்க, தசை திசுக்களை மென்மையாக்க உதவும் கலையே மசாஜ் ஆகும்.
பியூட்டி மசாஜ் எனப்படும் அழகு மசாஜ், தெரபிக்மசாஜ் எனும் நோய் சிகிச்சை மசாஜ் என இரண்டு வகையான மசாஜ்கள் உள்ளன. ஐரோப்பிய நாடுகளின் இந்த இருவகையான மசாஜ்களுமே பிரபலமடைந்து வருகின்றன. அங்குள்ள ஆஸ்பத்திரிகளில், ஒருங்கிணைந்த சிகிச்சை முறைகளும் ஒன்றாக மசாஜ் சிகிச்சை முறையும் உள்ளது
கைகளைக் கொண்டு செய்யும் மசாஜ் கை மசாஜ், கருவிகளைப் பயன்படுத்தி செய்யும் அதிர்வு மசாஜ் ஆகிய இருவகை மசாஜ்களுமே ஐரோப்பிய நாடுகளில் வழக்கத்தில் உள்ளன.தோல் நோய்கள், இதய நோய்கள், குடல் நோய்கள், ஈரல் வீக்க நோய், ஒவ்வாமை நோய் கொண்டோர் ஆகியோருக்கு ஐரோப்பிய நாடுகளில் மசாஜ் பரிந்துரை செய்யப்படுவதில்லை. மேலும் ஆபரேஷனுக்கு 6 மாதங்களுக்குப் பின்னரும் மசாஜ் தவிர்க்கப்படுகிறது.
முகத்தை மலர்ச்சியாக்கும் ‘நத்தை மசாஜ்’:சென்னையிலும் பரவிய லேட்டஸ்ட் சிகிச்சை!!வீடியோ Ju-15-Health-snail-face-

முகத்தை மலர்ச்சியாக்கும் ‘நத்தை மசாஜ்’:சென்னையிலும் பரவிய லேட்டஸ்ட் சிகிச்சை!!வீடியோ Ju-15-Health-snail-face-

மசாஜ் அவை பின்பற்றப்படும் நாடுகளைப் பொறுத்து, அக்குபிரஷர் மசாஜ், கியாட்கு மசாஜ், ரிப்லெக்ஸ் லோஜி மசாஜ், ரால்பின் மசாஜ், சுவீடிஸ் மசாஜ் என பலவகைகளில் உள்ளன.ஐரோப்பிய நாடுகளிலும், ஆசிய நாடுகளிலும் மசாஜ் என்பது, மென்மையாக தட்டுவது, விரைந்து தட்டுவது, தேய்த்துவிடுவது, அழுத்திவிடுவது, கைகளைத் தட்டுவது, உருட்டிவிடுவது போன்ற திறன்களுக்குள் அடங்குகிறது.
மசாஜ் செய்வதினால் ரத்த ஓட்டம் சீராகிறது. ரத்த வெள்ளை அணுக்களின் எண்ணிக்கை கூடுகிறது. இதனால் நோய் எதிர்ப்பு சக்தி அதிகரிக்கிறது. லேக்டிக் அமிலம் ஒரே இடத்தில் குவிவது தடுத்து நிறுத்தப்படுவதால் உடலில் ஏற்படும் சோர்வு அல்லது களைப்பு நீக்கப்படுகிறது.இது போன்ற மசாஜ் பொழுதுபோக்கு சார்ந்த விஷயம் அல்ல. மன- உடல் அமைதியையும், ஆரோக்கியத்தையும், அழகையும் சார்ந்தது.
இந்நிலையில் இது போன்ற மசாஜ் செய்ய பழங்கள், காய்கறிகள், மூலிகைகள் போன்றவற்றை பயன்படுத்தி வந்ததைத் தொடர்ந்து, தற்போது பல்வேறு நகரங்களில் உள்ள அழகு நிலையங்களில் சிறிய அளவிலான நத்தைகளை, முகத்தில் விட்டு, மசாஜ் செய்கின்றனர். சீனா, ரஷ்யா, ஜப்பான், தென்னமரிக்கா போன்ற நாடுகளில் பிரபல்மான இந்த நத்தை மசாஜ் தற்போது சென்னையிலும் பரவியுள்ளது. வெறும் 5 நிமிடம் மட்டுமே அளிக்கப்படும்.இந்த சிகிச்சைக்கான கட்டணமாக சுமார் 6 ஆயிரம் ரூபாய் வசூலிக்கப்படுகிறது என்பது அடிசினல் தகவல்.
முகத்தின் சருமத்தில் ஏற்பட்டுள்ள பருக்கள், சுருக்கம் போன்றவை நீங்கி, இந்த நவீன நத்தை வைத்தியத்தின் மூலம் புதுப்பொலிவுடன் முகம் பிரகாசிப்பதாக இந்த சிகிச்சையை மேற்கொண்ட பெண்கள் வாக்குமூலம் அளித்துள்ளனர். மேலும், சருமத்தில் உள்ள இறந்துப் போன செல்களை நீக்கி, புது செல்களை உருவாக்கி, சருமத்தின் ஈரத்தன்மையையும் இந்த நவீன வைத்தியம் தங்களுக்கு அளிக்கிறது என்று அவர்கள் நம்பிக்கை தெரிவித்தனர்.

இந்த நத்தை மசாஜ் கலாச்சாரம் கி.பி 16ம் நூற்றாண்டில் எகிப்தில் தொடங்கியதாக கூறப்படுகிறது. பின்னர் படிப்படியாக முக்கிய நாடுகளுக்குப் பரவி இப்போது இந்தியாவில் அடிஎடுத்து வைத்துள்ளது. ராய்பூரில் உள்ள இந்திரா காந்தி க்ரிஷி வைத்தியசாலாவில் இந்த நத்தை மசாஜ் சிகிச்சை செய்யப்படுகிறது. இங்கு ஆப்ரிக்க காடுகளில் உள்ள நத்தைகளைக் கொண்டு செய்யப்படும் மசாஜ் மூலம் முகத்திற்கு புத்துணர்ச்சி கிடைப்பதோடு மனஅழுத்தமும் சரியாகிறதாம்.
ஏற்கனவே, அழகு சாதன சந்தையில் கிடைக்கும் பல பொருட்கள் நத்தையின் உடலில் சுரக்கும் ஒருவகை திரவத்தில் இருந்து உருவாக்கப்படுவதாகவும், இந்த சிகிச்சையின் மூலம் அந்த திரவம், நேரடியாக சருமத்தில் ஊடுருவி சிறந்த பலனை தருவதாகவும் இந்த சிகிச்சையை அளிக்கும் அழகுக் கலை நிபுணர்கள் தெரிவிக்கின்றனர்.
Chennai beauty salon offers ‘snail facial’!
*************************************************
-aanthaireporter-