சர்வதேச அகதிகள் தினம் இன்று ( World Refugee Day 20-06-2013 )

by **mmani** Thu Jun 20, 2013 2:47 pm

சர்வதேச அகதிகள் தினம் ஒவ்வொரு ஆண்டும் ஜூன் 20ஆம் திகதி நினைவு கூரப்பட்டு வருகின்றது.2000ஆம் ஆண்டில் ஐக்கிய நாடுகள் பொதுச்சபையின் சிறப்புத் தீர்மானமொன்றின்படி, அகதிகளுக்கான தமது ஆதரவினை வெளிப்படுத்தும் முகமாக, உலக அகதிகள் தினமாக ஏற்றுக் கொள்ளப்பட்டது.ஆபிரிக்க அகதிகள் நாள் ஜூன் 20 இல் கொண்டாடப்படுவதால் இந்நாள் உலக அகதிகள் நாளாகப் பிரகடனப்படுத்தப்பட்டது.பல்வேறு மோதல்களுக்குள் சிக்கி அகதிகளாக தாம் வசிக்கும் நாட்டினுள், பிற நாடுகளிலென இடம்பெயர்ந்து பல்வேறு துன்பங்களுக்குள்ளாகி வாழ்ந்துவரும் அகதிகள் பற்றிய விழிப்புணர்வினை உலக மக்களிடத்தில் ஏற்படுத்துவதே இந்நாளின் முக்கியமான நோக்கமாகும்.

அன்றைய நாள் உலகின் பல்வேறு பகுதிகளிலும் நடைபெறும் பல்வேறு போர்களால் அரசியல், சமூகச் சூழல்களால் அகதிகளாக அல்லலுறும் அகதிகளை நினைவு கூரும் வகையில் கூட்டங்கள், ஆர்ப்பாட்டங்கள், கருத்தரங்குகள், இசை நிகழ்ச்சிகள், நினைவஞ்சலி நிகழ்வுகளெனப் பல்வேறு நிகழ்வுகள் ஏற்பாடு செய்யப்படுகின்றன.அகதிகளுக்கான ஐக்கிய நாடுகளின் ஆணையம் (UNHCR) ஒவ்வோர் ஆண்டும் இந்நிகழ்வுகளுக்கான கருப்பொருளைத் தீர்மானிக்கிறது.

உலகில் போர், வன்முறை, வறுமை, வேலை இழப்பு போன்றவற்றால் உடமைகள், உரிமைகள், உறவுகள், இருப்பிடம் என அனைத்தையும் இழந்தவர்கள், அகதிகளாக உருவெடுக்கின்றனர்.இவ்வாறு பாதிக்கப்பட்டு, அச்சுறுத்தலில் வாழ்ந்துவரும், ஆண்கள், பெண்கள், குழந்தைகளுக்கு பாதுகாப்பு மற்றும் வாழ்வாதார வசதிகளை ஏற்படுத்தும் விதமாக இத்தினம் கடைபிடிக்கப்படுகிறது.

இவர்களுக்கு உள்ள உரிமைகளை, திரும்ப அவர்களுக்கு வழங்கவேண்டும். அவர்களும் சமூகத்தில் மற்றவர்களைப் போல நடத்தப்பட வேண்டும் என்பதை இத்தினம் வலியுறுத்துகிறது.2011ம் ஆண்டு கணக்கின் படி, உலகளவில் 1 கோடியே 52 லட்சம் பேர் அகதிகளாக வாழ்கின்றனர் என, யூ.என்.எச்.ஆர்.சி., ஆய்வில் தெரிவிக்கப்பட்டுள்ளது.

சொந்த நாட்டிலேயே அகதிகளாக ஆக்கப்பட்டவர்கள் பலர். இவ்வாறு அகதிகளாக உள்ளவர்களுக்கு, அந்தந்த நாடுகள் சிறப்பு திட்டங்கள் மூலம், மறுவாழ்வு அளிக்க வேண்டும்.
அகதிகள் சொந்த நாடுகளுக்கு திரும்புவதற்கு முயற்சி எடுக்க வேண்டும் என யூ.என்.எச்.ஆர்.சி., வலியுறுத்துகிறது.

உள்நாட்டுப்போர் மூழ ஆரம்பித்த காலம் முதல் இன்றுவரை இலங்கை மக்கள் இடப் பெயர்வுகளுக்கு முகங்கொடுத்து உள்நாட்டிலும் வெளிநாடுகளிலும் அகதிகளாக உள்ளனர்.

உயிர் அச்சுறுத்தல், பொருளாதார தேடல்கள் நிமித்தம் இலங்கையிலிருந்து அகதி அந்தஸ்து கோரி வெளிநாடு செல்வோரில் இன்றுவரை மாற்றங்களில்லை.

by **Muthumohamed** Fri Jun 21, 2013 2:50 pm

இன்று பலரது வாழ்கயிலும் இந்த நாள் நியாபகமாக இருக்க வேண்டியது

தெரிய படுத்தியதற்க்கு நன்றி மணி அண்ணா

by **mmani** Fri Jun 21, 2013 2:54 pm

நன்றி ...எனது கனவு அகதி என்ற சொல் இருக்க கூடாது என்பது தான்

by **mmani** Fri Jun 21, 2013 2:55 pm

எங்கும் யாரும் அகதிகளாக போக கூடாது

by **Muthumohamed** Fri Jun 21, 2013 2:57 pm

mmani wrote:நன்றி ...எனது கனவு அகதி என்ற சொல் இருக்க கூடாது என்பது தான்

எனது விருப்பமும் அதுதான் அகதி வாழ்க்கை வாழ்வதற்க்கு செத்து போவதே மேல்

by **mmani** Fri Jun 21, 2013 3:00 pm

ஆம் உண்மை தான்

by Sponsored content

சர்வதேச அகதிகள் தினம் இன்று ( World Refugee Day 20-06-2013 )

சர்வதேச அகதிகள் தினம் இன்று ( World Refugee Day 20-06-2013 )

Re: சர்வதேச அகதிகள் தினம் இன்று ( World Refugee Day 20-06-2013 )

Re: சர்வதேச அகதிகள் தினம் இன்று ( World Refugee Day 20-06-2013 )

Re: சர்வதேச அகதிகள் தினம் இன்று ( World Refugee Day 20-06-2013 )

Re: சர்வதேச அகதிகள் தினம் இன்று ( World Refugee Day 20-06-2013 )

Re: சர்வதேச அகதிகள் தினம் இன்று ( World Refugee Day 20-06-2013 )

Re: சர்வதேச அகதிகள் தினம் இன்று ( World Refugee Day 20-06-2013 )