ஆஸ்திரேலியாவில் மீண்டும் இந்தியர் மீது தாக்குதல்

மெல்போர்ன், ஏப்.4: ஆஸ்திரேலியாவில் மீண்டும் இந்தியர் ஒருவர் தாக்கப்பட்டார்.
÷இதனால் அங்கு வசிக்கும் இந்தியர்கள் மத்தியில் அச்சம் எழுந்துள்ளது.
÷குயின்ஸ்லாந்து
மாகாணம் பிரிஸ்பேன் நகரத்திலுள்ள ரோமா ஸ்டீரிட் ரயில் நிலையத்தின் 9-வது
பிளாட்பாரத்தில் கடந்த மார்ச் 17-ம் தேதி இந்தியாவைச் சேர்ந்த
நரேந்தர்குமார் படேல் நின்றுகொண்டிருந்தார்.
÷அப்போது பின்னாலிருந்து
யாரோ ஒருவர் நரேந்தர்குமாரை பிடித்துக் கொண்டு கழுத்தை கத்தியால்
அறுத்துள்ளார். இதில் காயமடைந்த நரேந்தர்குமார் கீழே விழுந்தார். இதற்குள்
அந்த மர்ம நபர் தப்பியோடினார்.
÷இந்த நிலையில் ரோந்துப் பணியிலிருந்த
போலீஸôர் அந்த மர்ம நபரை பிடித்துள்ளனர். இதைத் தொடர்ந்து கையிலிருந்த
கத்தியை போலீஸôரிடம் கொடுத்து அந்த மர்ம நபர் சரணடைந்துள்ளார்.
÷காயமடைந்த
நரேந்தர்குமாரை, போலீஸôர் மருத்துவமனையில் சிகிச்சைக்காக சேர்த்தனர். மர்ம
நபர் பயன்படுத்திய கத்தி கூர்மையாக இல்லாததால் நரேந்தர்குமார்
பிழைத்துவிட்டார். இல்லையெனில் அவரது கழுத்து நரம்பு அறுபட்டு
இறந்திருக்கக்கூடும் என்று போலீஸôர் தெரிவித்தனர்.
÷இந்தியர் மீது
தாக்குதல் நடத்திய அந்த நபர் குறித்த விவரங்களை போலீஸôர் வெளியிடவில்லை.
ஆஸ்திரேலியாவில் வசிக்கும் மற்ற இந்தியர்களின் பாதுகாப்பு பற்றிய
அச்சத்தால் விவரங்களை வெளியிட போலீஸôர் மறுத்துள்ளதாகத் தெரிகிறது.
÷இத்தகவலை மெல்போர்னிலிருந்து வெளியாகும் கூரியர் மெயில் பத்திரிகை தெரிவித்துள்ளது.
÷மேலும்
சம்பவம் நடந்த மறுநாள் பத்திரிகையாளர்களுக்கு குற்றச் செய்திகள் பட்டியல்,
பிரிஸ்பேன் நகர போலீஸ் கமிஷனர் அலுவலகத்திலிருந்து தரப்படும். ஆனால்
அந்தப் பட்டியலில் இந்தியர் தாக்கப்பட்ட செய்தி இடம்பெறவில்லை.
÷அந்தச்
செய்திப்பட்டியலில் பிரிஸ்பேன் ரோமா ஸ்டீரிட் ரயில் நிலையத்தில் ஒருவரிடம்
கத்தியைக் காட்டி மர்ம நபர் பணம் வழிப்பறி செய்ய முயன்றதாகவும் அவர் கைது
செய்யப்பட்டதாகவும் தெரிவிக்கப்பட்டிருந்தது.
÷ரோமா ஸ்டீரிட் ரயில்
நிலையத்தில் இந்தியர் தாக்கப்பட்ட சம்பவம் அங்குள்ள கண்காணிப்புக்
கேமராவிலும் பதிவாகியிருந்தது குறிப்பிடத்தக்கது.
இந்த விவரம் ஏன்
மறைக்கப்படுகிறது என்ற கேள்விக்கு போலீஸôர் தரப்பிலிருந்து சரியான பதில்
இல்லை என்று பத்திரிகையாளர்கள் தெரிவித்துள்ளனர்.
÷சம்பவம்
நடந்திருப்பது உண்மையானால் இதுகுறித்து பொதுமக்களுக்குத் தகவல் தெரிவிக்க
போலீஸôர் மறுப்பது ஏன் என கூரியர் மெயில் பத்திரிகை கேள்வி எழுப்பியுள்ளது.
÷அப்படியானால்
ஆஸ்திரேலியாவிலுள்ள ரயில் நிலையங்கள் பாதுகாப்பற்றவையா அல்லது இனவெறி
காரணமாக தாக்குதல் நடத்த தகுந்த இடங்களா என்றும் அந்த பத்திரிகை கேள்வி
எழுப்பியுள்ளது.
÷இதுதொடர்பாக பிரிஸ்பேன் நகர போலீஸ் கமிஷனரை
பத்திரிகையாளர்கள் தொடர்புகொண்டபோது அவர் வெளியூர் சென்றுவிட்டதாகத் தகவல்
கிடைத்துள்ளது.
காவல்துறை அமைச்சர்: இதுகுறித்து மாகாண காவல்துறை
அமைச்சர் நீல் ராபர்ட்ஸ் கூறியதாவது: குயின்ஸ்லாந்து மாகாண ரயில்
நிலையங்களில் சுமார் 54 அதிகாரிகள் கண்காணிப்புப் பணியில் ஈடுபட்டு
வருகின்றனர்.
அதுமட்டுமல்லாமல் 100 போலீஸ் அதிகாரிகளும், தனியார் நிறுவன பாதுகாப்பு அதிகாரிகளும் பாதுகாப்புப் பணியில் உள்ளனர்.
÷ரயில்
நிலையங்கள் அனைத்தும் பாதுகாப்பானவையாக உள்ளன. பல்வேறு பின்னணியில் நடந்த
குற்ற சம்பவங்கள் குறித்து போலீஸ் அதிகாரிகள் என்னிடம் தகவல்
தெரிவித்துள்ளனர்.
÷சில சம்பவங்கள் இனவெறி காரணமாக நடந்துள்ளன. சில
சம்பவங்கள் இனவெறி காரணமாக நடக்கவில்லை. பணம் பறித்தல் உள்பட பல்வேறு
பின்னணியில் இந்த குற்றங்கள் நடந்திருக்கலாம் என்றார் அவர் socurse: dinamani