பெற்றோரை இழந்த ஒரு குழந்தையின் கதறல் ஒரு பாடலாக-காணொளி

by **அருள்** Wed May 29, 2013 7:23 am

பெற்றோரை இழந்த ஒரு குழந்தையின் கதறல் ஒரு பாடலாக-காணொளி
*************************************************************

முள்ளிவாய்க்கால் படு கொலையின் நினைவுநாள், பெற்றோரை இழந்த ஒரு
குழந்தையின் கதறலை இங்கு பாடலாக தந்திருக்கின்றோம் . இசை அமைத்து வரிகளை
அமைத்திருப்பவர்கள் பெயரை குறிப்பிட முடியாத காலத்தின் கட்டாயத்தில்
வாழ்கின்ற எம் ஈழத்துக் கலைஞர்கள்

“முள்ளிவாய்க்கால் முற்றம்” இதழ் 2 சிறுவர் ஆக்கம் நூல் வெளியீடு

முள்ளிவாய்க்கால் இன அழிப்பு நினைவாக தமிழ் பெண்கள் அமைப்பினரால் நேற்று
27.05.2013 அன்று இரண்டாவது வருடமாக ” முள்ளிவாய்க்கால் முற்றம் ” இதழ் 2
எனும் சிறுவர்களின் ஆக்கங்களை கொண்ட நூல் பெர்லின் நகரில் வெளியிடப்பட்டது .

தாயக விடுதலைக்காக விலை மதிப்பற்ற அர்ப்பணிப்புகள் செய்யும் எமது மக்கள்
,மாவீரர்களின் தியாகங்கள் நாளைய சந்ததிக்கு தொடர்ந்து கொடுக்கும்
முகமாகவும் , அவர்களை எமது தேசத்தின் நற்பிரசைகளாக வளர்த்தெடுத்து தேச , இன
, மொழிப்பற்றுடன் வாழ வழிசமைக்கும் நூலாக “முள்ளிவாய்க்கால் முற்றம்”
திகழ்கின்றது .

இவ் நூலில் தமிழின அழிப்பில் மக்கள் பட்ட
துன்பங்கள் , மாவீரர்கள் செய்த தியாகங்கள் , எமது விடுதலைப் போராட்டத்தின்
உயிர்ப்பை கருக்கொண்டு கவிதைகள் , கட்டுரைகள் , ஓவியங்கள் சிறுவர்களால்
ஆக்கப்பட்டது .

இவ் நிகழ்வில் முள்ளிவாய்க்கால் இன அழிப்பில்
கொடூரமாக கொல்லப்பட்ட மக்களுக்கும் , இறுதி மூச்சு வரை விடுதலை தாகத்துடன்
போராடி மண்ணுக்காய் மடிந்த மாவீரர்களுக்கும் சுடர்வணக்கம் செலுத்தப்பட்டது .

இறுதியாக தியாகி அன்னை பூபதி அவர்களின் நினைவாக நடைபெற்ற ஓவியப்போட்டியில் வெற்றியீடிய சிறுவர்களுக்கு பரிசுகள் வழங்கப்பட்டது .

தமிழ் பெண்கள் அமைப்பு – யேர்மனி