அமிலத்தால் ஏற்படும் அல்சர் நோய்

ஆங்கிலத்தில் ‘Heart Burn’' என்று சொல்லப்படும் செஞ்சுக்கரிப்பு பலருக்கு அடிக்கடி ஏற்படும் பிரச்சினையாகும். சிலருக்கு உணவு உண்டதும் பல்மணி நேரத்திற்கு வயிற்றுப்பகுதியின் மேலிருந்து தொண்டை வரை எரிச்சல் ஏற்படலாம் அல்லது அஜீரணம் ஆகாத உணவு தொண்டையில் இலேசாக எட்டிப்பார்க்கலாம்.
வயிறு உப்பியது போல் உணரலாம். மேல் வயிற்றுப்பகுதியில் மிகுந்த வலி ஏற்படலாம். அதிக நேரம் பட்டினி கிடந்தாலோ, அதிகம் சாப்பிட்டாலோ இது போல் ஏற்படலாம். நாளாக, நாளாக வயிற்றில் சுரக்கும் அமிலத்தினால் ஏற்படும் விளைவுகளே இது.

அதிகமாக அமிலம் சுரப்பதனால் (Hyper Acidity) பல்வேறு உபாதைகள் ஏற்னடுகின்றன. நாம் உண்ணும் உணவைச் செரிமானம் செய்வதற்காக இரைப்பையில் அமிலம் சுரக்கிறது.

இந்த அமிலம் இந்த அமிலத்தினால் செரித்த உணவு அங்கிருந்து சிறு குடல் மற்றும் பெருங்குடலுக்குச் செல்கிறது. அமிலம் அதிகமாகச் சுரந்தாலோ அல்லது செரிமானம் செய்யப் போதுமான உணவு இல்லாமல் போனாலோ வயிற்றில் உள்ள தசைகளை இந்த அமிலம் அரிக்கலாம்.

இதனால் Ulcer என்று சொல்லப்படும் வயிற்றுப்புண் உருவாகலாம். சிலவகை உணவுப் பொருட்கள் இந்த அமிலத்தை அதிகம் சுரக்க வைக்கின்றன. இதைத் தவிர சில பழக்க வழக்கங்கள் இந்த அமிலத்தைக் குறைக்கவோ, அதிகமாக்கவோ செய்யலாம்.

நமது வயிற்றில் அமிலத்தைக் கட்டுப்படுத்த சில பாதுபாப்பு முறைகளும் உள்ளன. எனினும் இந்த அமிலத்தின் அளவிற்கும், காரத்துக்கும் (Alkali) இடையே சமச்சீர் நிலை இல்லாத போது வயிற்றுப்புண் ஏற்படலாம்.

வயிற்றில் புண் ஏற்படாமல் வெறும் அரிப்பு மட்டும் ஏற்பட்டு அதனால் வலி வருவதை Gastritis என்று சொல்கிறோம். இது குறுகிய காலத்திற்கு ஏற்படலாம்.

அதிகளவில் மதுபானம், எண்ணெய்யில் செய்யப்பட்ட கார உணவுகள் ஒரு சில மருந்துகள் போன்றவை இந்தப் பிணியை உருவாக்கலாம். அப்போது அதிக வலி அல்லது வாந்தி குமட்டல் ஆகியவை ஏற்படும்.

Peptic Ulcer / Duodenal Ulcer

Gastritis அதிகமாகி வயிற்றில் புண் உண்டாகலாம். அதுவே பெப்டிக் அல்சர் என்று சொல்லப்படுகிறது. இது இரைப்பையில் ஏற்பட்டால் Gastric Ulcer என்று அழைக்கப்படும்.

இரைப்பையிலிருந்து வெளிவரும் சிறு குடலின் ஆரம்பக் குழாய் Duodenum என்று அழைக்கப்படும். இதில் புண் இருந்தால் Duodenal Ulcer என்று சொல்லப்படுகிறது.

தொடர்ந்து வயிற்றுப் புண் இருந்தால் நாளாவட்டத்தில் ஒருவித செரிமானச் சீர்கேட்டை உருவாக்கலாம். அப்படி ஏற்படும் Chronic Indigestion என்பதை GERD ( Gastroesphageal Reflux Disease) என்று சொல்கிறோம்.

இது வயிறு உப்புதல், வாந்தி, குமட்டல், நெஞ்சு அடைப்பு, உணவுக் குழாயில் உணவு சிக்கிக் கொள்ளுவது போன்ற உணர்வு, தீராத வறட்டு இருமல் போன்ற உபாதைகளை ஏற்படுத்தலாம்.

GERD என்று சொல்லப்படும் நிலை உருவாகாமல் தடுப்பது நல்லது. ஏனெனில் இந்த நிலை ஏற்பட்ட பின்னர் இதைக் கட்டுப்படுத்துவது கடினம்.

தினமும் மருந்து எடுத்துக் கொண்டாலும் இந்த உபாதைகளை அறவே ஒழிக்க இயலாமல் போகலாம். H.Pylori என்று சொல்லப்படும் ஒரு கிருமி வயிற்றில் அமிலத்தை அதிகமாகச் சுரக்க வைக்கலாம். இந்தக் கிருமி Peptic Ulcer உருவாக ஏதுவாகலாம்.

ஆனால் Peptic Ulcer உள்ள எல்லோரிடமும் இந்தக் கிருமி காணப்படுவதில்லை. அதே நேரத்தில் ஆசிய நாடுகளில் இந்தக் கிருமி அதிகமாக பரவி இருப்பதால் நம்மில் பலரிடம் இந்தக் கிருமி உளிந்து கொண்டிருக்கக்கூடும்.

பிற்காலத்தில் வயிற்றில் Lymphoma என்று சொல்லப்படும் ஒருவிதப் புற்று நோய் ஏற்பட இந்தக் கிருமி காரணமாகலாம்.

பெரும்பாலும் இந்த நோயைக் கண்டுபிடிக்கப் பரிசோதனைகள் தேவையில்லை. ஒரு சில அறிகுறிகள் இருந்தால் Endoscopy மூலம் ஊணவுக்குழாய் பரிசோதனை செய்ய வேண்டி வரலாம்.

Barium Swallow அல்லது PH Monitor போன்ற பரிசோதனைகளும் தேவைப்படலாம். இந்த H. Pylori கிருமியை இரத்த பரிசோதனை மூலமும் மூச்சுக்காற்றுப் பரிசோதனை மூலமும் கண்டு பிடிக்கலாம்.

அவரவர் தன்மைக்கு ஏற்ப மருத்துவரிடமே (Primary Care Provider) இந்த நோய்க்குச் சிகிச்சை பெறலாம் தேவைப்பட்டால் மருத்துவர் அலலது சீரண உறுப்புகள் மருத்துவருடன் (Gastroenterologist) ஆலோசிக்கலாம்.

எடை குறைதல், வாந்தியில் இரத்தம் கலந்திருத்தல், மலத்தில் இரத்தம் கலந்திருத்தல் ஆகிய அறிகுறிகள் இருந்தால் உடனே மருத்துவரை அணுக வேண்டும்.

இந்த அறிகுறிகள் வயிற்று குடல் புண்ணில் இருந்து இரத்தம் கசிவதையோ அல்லது புற்று நோய் உருவாகுவதையோ உணர்த்தக்கூடும்.

Dr. சுமித்ரா ரகுவரன் FRCOG (Lon)