பிளே ஆப் சுற்றுக்குள் நுழைந்தது ராஜஸ்தான்: மீதமுள்ள ஒரு இடத்துக்காக மோதும் 4 அணிகள்

by **Tamil** Wed May 15, 2013 9:07 pm

ஐ.பி.எல் தொடரின் இந்த சீசனில் சென்னை அணி 10 வெற்றிகளை குவித்தபோதே பிளே
ஆப் சுற்றுக்கு முன்னேற எல்லா அணிகளுக்குமே கடும் சிரமம் இருக்கும் என்று
கணிக்கப்பட்டது.அதே போலவே மும்பை, ராஜஸ்தான் அணிகளும் 10 வெற்றிகளை அள்ளியது. இதனால் அடுத்த சுற்றுக்கான வாய்ப்பு மேலும் கடினமானது.

இந்நிலையில் நேற்று பெங்களூரில் நடந்த ஆட்டத்தில் பஞ்சாப் அணி அபார
வெற்றி பெற்றது. 174 ஓட்டங்கள் இலக்குடன் ஆடிய பஞ்சாப் அணி 18.1 ஓவரில் 3
விக்கெட் இழப்பிற்கு 176 ஓட்டங்கள் எடுத்து பெங்களூர் அணியை வீழ்த்தியது.

பெங்களூர் அணி தோல்வியை சந்தித்ததால் புள்ளிகள் பட்டியலில் பெரிய மாற்றம் ஏற்பட்டது.

பெங்களூர் அணி தோல்வியை சந்தித்த நிலையில் சென்னை(22), மும்பை(20), ராஜஸ்தான்(20) புள்ளிகளுடன் பிளே ஆப் சுற்றுக்கு முன்னேறியது.

[You must be registered and logged in to see this image.]

பிளே ஆப் சுற்றுக்கு தகுதி பெறும் 4வது அணி எது என்பதில் கடும் போட்டி
நிலவுகிறது. இந்த சுற்றுக்கு முன்னேற சன் ரைசர்ஸ் ஐதராபாத், கொல்கத்தா,
பெங்களூர், பஞ்சாப் அணிகள் களத்தில் குதிக்கின்றன.

சன் ரைசர்ஸ் அணி 16 புள்ளிகளுடன் உள்ளது. அந்த அணிக்கு இன்னும் 2
ஆட்டங்கள் உள்ளது. 17ம் திகதி ராஜஸ்தானுடனும், 19ம் திகதி கொல்கத்தாவுடன்
மோதுகிறது.

இந்த இரு ஆட்டத்திலும் வெற்றி பெற்றுவிட்டால் எளிதில் சன் ரைசர்ஸ் பிளே
ஆப் சுற்றில் நுழைந்துவிடும். பெங்களூர் அணிக்கு ஒரே ஒரு ஆட்டம் தான்
உள்ளது.

16 புள்ளிகளுடன் உள்ள அந்த அணி 18ம் திகதி சென்னையுடன் மோதுகிறது. இதில்
வெற்றி பெற்றாலும் அந்த அணியின் அடுத்த சுற்று வாய்ப்பு சன் ரைசர்ஸ்
அணியின் வெற்றி, தோல்விகளை பொறுத்து தான் அமையும்.

சன் ரைசர்ஸ் 2 ஆட்டத்திலும் வெற்றி பெற்றுவிட்டால் மற்ற அணிகள் வெளியறே
வேண்டியது தான். மாறாக 1 ஆட்டத்தில் வெற்றியும் மற்றொரு ஆட்டத்தில்
தோல்வியும் கண்டால் பெங்களூர் அணிக்கு வாய்ப்பு ஏற்படக்கூடும்.

அதும் அந்த அணி கடைசி ஆட்டத்தில் வெற்றி பெற்றால் மட்டும் தான். ஒருவேளை
சன் ரைசர்சும், பெங்களூர் அணியும் தலா 18 புள்ளிகளை பெற்றால் ரன் ரேட்
தான் அடுத்து சுற்று வாய்ப்பை இறுதி செய்யும்.-

கொல்கத்தா, பஞ்சாப் அணிகளுக்கு தலா 2 ஆட்டங்கள் உள்ளது. இந்த
அணிகளுக்கான வாய்ப்பு என்பது பெங்களூர், சன் ரைசர்ஸ் அணிகள் ஆட்டத்தின்
முடிவை பொறுத்துதான் இருக்கும்.

பெங்களூர், சன் ரைசர்ஸ் அணிகள் தங்களது ஆட்டங்களில் தோல்வியை சந்தித்து
கொல்கத்தா, பஞ்சாப் அணிகள் தங்களது ஆட்டங்களில் வெற்றி வாகை சூடினால் இந்த 4
அணிகளுமே தலா 16 புள்ளிகளை பெறும்.

இந்நிலை ஏற்பட்டால் ரன் ரேட் தான் பிளே ஆப் சுற்றில் நுழையும் அணியை
முடிவு செய்யும். கொல்கத்தா அணி இன்று புனேவை எதிர்கொள்கிறது. கடைசி
ஆட்டத்தில் சன் ரைசர்சை சந்திக்கிறது. பஞ்சாப் அணி டெல்லி, மும்பை அணிகளை
சந்திக்கிறது.

[You must be registered and logged in to see this image.]