ஐ.பி.எல்.6 பிளே–ஆப் சுற்றில் இன்று சென்னை–மும்பை மோதல்!

by **logu** Tue May 21, 2013 2:22 pm

ஐ.பி.எல். 20 ஓவர் கிரிக்கெட் போட்டியில் இன்று நடைபெறும்
இறுதிப்போட்டிக்கு முந்தைய சுற்று (பிளே–ஆப்) ஆட்டத்தில் சென்னை சூப்பர்
கிங்ஸ்–மும்பை இந்தியன்ஸ் அணிகள் மோதுகின்றன.

6–வது ஐ.பி.எல். 20 ஓவர் கிரிக்கெட் போட்டியில் நேற்று முன்தினத்துடன்
லீக் ஆட்டங்கள் முடிவடைந்தன. இதன் முடிவில் சென்னை சூப்பர் கிங்ஸ், மும்பை
இந்தியன்ஸ், ராஜஸ்தான் ராயல்ஸ், ஐதராபாத் சன் ரைசர்ஸ் ஆகிய 4 அணிகள்
இறுதிபோட்டிக்கு முந்தைய சுற்றுக்கு (பிளே–ஆப்) தகுதி பெற்றன.இந்த நிலையில்
இன்று (செவ்வாய்க்கிழமை) நடைபெறும் இறுதிப்போட்டிக்கான முதல் தகுதி
சுற்றில், லீக் ஆட்டங்கள் முடிவில் புள்ளி பட்டியலில் முதலிடம் பிடித்த
சென்னை சூப்பர் கிங்ஸ்- 2வது இடம் பெற்ற மும்பை இந்தியன்ஸ் அணிகள்
சந்திக்கின்றன. இந்த ஆட்டம் டெல்லியில் இரவு 8 மணிக்கு நடக்கிறது.
[You must be registered and logged in to see this image.]
டோனி தலைமையிலான சென்னை சூப்பர் கிங்ஸ் அணி 16 லீக் ஆட்டங்களில் விளையாடி
11 வெற்றி (பஞ்சாப், பெங்களூர், டெல்லி, கொல்கத்தா, ராஜஸ்தான், ஐதராபாத்,
கொல்கத்தா, புனே, பஞ்சாப், ஐதராபாத், டெல்லி அணிகளுக்கு எதிராக), 5
தோல்வியுடன் (மும்பை, புனே, மும்பை, ராஜஸ்தான், பெங்களூர் அணிகளிடம்) 22
புள்ளிகளுடன் ரன் ரேட் (+0.530) அடிப்படையில் புள்ளி பட்டியலில் முதலிடம்
பெற்று பிளே–ஆப் சுற்றுக்கு முன்னேறியது.

ரோகித் ஷர்மா தலைமையிலான மும்பை இந்தியன்ஸ் அணி 16 லீக் ஆட்டத்தில்
விளையாடி 11 வெற்றி (சென்னை, டெல்லி, புனே, கொல்கத்தா, பெங்களூர், பஞ்சாப்,
சென்னை, கொல்கத்தா, புனே, ஐதராபாத், ராஜஸ்தான் அணிகளுக்கு எதிராக) 5
தோல்வியுடன் (பெங்களூர், ராஜஸ்தான், டெல்லி, ஐதராபாத், பஞ்சாப் அணிகளிடம்)
22 புள்ளிகளுடன் ரன்ரேட் (+0.441) அடிப்படையில் புள்ளி பட்டியலில் 2–வது
இடம் பெற்று பிளே–ஆப் சுற்றுக்கு தகுதி பெற்றது.

மும்பை இந்தியன்ஸ் அணி தனது 2 லீக் ஆட்டங்களிலும் முறையே 9 ரன் மற்றும்
60 ரன் வித்தியாசத்தில் சென்னை அணியை வீழ்த்தி இருந்தது. மும்பை அணி தனது
கடைசி லீக் ஆட்டத்தில் பஞ்சாபிடம் 50 ரன் வித்தியாசத்திலும், சென்னை அணி
தனது கடைசி லீக் ஆட்டத்தில் 24 ரன் வித்தியாசத்தில் பெங்களூரிடமும் தோல்வி
கண்டு இருந்தது. முந்தைய தோல்வியில் இருந்து மீள இரு அணிகளும்
முயற்சிக்கும்.

சமபலம் வாய்ந்த இரு அணிகளும் மோதும் இந்த ஆட்டம் ரசிகர்களுக்கு விருந்து
படைப்பதாக இருக்கும் என்பதில் சந்தேகம் இல்லை. இந்த போட்டியில் வெற்றி
பெறும் அணி நேரடியாக வருகிற 26–ந் தேதி நடைபெறும் இறுதிப்போட்டிக்கு தகுதி
பெறும். தோல்வி பெறும் அணி வெளியேறாது. அந்த அணிக்கு மீண்டும் ஒரு வாய்ப்பு
உண்டு. வருகிற 24–ந் தேதி நடைபெறும் 2–வது தகுதி சுற்று போட்டியில், 22–ந்
தேதி நடைபெறும் வெளியேற்றுதல் சுற்றில் வெற்றி பெறும் அணியுடன் மோதும்.
இதில் வெற்றி பெற்றால் இறுதிப்போட்டிக்கு முன்னேற முடியும்.

ஐ.பி.எல். போட்டி வரலாற்றில் இரு அணிகளும் இதுவரை 13 முறை நேருக்கு நேர்
மோதி உள்ளன. இதில் சென்னை அணி 5 முறையும், மும்பை அணி 8 முறையும் வெற்றி
பெற்றுள்ளன. மிகுந்த எதிர்பார்ப்புக்கு உள்ளாகி இருக்கும் இந்த போட்டி
சோனிசெட்மேக்ஸ் மற்றும் சோனி சிக்ஸ் டெலிவிஷனில் நேரடியாக ஒளிபரப்பு
செய்யப்படுகிறது.

IPL 2013 Preview: Chennai Super Kings and Mumbai Indians battle for a spot in the final
*************************************************************************************************
The Indian Premier League (IPL), 2013 is now down to its final four.
Chennai Super Kings (CSK) and the Mumbai Indians face-off at the Feroz
Shah Kotla, Delhi for a place in the final. The winner of this first
Qualifier goes directly to the final, whereas the other side gets a shot
at redemption in the second qualifier.