நாகரீக உலகமா நாதாரி உலகமா? தொடரும் பெண்களுக்கு எதிரான பாலியல் தாக்குதல்கள்.டச்சுப் பெண்ணின் சோகம்.

நாகரீக உலகமா நாதாரி உலகமா? தொடரும் பெண்களுக்கு எதிரான பாலியல் தாக்குதல்கள்.

ஈழத்தில் இறுதிப் போரில் நடந்த மிருகத்தனமான பாலியல் கொடுமைகள்,இன்னமும் அங்கே  தொடருகின்றன.வேலியே பயிரை மேயும் பரிதாபம். இராணுவ ஒட்டுக்குழுக்களின் ஆதரவுடன் தொடரும் அட்டகாசம் அங்கே.

டில்லியில் மாணவிக்கு நடந்த கொடுமை.குரல்கள் பல எழுந்து அடங்கின.ஆசிட் வீச்சுக்கள் நடந்தன,தொடருகின்றன. தமிழ் நாட்டில், இந்தியாவின் மற்றைய பகுதிகள் எதையும் விட்டு வைக்காது தொடரும் அவலங்கள் இவை. அரசியல்வாதிகளின் உறுதிமொழிகள், பெண்கள் அமைப்புக்கள்,மனிதநேய அமைப்புக்கள்,சமூகநல இயக்கங்களின் குரல்கள்,போராட்டங்கள் ஓங்கி ஒலித்து அடங்கிப் போயின.

அதிகபட்ச தண்டனை என்றார்கள், சட்டங்கள் போதவில்லை என்றார்கள்,பெண்கள் மீதுதான் குற்றம் என்றார்கள்,தொழில்நுட்ப வளர்ச்சி என்றார்கள் எல்லாம் மழை பெய்து ஓய்ந்தது போல் நிசப்தமாயின. பெண்கள்,குழந்தைகள்,ஏன் வயது முதிர்ந்த பெண்கள் கூடத் தப்பவில்லை.பிச்சை எடுத்த குழந்தை கூட ஆசிட் வீச்சில் இருந்து தப்பவில்லை. எல்லாமே வழமை போல் தொடருகின்றன. டில்லியில் நடந்தால் போராட்டம்,தமிழ் நாட்டில் நடந்தால் அது கொண்டாட்டம் என்ற நிலையில் இவை பொதுப் பிரச்சனையாகப் பார்க்க மறந்து, இனம் சார்ந்து,மதம் சார்ந்து, மானிலம் -நாடு சார்ந்து,ஏழை-பணக்காரன்,சாதி சார்ந்து என இன்று பார்க்கப்படுகிறது. அதனால் தான் தீர்க்கப்பட முடியாது திண்டாடுகிறது.

அரசியல்வாதிகளின் பொய்ப் பிரச்சாரங்கள்,இலவசங்கள், இலஞ்சம் ஊழல் எல்லாம் கண்டும், தேர்தல் வந்து விட்டாலோ அனைத்தையும் மறந்து வழமை போல் பிரியாணிக்கும், பணத்திற்கும் போலி வாக்குறுதிகளுக்கும் வாக்குகளை விற்பது போல்,இந்த பெண்கள் மீதான பாலியல் குற்றங்களையும் அனைவரும் மறந்து, வேறொரு சப்ஜெக்டை தேடிப் புறப்பட மக்கள் தயாராகி விட்டார்கள்.

இந்த நிலையில் 22 வயது ஒல்லாந்து நாட்டு பெண் ஊடகவியலாளர் எகிப்தில் 5 பேர் கொண்ட கும்பலினால் கொடுமையாக பாலியல் வன்புணர்விற்கு ஆளாக்கப்பட்டுள்ளார். மிக மோசமான உடல் நிலையில் மருத்துவ நிலையத்தில் அனுமதிக்கப்பட்டிருக்கும் அவருடன் சேர்த்து,நேற்று முந்தினம் எகிப்தில்,Tahrir Square இல்  நடந்த போராட்டத்தின் போது,அந்த தினம் மட்டும், 44 பேர் இப்படி பாலியல் கொடுமைக்கு ஆளாகி உள்ளார்கள். அவர்களில் வயதான மூதாட்டியும் எட்டு வயதுக் குழந்தையும் அடங்குகிறார்கள்.

பாலியல் குற்றங்கள் அதிகரித்து வரும் இன்றைய நாளில்,மத தீவிரவாதத்தை சொல்லித் தான் ஆக வேண்டும். மதத்திற்காக குரல் எழுப்புவோர் உண்மையில் மதத்தின் மீதான நம்பிக்கை காரணமாக குரல் எழுப்புகிறார்களா,தண்டனை கொடுக்கிறார்களா,தீவிரவாதத்தில் கொலைகளில் ஈடுபடுகிறார்களா? ஒரே நாளில் நடந்த இத்தன பாலியல் குற்றங்களையும் இஸ்லாம் ஆதரிக்கிறதா?

ஏன் இந்தக் கேள்வி?இஸ்லாத்துடன் இதை சேர்க்காதீர்கள் என்றால், இலங்கையில் முஸ்லீம்களை பௌத்த தீவிரவாதிகள் தாக்குகிறார்கள்.ஆனால் முஸ்லீம்களோ அதே பௌத்த தீவிரவாதிகளுடன் இணைந்து தமிழர்களை தாக்குகிறார்கள்.

பாகிஸ்தானில் மழையில் நின்றால் கொலை,மாணவி மலாவி தாகுதல்,ஆனாலும் மியன்மாரில் அழிக்கப்படும் முஸ்லீம்களைப் பற்றி இதுவரை எந்த முஸ்லீமும் குரல் கொடுக்காதது விந்தையே. விஸ்வரூபத்திற்கு குரல் கொடுப்போர் கூட கண்களையும் காதுகளையும் மூடிக் கொண்டார்கள்.
ஆக மதத் தீவிரவாதம் என்பது நம்பிக்கையா,அரசியலா,வெறியா,பைத்தியக்காரத்தனமா,
சுயநலமா,பொழுதுபோக்கா...?  வரப் போகும் ரமதானில் சிந்தனைக்கு விருந்தாகட்டும்.

நாகரீக உலகமா நாதாரி உலகமா?
 நாதாரிஉலகம் தான் 

பிரபாகரன் wrote:நாகரீக உலகமா நாதாரி உலகமா?
 நாதாரிஉலகம் தான் 

   

Muthumohamed wrote:

பிரபாகரன் wrote:நாகரீக உலகமா நாதாரி உலகமா?
 நாதாரிஉலகம் தான் 

   

ஆம் சக்தி