வங்கக் கடலில் புதியதொரு காற்றழுத்தத் தாழ்வுப் பகுதி!

வங்கக் கடலின் வடமேற்குப் பகுதியில் புதிய காற்றழுத்தத் தாழ்வுப்
பகுதி உருவாகியுள்ளது.தமிழகத்திலிருந்து சுமார் 1000 கிலோ மீட்டர் தொலைவில்
உருவாகியுள்ள இந்த காற்றழுத்தத் தாழ்வுப் பகுதி தற்போது ஆரம்ப நிலையில்
உள்ளது. இன்னும் ஒரிரு நாள்களில் அது வலுப்பெறும் என வானிலை மையத் தகவல்கள்
தெரிவித்துள்ளன.

சில வாரங்களுக்கு முன் அந்தமான் அருகே உருவான காற்றழுத்தத் தாழ்வு நிலை
வலுவடைந்து “மகாசேன்’ புயலாக மாறியது. இதன் மூலம் தமிழகத்தில் கணிசமான அளவு
மழை பெய்யும் என எதிர்பார்க்கப்பட்ட நிலையில், புயல் திசை மாறி மியான்மர்
அருகே கரையைக் கடந்தது.

இந்த நிலையில், கோடை வெயிலால் மாநிலத்தின் முக்கிய நீர் ஆதாரங்களின் நீர்
மட்டம் வெகுவாகக் குறைந்துள்ளதால், அடுத்து வரும் மாதங்களில் கடும்
குடிநீர் தட்டுப்பாடு ஏற்படும் சூழல் உருவாகியுள்ளது.எனவே, வங்கக் கடலில்
தற்போது புதிதாக உருவாகியுள்ள காற்றழுத்தத் தாழ்வு பகுதி காரணமாக
தமிழகத்தில் சில நாள்களுக்காவது மழை பெய்ய வேண்டும் என்ற எதிர்பார்ப்பு
மேலோங்கியுள்ளது.

இது குறித்து வானிலை மைய அதிகாரிகள்,”வங்கக் கடலின் வட மேற்குப்
பகுதியில் காற்றழுத்தத் தாழ்வுப் பகுதி உருவாகியுள்ளது. இது வலுவடைந்து,
ஆழ்ந்த காற்றழுத்தத் தாழ்வுப் பகுதியாக மாற வாய்ப்புகள் உள்ளன. தாழ்வுப்
பகுதி வலுவடையும் பட்சத்தில் அது நகரும் திசையைப் பொருத்தே மழை வாய்ப்பு
குறித்து கூற முடியும்.இருப்பினும் காற்றழுத்தத் தாழ்வுப் பகுதியால்
தமிழகத்தில் மழை பெய்யும் என்று எதிர்பார்க்கப்படுகிறது” என்று
தெரிவித்தனர்.

Depression in Bay of Bengal, temperatures dip further
*******************************************************************
Rains lashed part of the three regions for the second consecutive day on
Tuesday under the influence of the low pressure area system formed in
the north Bay of Bengal, resulting in further fall in temperatures in
the State.