விலங்குகள் மீது அழகு சாதனப் பொருட்களை பரிசோதிக்க தடை- இந்தியா அதிரடி!

by **Tamil** Sun Jun 30, 2013 7:15 pm

பொதுவாக புதிய மருத்துவ கண்டுபிடிப்புகளோ, அழகு சாதனப் பொருட்களோ முதலில் விலங்குகள் மீதே பரிசோதித்துப் பார்க்கப்டுகின்றன. இந்த பரிசோதனை முயற்சியில் வெற்றி பெற்ற பின்னரே, அவை விற்பனை சந்தைக்கு வெளிவரும். மிருகங்கள் வதை தடுப்பு ஆர்வலர்கள் இந்த முறையைத் தடுக்க வேண்டும் என்று நீண்ட காலமாக அரசுக்கு கோரிக்கை விடுத்து வருகின்றனர். இந்நிலையில் இந்திய மதிப்பீட்டு செயலகம் அழகுசாதனப் பொருட்களைப் பரிசோதிக்க விலங்குகளை உபயோகிப்பதைத் தடை செய்து நேற்று உத்தரவு பிறப்பித்துள்ளது.
உலகில் சுமார் முப்பது லட்சம் பொருட்கள், வேதியியல் கலவைகள் கொண்டு தயாரிக்கப்படுகின்றன. உணவு, அழகு சாதனங்கள் மற்றும் மருந்துப் பொருட்களில் மட்டும் போட்டி போட்டுக்கொண்டு தினந்தோறும் நூற்றுக்கணக்கான புதுப் புது வேதியியல் கலவைப் பொருட்கள் சந்தைக்கு வந்து கொண்டே இருக்கின்றன். அந்த முப்பது லட்சம் வேதியியல் கலப்புப் பொருட்களில் சுமார் ஏழாயிரம் பொருட்களுக்கு மட்டுமே சர்வதேசப் பாதுகாப்பு விவரங்கள் அளிக்கப்பட்டுள்ளன. அதாவது, இந்த தயாரிப்பில் எதிர்மறையான எந்தவிதப் பின் விளைவும் இருக்காது என்றும், அந்தப் பொருள் எந்த வேதியியல் கூட்டுக் கலவை யில் தயாரிக்கப்பட்டது போன்ற அதிகாரப் பூர்வத் தகவல்கள் பொருளின் உறை மீது அச்சிடப்பட்டிருக்கும்.
விலங்குகள் மீது அழகு சாதனப் பொருட்களை பரிசோதிக்க தடை- இந்தியா அதிரடி! 30-health-cosmatic-animal

விலங்குகள் மீது அழகு சாதனப் பொருட்களை பரிசோதிக்க தடை- இந்தியா அதிரடி! 30-health-cosmatic-animal

