பொதுமக்கள் கொடுக்கும் புகார்கள் மீது வழக்குப் பதிவு செய்ய மறுக்கும் போலீசாருக்கு 1 ஆண்டு ஜெயில்!

நாடெங்கும் பல்வேறு குற்றங்கள் குறித்தான் புகார்களை வாங்க போலீசார்
மறுப்பதாக தகவல் வந்து கொண்டுதான் இருக்கிறது. இந்நிலையில் இனி பொதுமக்கள்
கொடுக்கும் புகார் மீது வழக்குப்பதிவு செய்ய மறுத்தால் போலீசாருக்கு 1
ஆண்டு ஜெயில் தண்டனை விதிக்க மத்திய அரசு முடிவு செய்துள்ளது இது போலீசார்
மத்தியில் பலத்த சர்ச்சையை ஏற்படுத்தியுள்ளது..

டெல்லி உள்ளிட்ட சில மாநிலங்களில் போலீசார் மீது பல்வேறு புகார்கள்
கூறப்பட்டது. கடந்த டிசம்பர் மாதம் டெல்லியில் ஓடும் பஸ்சில் மருத்துவ
மாணவி கற்பழிப்பில் போலீசார் எல்லைப் பிரச்சினையால் மெத்தனமாக
செயல்பட்டனர். மேலும் வழக்குபதிவு செய்ய மறுத்ததுடன் விசாரணை
தொடங்குவதிலும் தாமதம் ஏற்பட்டது.

பொதுமக்கள் போராட்டத்துக்குப் பின் போலீஸ் துறை சுறுசுறுப்பானது. அதன்
பிறகு மார்ச் மாதம் கிழக்கு டெல்லியில் 5 வயது சிறுமி கற்பழிக்கப்பட்ட
போதும் போலீசார் வழக்குப்பதிவு செய்யாமல் பெற்றோரை அலைக்கழித்தனர். சிறுமி
உடல்நிலை மோசமாகி ஆஸ்பத்திரியில் அனுமதிக்கப்பட்ட பிறகுதான் விஷயம்
வெளிச்சத்துக்கு வந்தது. இதுபோல் கற்பழிப்பு விபத்து உள்ளிட்ட காலங்களில்
போலீசார் வழக்குப்பதிவு செய்ய மறுப்பதாக மனித உரிமைகள் அமைப்புகளும் புகார்
தெரிவித்தனர்.

இதைத்தொடர்ந்து மத்திய உள்துறை அமைச்சகம் தீவிர ஆலோசனை நடத்தியது.
அப்போது ஒரு ஆணோ, பெண்ணோ பாதிக்கப்பட்டது யாராக இருந்தாலும் அவர்கள் போலீஸ்
நிலையத்தில் புகார் கொடுத்ததும் வழக்குப்பதிவு செய்ய வேண்டும். அதுதான்
தகவலை பெற்றுக் கொண்டதற்கான ஆதாரம் ஆகும் என்று சட்டம் சொல்கிறது. எனவே
முதல் தகவல் அறிக்கை பதிவு செய்வதை கட்டாயமாக்க வேண்டும் என்று எடுத்துக்
கூறப்பட்டது.

இதையடுத்து மத்திய உள்துறை அமைச்சகம், அனைத்து மாநில அரசுகளுக்கும்
டெல்லி உள்ளிட்ட யூனியன் பிரதேசங்களுக்கும் ஒரு உத்தரவு அனுப்பி உள்ளது.
அதில் பொதுமக்களிடம் இருந்து பெறப்படும் புகார் மனுக்கள் மீது போலீசார்
உடனடியாக முதல் தகவல் அறிக்கை (எப்.ஐ.ஆர்) பதிவு செய்ய வேண்டும். அவ்வாறு
எப்.ஐ.ஆர். போட மறுத்தால் அது ஒரு ஆண்டு ஜெயில் தண்டனைக்குரிய குற்றம் என
தெரிவித்துள்ளது.

இதேபோல் குற்றம் நடந்தது வேறு இடமாக இருந்தாலும் அது தங்கள்
எல்லைக்குட்பட்ட பகுதி அல்ல என்று போலீசார் புகாரை பெற மறுக்ககூடாது,
புகார் மீது ஜீரோ எப்.ஐ.ஆர். பதிவு செய்து அதை சம்பந்தப்பட்ட போலீஸ்
நிலையத்துக்கு அனுப்பி வைக்க வேண்டும் என்றும் கூறியுள்ளது. எப்.ஐ.ஆர்.
போடுவதில் தாமதம் ஏற்பட்டால் அது பாதிக்கப்பட்டவர்களுக்கு மேலும் அவதி
ஏற்படுத்துவதுடன் குற்றவாளிகள் தப்பிக்கவும் வாய்ப்பாக அமைந்துவிடும்.
மாநில அரசுகள் இதை கடுமையாக பின்பற்ற வேண்டும் என்றும் மத்திய அரசு
கூறியுள்ளது.

Now, cops not registering an FIR will go to jail
****************************************************************
Policemen refusing to register a complaint will face up to one year in
jail with the Centre issuing strict instructions to states to prosecute
such cops.The home ministry told the states and Union Territories to
clearly instruct all police stations that failure to register FIR on
receipt of information about any cognisable offence will invite
prosecution of the duty police officer under IPC Section 166A (public
servant disobeying law) which will invite imprisonment up to one year.