இணையத் தொலைத்தொடர்பு சேவையை கட்டுப்படுத்த 128 ஆண்டுகால சட்டத்தைத் திருத்துகிறது இந்தியா!

இணையதள தொலைதொடர்பு சேவையை, பயங்கரவாதிகள் மற்றும் பிரிவினைவாதிகள் தவறாக பயன்படுத்துவதை தடுக்க, 128 ஆண்டு பழமை வாய்ந்த, "இந்திய டெலிகிராப்' சட்டத்தில், திருத்தம் செய்ய மத்திய அரசு திட்டமிட்டுள்ளது. தகவல் தொழில்நுட்ப வளர்ச்சியில், இணையதள தொலைதொடர்பு சேவை, முக்கிய இடத்தை பெறுகிறது. இந்தச்சேவையை, பயங்கரவாதிகள் மற்றும் பிரிவினைவாதிகள், சர்வசாதாரணமாக பயன்படுத்தி, சதி வேலைகளில் ஈடுபடுகின்றனர் . இதைத் தடுக்கும் வகையில், 128 ஆண்டுகளாக அமலில் உள்ள, இந்திய டெலிகிராப் சட்டத்தில் திருத்தம் செய்ய வேண்டிய அவசியம் ஏற்பட்டுள்ளது.


இதுகுறித்து விவாதிப்பதற்காக, மத்திய உள்துறை செயலர் ஆர்.கே.சிங் தலைமையில், அதனுடன் தொடர்புடைய அமைச்சகங்களின் உயர் அதிகாரிகள் பங்கேற்ற, உயர் மட்ட குழு கூட்டம் நடந்தது. இதில், மத்திய தொலை தொடர்புதுறை, தகவல் தொழில்நுட்ப துறைகளின் அதிகாரிகள் பங்கேற்றனர். கடந்த, 1885ம் ஆண்டில் நிறைவேற்றப்பட்ட, இந்திய டெலிகிராப் சட்டம், தகவல் தொழில்நுட்ப சட்டம், 2000 ஆகியவற்றில் திருத்தம் செய்வது தொடர்பாக விவாதிக்கப்பட்டது. இக்கூட்டத்தில், விவாதிக்கப்பட்ட விஷயங்கள் குறித்து, அரசு வட்டாரங்கள் கூறியதாவது: இணையதள தொலை தொடர்பு சேவையில் ஈடுபட்டுள்ள, அனைத்து நிறுவனங்களும், இந்தியாவில் சேவையை வழங்குவதற்கு, கண்டிப்பாக இங்கு பதிவு செய்ய வேண்டும். இந்திய சட்ட திட்டங்களுக்கு உட்பட்டு, சர்வர்களை இடமாற்றம் செய்ய வேண்டும்.இணைய தள தொலை தொடர்பு சேவையை, பயங்கரவாதிகள் இலகுவாக பயன்படுத்தும் வகையில், ஸ்மார்ட் போன்கள் எளிதாக கிடைக்கின்றன. அது தடுக்கப்பட வேண்டும்.

பயங்கரவாதிகளுக்குள் நடக்கும் உரையாடல்களை கண்டுபிடிக்க, பாதுகாப்பு ஏஜென்சிகள் முற்படும் போது, இந்த சேவையை வழங்குபவர்கள் ஒத்துழைப்பு தராததால், சிலரது உரையாடல்களை கேட்க முடியவில்லை. குறிப்பாக, தகவல் தொழில்நுட்ப வசதி அதிகரித்துள்ள நிலையில், அதற்கு ஏற்ற வகையில், சட்டங்கள் இல்லாததால், அவற்றை அணுகுவதில், பல்வேறு குளறுபடிகள் உள்ளன. இவை எல்லாம் சரி செய்யப்பட வேண்டும் என, கூட்டத்தில் பங்கேற்றவர்கள் உறுதியாக தெரிவித்தனர். இவ்வாறு, அரசு வட்டாரங்கள் கூறின.

நல்லது நடந்தால் சரி