மேலும் சர்வதேசப் பாதுகாப்பு விவரங்கள் அளிக்கப்படாத அனுமதி அல்லாத பல ஆயிரம் வகை வேதியியல் அழகு சாதனங்கள், கலப்பு உணவு மற்றும் மருந்துப் பொருட்கள் இந்தியா உள்ளிட்ட மூன்றாம் உலக நாடுகளில் சந்தைப் படுத்தப்பட்டுள்ளன. இவற்றை அனைத்து விதமான தரப் பரிசோதனைகளுக்கு உட்படுத்தி பின் விளைவுகளைச் சோதிக்க வேண்டும் என்றால் அதற்கு கிட்டத்தட்ட 80 ஆண்டுகளாகும். ஒரு வேதியியல் கலப்புப் பொருளை நிலம், நெருப்பு, காற்று, தண்ணீர், மனிதன், விலங்குகள், காடுகள் உள்ளிட்ட சகல விஷயங்களின் மீதும் பிரயோகித்து சோதித்து முடிவுகளை அறிவிக்க குறைந்தது மூன்று ஆண்டுகள் தேவை.அத்துடன் ஐந்து லட்சம் டாலர் செலவு பிடிக்கும் நடைமுறை. அதனால்தான் பெரும் பான்மையான பொருட்கள் மேற்கண்ட சோதனைகளைத் தவிர்த்து சந்தைக்குள் ஊடுருவிவிட்டன. சொல்லப் போனால், அந்த அனுமதி அல்லாத பொருட்களின் சோதனைச் சுண்டெலிகளே… மூன்றாம் உலக நாட்டு மக்கள்தான்!.
இந்நிலையில்தான் இந்திய மதிப்பீட்டு செயலகம் ’அழகுசாதனப் பொருட்களைப் பரிசோதிக்க விலங்குகளை உபயோகிப்பதைத் தடை’ செய்து நேற்று உத்தரவு பிறப்பித்தது. அத்துடன் இதற்கு மாற்றாக உருவாகியுள்ள நவீன செயற்கை முறைப் பரிசோதனைகளையும் அது கட்டாயமாக்கியுள்ளது. இந்த உத்தரவு அறிக்கையை இந்திய மருந்து கட்டுப்பாட்டு கழகத்தின் மேலாளர் டாக்டர் ஜி.என். சிங் வெளியிட்டுள்ளார்.
இந்த அதிரடி முடிவை ஹியுமன் சொசைட்டி இன்டர்நேஷனல், பீப்பிள் பார் எதிகல் டிரீட்மெண்ட் ஆப் அனிமல்ஸ், பீப்பிள் பார் அனிமல்ஸ் போன்ற மிருகங்கள் வதை தடுப்புக் குழுவின் உறுப்பினர்கள் வரவேற்றுள்ளனர். மேலும் இதற்காக தனது முழு ஒத்துழைப்பையும் அளித்த மேனகா காந்திக்கும் அவர்கள் நன்றி தெரிவித்துள்ளனர்.
அழகுசாதனப் பொருட்கள் பரிசோதனையில் மிருகங்களைத் தடை செய்தது மிகப்பெரிய வெற்றியாகும். இதன்மூலம் தெற்கு ஆசிய நாடுகளிலேயே இத்தகைய சட்டத்தை அமல்படுத்திய முதல் நாடு என்ற பெருமையை இந்தியா பெறுகின்றது. இதனால் ஏராளமான விலங்குகள் பாதுகாக்கப்படும். இதற்கு ஒத்துழைப்பு அளித்த அனைவருக்கும் எங்களது நன்றிகள் என்று அலோக்பர்ணா சென்குப்தா என்ற மிருகங்கள் வதை தடுப்பு உறுப்பினர் ஒருவர் தெரிவித்தார்.
தற்போதைய நிலையில் இதுவரை உலகளவில் 1,200 தயாரிப்பு நிறுவனங்கள் இத்தகைய விலங்கு பரிசோதனையை தடை செய்துள்ளன. ஆயினும், சில இடங்களில் இன்னும் இத்தகைய பரிசோதனைகள் நடைபெறுவதால் மிருகங்கள் துன்புறுத்தப்படுவதும் தொடர்ந்த வண்ணம் உள்ளது.
அதே சமயம் மனிதனுக்கும் மிருகத்திற்கும் உடலியல் முறையில் அதிக மாறுபாடுகள் உள்ளதால் பெரும்பாலும் இந்த சோதனை முயற்சிகள் வெற்றி பெற்றாலும், விற்பனை சந்தைக்கு வரும்போது அவை தோல்வியடையவும் செய்கின்றன என்றும் விலங்குகளை விட மனிதர்களுக்கே பெரிய அளவில் பாதிப்பு ஏற்படுகிறதாம்!
[b style="border: 0px; font-family: inherit; font-style: inherit; margin: 0px; outline: 0px; padding: 0px; vertical-align: baseline;"]India bans cruel animal testing for cosmetics, activists elated.[/b]
*******************************************************************************
Animal welfare groups were elated on Friday as India took the all important decision to ban cruel animal testing methods for cosmetic products. The Bureau of Indian Standards has on Saturday approved the removal of any mention of animal tests from the country’s cosmetics standard. The use of modern non-animal alternative tests also becomes mandatory, replacing invasive tests on animals.
-aanthaireporter.-