வங்கிகளில் தங்கம் விற்பனை செய்யப்படுவதற்கு விரைவில் தடை ! – ப. சிதம்பரம் தகவல்!

இந்தியாவில் தங்க இறக்குமதிக்கு விதிக்கப்பட்ட சுங்க வரியை 6
சதவீதத்தில் இருந்து 8 சதவீதமாக உயர்த்தியதைத் தொடர்ந்து, புது தில்லியில்
நடைபெற்ற வங்கிகளுக்கான கருத்தரங்கில் கலந்து கொண்டு பேசிய நிதியமைச்சர் ப.
சிதம்பரம், முதலீட்டாளர்கள், நாட்டின் பொருளாதார வளர்ச்சிக்கு எந்த
வகையிலும் உதவாத தங்கத்தில் முதலீடு செய்ய வேண்டாம் என்றும் வங்கிகளில்
தங்கம் விற்பனை செய்யப்படுவதை ரிசர்வ் பேங்க் ஆப் இந்தியா விரைவில் தடை
செய்யும் என்றும் தெரிவித்துள்ளார்.

வெளிநாடுகளில் இருந்து இறக்குமதி செய்யப்படும் தங்கத்தின் மீதான இறக்குமதி
வரியை மத்திய நிதியமைச்சகம் 6 சதவீதத்தில் இருந்து 8 சதவீதமாக உயர்த்தியது.
இதனால் தங்கத்தின் விலை இன்று சவரனுக்கு 400 ரூபாய் அதிகரித்தது. நடப்பு
கணக்கு பற்றாக்குறையில் மிகப்பெரிய தாக்கத்தை ஏற்படுத்துவதால் அரசு இந்த
நடவடிக்கையை எடுத்துள்ளது.

இந்நிலையில், மும்பையில் நடைபெற்ற இந்திய வங்கிகள் கூட்டத்தில் மத்திய
நிதி மந்திரி சிதம்பரம் கலந்துகொண்டு பேசியபோது,”தங்கம் இறக்குமதி சீரற்ற
முறையில் உள்ளது. எனவே, தங்கத்தில் முதலீடு செய்வதை பொதுமக்கள் தவிர்க்க
வேண்டும். தங்கத்தின் மீதான ஆர்வத்தை குறைப்பதற்கு வங்கிகள் முக்கிய
பங்காற்ற வேண்டும். அனைத்து வங்கிகளும் தங்கள் கிளைகளில் தங்கம் வாங்க
வேண்டும் என்றோ, தங்கத்தில் முதலீடு செய்ய வேண்டும் என்றோ வாடிக்கையாளர்களை
ஊக்குவிக்கக் கூடாது.

தங்க நாணயங்களை விற்பனை செய்ய வேண்டாம் என்று நான் ஏற்கனவே வங்கிகளுக்கு
ஆலோசனை வழங்கியிருக்கிறேன். வங்கிகளில் தங்கம் விற்பனை செய்யப்படுவதை
ரிசர்வ் பேங்க் ஆப் இந்தியா விரைவில் தடை செய்யும். மேலும் தாமிரம் மற்றும்
வெண்கலத்தைவிட தங்கம் சற்று பளபளப்பான ஒரு உலோகம் என்று மக்கள் கருதும்
நாள் வரும் என்று நம்புகிறேன்.

சர்வதேச அளவில் தங்கம் விலை குறைந்திருப்பது இந்தியாவுக்கு மோசமான
செய்தி என்று ரிசர்வ் வங்கி கவர்னரிடம் நான் கூறினேன். நமது பயம் இப்போது
உண்மையாகிவிட்டது. கடந்த ஏப்ரல் மாதம் 142 டன்கள் தங்கம் இறக்குமதி
செய்யப்பட்டுள்ளது. மே மாதம் 162 டன் இறக்குமதி ஆகியுள்ளது. கடந்த ஆண்டில்
சராசரியாக ஒவ்வொரு மாதமும் 70 டன் தங்கம் இறக்குமதி செய்யப்பட்டுள்ளது.
ஆனால் இந்த ஆணடு முதல் இரண்டு மாதங்களில் சராசரி 152 டன்னை எட்டியுள்ளது.

இப்படி இருந்தால் எப்படி தாங்க முடியும்? அந்த இறக்குமதிக்கான நிதியை
எப்படி வழங்க முடியும்? உணவு பணவீக்கம் இப்போதும் அதிகரித்துள்ளது. ரபி
பருவ அறுவடைக்குப் பிறகு அது குறையும் என நம்புகிறேன். ”என்று அவர்
பேசினார்.

RBI asked banks not to sell gold coins: Chidambaram
****************************************************************
RBI has advised banks not to sell gold coins to retail customers,
Finance Minister P. Chidambaram said a day after the government
increased import duty on the metal amid widening Current Account
Deficit.“I think the RBI has advised banks they should not sell gold
coins,” he said at the AGM of the Indian Banks’ Association (IBA) in
Mumbai on Thursday.